Azərbaycan Tarixi
509
sahələrinin inkişafına nail olmaq üçün Prezident H.Əliyevin
fərmanı ilə 1999-cu ilin dekabrında
Azərbaycan Dövlət Neft
Fondu yaradıldı. Dövlət Neft Fondunu yaratmaqda əsas
məqsəd, Azərbaycan Respublikasının indiki Prezidenti İlham
Əliyevin dediyi kimi, ölkənin karbohidrat ehtiyatlarını maliyyə
ehtiyatlarına çevirmək və fondda yığılan vəsait investisiya
şəklində Azərbaycan iqtisadiyyatının başqa sahələrinə
qoymaqla neftlə bağlı olmayan sənaye sahələrinin, habelə kənd
təsərrüfatının stabil inkişafını təmin etmək və yeni iş yerlərini
yaratmaq, son nəticədə isə yeni
layihələr həyata keçirməklə,
gələcək nəsillər üçün neft hasilatının səviyyəsinin və dünya
bazarında neftin qiymətinin dəyişməsindən asılı olmayan güclü
iqtisadiyyat yaratmaqdı. Azərbaycan Dövlət Neft Fondunda
yığılan vəsaitdən ölkənin iqtisadiyyatının inkişafı,
respublikanın bütün bölgələrinin kompleks halında inkişafı,
şəhər və kəndlərin abadlaşdırılması, nəqliyyatın, səhiyyənin,
təhsilin, elm və mədəniyyətin dünya standartları səviyyəsinə
yüksəldirilməsi, əhalinin sosial rifahını yaxşılaşdırmaq üçün
səmərəli istifadə olunur.
Müstəqil Azərbaycan Respublikasının iqtisadiyyatının
dirçəldilməsində və inkişafında "Yeni İpək Yolu"nun işə
düşməsinin də əhəmiyyətini qeyd etmək lazımdır. 1993-cü ilin
may ayında Avropa birliyinin tşəbbüsü ilə "TRACECA"
proqramı üzrə Avropa-Qafqaz-Asiya nəqliyyat dəhlizinin -
"Yeni İpək Yolu"nun açılması barədə 9 ölkənin, o cümlədən
Azərbaycanın iştirakı ilə "Brüssel bəyannaməsi" qəbul olundu.
1996-cı il mayın 13-də Azərbaycan, Gürcüstan, Türkmənistan
və Özbəkistan arasında tranzit yük daşınmasının
tənzimlənməsi
haqqında Sarahs sazişi 1996-cı ilin dekabrında Azərbaycan,
Gürcüstan və Ukrayna arasında Avropa nəqliyyat dəhlizi
yaradılması haqqında Odessa sazişi imzalandı.
1997-ci ilin martında Rusiya Federasiyası Azərbaycan
Respublikası ilə sərhəd keçid məntəqələrindəki məhdudiyyət-
ləri ləğv etdi, şosse, dəmir yolu və su nəqliyyat bərpa edildi.
Qəzənfər Rəcəbli
510
2001-ci ilin ortalarında isə Rusiya Federasiyası Azərbaycandan
keçməklə İrana gedən "Şimal-Cənub" nəqliyyat dəhlizinin
yaradılması təşəbbüsü ilə çıxış etdi. Rusiyanın Azərbaycan
Respublikasını nəqliyyat blokadasına almaq cəhdi baş tutmadı.
1998-ci il sentyabrın 7-8-də Prezident H.Əliyevin
təşəbbüsü ilə Bakıda "Böyük İpək Yolu" Beynəlxalq konfransı
keçirildi. Konfransda 32 ölkənin və beynəlxalq təşkilatların
nümayəndələri iştirak edirdi. Beynəlxalq konfrans "Böyük İpək
Yolu"nun tranzit ölkələr üçün əhəmiyyətini açıqlayan "Bakı
Bəyannaməsi"ni qəbul etdi. Konfrans "Böyük İpək Yolu"nun
iqamətgahının Bakıda yerləşdirilməsi haqqında da qərar qəbul
etdi.
1994-1995-ci illərdə neftayırma zavodlarında
qurğular
modernləşdirildi və qaz emalı zavodu yenidən quruldu.
Respublikanın maşınqayırma sənayesi müəssisələri xarici
bazarın məhdudlaşması ilə bağlı olaraq, profillərini dəyişib
respublika sənayesi və kənd təsərrüfatı üçün avadanlıq, texnika
və ehtiyat hissələr istehsal etməyə başladılar. Respublikada
yeni sənaye müəssisələri, istehsal sahələri yaradıldı.
Ümumiyyətlə, 1996-2002-ci illərdə ölkənin iqtisadiyyatına 12
milyard dollar məbləğində investisiya qoyuldu.
Regionların kompleks inkişafı üçün qeyri-neft sahələrinə
kapital qoyuluşu artırıldı. 1996-cı ildə Naxçıvan Muxtar
Respublikasında 18 min hektar əkin sahəsinin suvarılmasını
təmin edən Vayxır su anbarının inşası bərpa edildi. İran
vasitəsilə Naxçıvan bölgəsinə elektrik enerjisi tranzit etmək
üçün 52 km-lik İmişli-Parsabad elektrik xətti işə salındı. 2001-
ci ildə Bakı elektoqaynaq səhmdar cəmiyyətinin poladtökmə
zavodu, Bakıda "Kaspian-Fiş" balıq məhsulları istehsalı
müəssisəsi, 2002-ci ildə Şəmkir-Yenikənd SES-i və s. işə
salındı.
Kənd təsərrüfatında həyata keçirilən islahatçılar da öz
bəhrələrini verməyə başladı. 1991-1994-cü
illərdə kənd
təsərrüfatı məhsulları istehsalı ildə orta hesabla 15-20 faiz
Azərbaycan Tarixi
511
azaldığı halda, 1997-2002-ci illərdə ildə orta hesabla 51 faiz
artdı. 2002-ci ildə ölkədə rekord miqdarda - 2 milyon 200 min
ton taxıl, 700 min ton kartof istehsal edildi. Ölkədə çəltik
becərilməsi bərpa olundu, şəkər çuğunduru əkilməsinə
başlandı. 2001-ci ildə ölkədə 2 milyon 21 min baş qaramal, 6
milyon 86 min başdan çox qoyun vardı. Əhalinin heyvandarlıq
məhsullarına tələbatını daxili imkanlar hesabına ödəmək
mümkün oldu. Artıq ölkəyə başqa yerlərdən heyvandarlıq
məhsullarının gətirilməsinə ehtiyac qalmadı.
İqtisadi dirçəliş xarici ticarət dövriyyəsinin artmasına
şərait yaratdı. Xarici ticarət dövriyyəsi 1993-cü ildə 1 milyard
300 milyon dollardan artaraq 2002-ci ildə təxminən 4 milyard
dollara çatmışdı. Xarici ticarət dövriyyəsində 2000-ci
ildə ixrac
ilk dəfə idxaldan çox olub 63,3 faiz oldu. Xarici ticarətdə
müsbət saldo yaranması ölkədə istehsal olunan malların
kəmiyyət və keyfiyyətinin artması nəticəsi idi.
Heydər
Əliyevin Azərbaycan Respublikasında
hakimiyyətə qayıtması ərəfəsində iqtisadi böhran və tənəzzül
əhalinin güzəranını ağırlaşdırmışdı. Ölkədə 1 milyon nəfərə
yaxın qaçqın və köçkünün olması əhalinin sosial durumunu
daha da ağırlaşdırırdı. Onlar çadır şəhərciklərində çox
acınacaqlı şəraitdə yaşayırdılar.
Prezident H.Əliyevin rəhbərliyi altında həyata keçirilən
islahatların sosial yönümü və əhalinin sosial müdafiəsi
tədbirləri 90-cı illərin ortalarından başlayaraq dövlətin iqtisadi
siyasətində mühüm yer tutdu. 1994-cü il iyulun 24-də
"Əhalinin sosial müdafiəsi haqqında"
Qanun qəbul edildi,
noyabrın 21-də isə "Əhalinin Sosial Müdafiəsi Fondu" təsis
olundu. 1995-2000-ci illərdə dövlət büdcəsindən sosial təyinatlı
xərclər üç dəfəyə qədər artırıldı.
Əmək haqqının artırılması üçün dövlət tədbirlərinin
həyata keçirilməsi nəticəsində dövlət büdcəsindən
maliyyələşdirilən işçilərin orta aylıq əmək haqqı xeyli artdı.
2000-ci ilin yanvarında təhsil işçilərinin, aprelində isə elm,
Qəzənfər Rəcəbli
512
mədənyiyət və sosial təminat sahələri işçilərinin əmək haqları
25 faiz artırıldı. Elm, təhsil, mədəniyyət və səhiyyə sahələrində
çalışan işçilərin əmək haqları sonralar da bir neçə dəfə 25-30
faiz artırılmışdır. Sonuncu dəfə isə təhsil işçilərinin əmək
haqqının 2008-ci ilin sentyabrında 3 dəfə artırılması
müəllimləri sosial müdafiəsi sahəsində çox dəyərli tədbir oldu.
Dövlətin
bir qrup ədəbiyyat, incəsənət və elm xadimlərinə,
gənc istedadlara fərdi təqaüdlər müəyyən etməsi də sosial
yönümlü tədbirlər sırasında xüsusi yer utur.
Dövlətin sosial yönümlü tədbirləri sırasında müharibə
əlillərinə qayğı da əhəmiyyətli yer tutur. Dövlət tərəfindən
müharibə əlilləri üçün xüsusi olaraq evlər tikilir və onlara
pulsuz paylanır. Müharibə əlillərinin mənzil-məişət şəraitinin
yaxşılaşdırılması ilə yanaşı, 1998-ci ildən onlara hər il dövlət
hesabına "Oka" markalı minik
avtomobilinin verilməsi də
ənənə halı olmuşdur.
Əhalinin maddi-rifah halının yaxşılaşdırılması,
yoxsulluğun səviyyəsinin aşağı salınması və ləğv edilməsi üçün
"Yoxsulluğun azaldılması və iqtisadi inkişaf üzrə Dövlət
Proqramı" hazırlandı. 2003-2005-ci illəri əhatə edən bu
proqrama əsasən makroiqtisadiyyat daha da möhkəmləndirildi,
iqtisadiyyatın bütün sahələr və regionlar üzrə tarazlı inkişafı
üçün investisiyalar qoyuluşu artırıldı və yeni iş yerləri
yaradıldı. Qaçqınların və köçkünlərin yaşayış şəraitini
yaxşılaşdırmaq üçün yeni abad şəhərciklər salınması işi
sürətləndirildi. Ölkədə sonuncu çadır şəhərciyi 2007-ci il
oktyabrın 4-də ləğv edildi. Onların əhalisi hər cür kommunal
şəraiti olan müasir evlərə köçürüldü.
İqtisadiyyatın dirçəlməsi ölkədə idmanın da inkişafına
böyük təsir göstərdi. 1992-ci il martın 10-da Azərbaycan Milli
Olimpiya Komitəsi yaradıldı. 1997-ci il iyulun 31-də
Azərbaycan MOK prezidenti vəzifəsinə İlham Əliyev seçildi.
2001-ci ilin oktyabrında isə Bakının
Maştağa qəsəbəsində
müasir standartlar əsasında inşa edilmiş Olimpiya İdman