Azərbaycan Tarixi
497
edən protokol imzalandı. 1994-cü il aprelin 4-də Vaşinqtonda
GUAM təşkilatına üzv olan
dövlətlərin prezidentlərinin
görüşündə Özbəkistan respublikası da bu təşkilata qəbul
edildikdən sonra o, GUÖAM adlanırdı, H.Əliyev GUÖAM
təşkilatının sədri seçildi, təşkilatın icrası katibliyinin
yaradılması qərara alındı. GUÖAM təşkilatını yaradılması
Rusiyanı çox narahat edirdi. Bununla əlaqədar 2001-ci iyunun
6-7-də Yaltada GUÖAM təşkilatı başçılarının görüşündə qəbul
olunmuş "Yalta Xartiyası"nda bu təşkilatın iqtisadi sahələrdə
əməkdaşlığa üstünlük verəcəyi elan edildi.
1994-cü ilin yanvarında Azərbaycan Respublikası
NATO-nun Avropa və dünyada sülhün, əmin-amanlığın qorun-
masına xidmət edən "Sülh Naminə Əməkdaşlıq" Proqramına
qoşuldu. Həmin il mayın 4-də Prezident H.Əliyev bu
Proqramın Çərçivə sənədini imzaladı.
Azərbaycan Respublikası hərbi inkişaf perspektivləri
sahəsində NATO ilə sıx əməkdaşlığa meyl göstərir.
Azərbaycan hərbi kontingenti İraq Kosovo və Əfqanıstanda
NATO sülhməramlı qüvvələrinin keçirdiyi əməliyyatlarda
Türkiyə hərbi hissəsinin tərkibində əlahiddə takım
kimi iştirak
etdi. 2002-ci il noyabrın 18-də NATO Parlament Assambleya-
sının İstanbulda keçirilən iclasında Azərbaycan Respublikası
NATO Parlament Assambleyasına assosiativ üzv qəbul edildi.
Azərbaycan Respublikasının xarici siyasətində NATO ilə
əməkdaşlığın əsas istiqamətləri H.Əliyevin 2002-ci il noyabrın
22-də Avropa - Atlantika Tərəfdaşlıq Şurasının Praqa şəhərində
keçirilmiş zirvə görüşündəki çıxışında öz əksini tapmışdır:
"Dünya son dərəcə mürəkkəb bir dövr yaşayır. Beynəlxalq
terrorizm bəzi dövlətlərin dəstəyindən istifadə edərək dünya
nizamına qarşı hərəkət edir, ekstremizm, təcavüzkar millətçilik
və davadar separatizm ideologiyası əsasında yeni qarşıdurma
xətləri yaratmağa çalışır, sərhədləri yenidən bölməyə,
dəyişməyə cəhd göstərir. Beynəlxalq sistemin
ümumi təhlükəyə
qarşı səmərəli mübarizə aparmaq qabiliyyəti ciddi sınağa
Qəzənfər Rəcəbli
498
səkilir. 11 sentyabr faciəsindən dərhal sonra Aeroatlantika
birliyi antiterror koalisiyası yaratdı və Azərbaycan ilk gündən
bu koalisiyaya qoşuldu. Biz bu gün də başqa ölkələr və
beynəlxalq təşkilatlarla birlikdə bu təhlükələrə qarşı əlimizdən
gələni edirik".
Azərbaycan Respublikasının Türkiyə ilə münasibətlərin-
də 1993-cü ilin yayından ciddi dəyişikliklər edildi. Bu qardaş
ölkə Azərbaycanın ən etibarlı siyasi müttəfiqi və iqtisadi
tərəfmüqabili oldu. Türkiyə Ermənistanı təcavüzkar bir dövlət
kimi tanımış, Dağlıq Qarabağ problemi ədalətlə həll
olunmayınca Ermənistan ilə heç bir əlaqə saxlamayacağını elan
etmişdir.
Azərbaycan Respublikası İran
ilə də hər iki tərəf üçün
faydalı siyasi, iqtisadi və mədəni əlaqələr yaratdı. İran dövləti
Ermənistanın Azərbaycana təcavüz etdiyini bildirsə də, onunla
hərtərəfli əlaqələr saxlayır. Bu da onun
Azərbaycan
Respublikası ilə münasibətlərdə səmimi olmadığını göstərir.
İran Xəzər dənizinin mübahisəli suları ilə bağlı Azərbaycana
qarşı çox aqressiv mövqe tutmuşdur. 2001-ci il iyulun 23-də
İran mübahisəli hesab etdiyi Xəzər dənizindəki sulardan Azər-
baycan gəmilərinin çıxarılması haqqında nota göndərdikdən
dərhal sonra hərbi təyyarələrini havaya qaldırmışdı.
Azərbaycan buna cavab tədbiri gördü. Belə gərgin anda
Türkiyə İrana etirazını bildirərək, bəyanat verdi ki, Azərbaycan
əl qaldıran qarşısında Türkiyəni görəcək. Münaqişə dinc yolla
nizama salındı. Prezident H.Əliyevin İrana səfəri zamanı 2002-
ci il mayın 20-də imzalanmış "Azərbaycan Respublikası ilə İran
İslam Respublikası arasında dostluq və əməkdaşlıq
münasibətlərinin prinsipləri haqqında" müqavilə iki qonşu
dövlət arasında münasibətlərin nizama salınması üçün mühüm
səhən oldu.
1996-cı ilin martında Azərbaycan Respublikası ilə qonşu
Gürcüstan arasında dostluq və əməkdaşlıq haqqında saziş
imzalandı. Bu qonşu ölkədə yaşayan azərbaycanlılara qarşı
Azərbaycan Tarixi
499
münasibətin yaxşılaşmasına səbəb oldu. İki dövlət arasında
bütün sahələrdə strateji əməkdaşlıq başlandı.
Azərbaycan Respublikasının xarici siyasətində ABŞ
İngiltərə, Fransa, Almaniya, İtaliya, Çin, Yaponiya, Koreya,
Pakistan, Səudiyyə Ərəbistanı, İsrail, Rumıniya və b. dövlətlər
ilə münasibətləri mühüm yer tutur. Azərbaycan bu və digər
dövlətlər ilə tərəfdaşlıq prinsiplərinə əsaslanan qarşılıqlı
əlaqələr yaratmışdır. Azərbaycan Respublikası qərblə şərq
arasında qədim "İpək yolu"nun bərpa olunmasında fəal iştirak
etmişdir
və bu yolun mərkəzində, Qərblə Şərqin qovşağında
mühüm yer tutur.
Azərbaycan Respublikası XXI əsrin başlanğıcında artıq
137 dövlət ilə diplomatik əlaqələr yaratmışdı, 24 dövlətin
Bakıda səfirliyi fəaliyyət göstərirdi, Azərbaycanın isə 21
dövlətdə səfirliyi və baş konsulluğu vardı.
Azərbaycanda aparılan demokratik islahatlar Avropa
dövlətləri tərəfindən razılıqla qarşılanırdı. 1996-cı ilin aprelində
Avropa Şurası dövlətləri ilə Azərbaycan Respublikası arasında
tərəfdaşlıq və əməkdaşlıq haqqında saziş imzalandı, iyun
ayında isə Azərbaycan Respublikası Avropa Şurası parlament
Assambleyasında xüsusi dəvət olumuş qonaq statusu aldı.
2001-ci il yanvarın 25-də Azərbaycan Respublikası Avropa
Şurasına üzv qəbul olundu. Avropa Şurasında Azərbaycan
parlamentinin nümayəndə heyətinin başçısı İlham Əliyev öz
işgüzarlığı ilə böyük nüfuz qazanaraq və 2003-cü il yanvarın
27-də AŞPA-nın sədrinin müavini və büro üzvü seçilmişdi.
Avropa Şurasında Azərbaycan nümayəndə heyətinin əsas
məqsədi Ermənistanın təcavüzkar kimi tanınmasına nail olmaq
və onu işğal olunmuş Azərbaycan torpaqlarından çıxmağı
məcbur etmək idi. 2001-ci il aprelin 24-də Azərbaycan
nümayəndə heyəti bu təşkilatın tribunasından Ermənistanın
azərbaycanlılara qarşı soyqırım siyasəti yeritdiyini, işğal
olunmuş Azərbaycan ərazilərində narkotik
maddələr istehsal
etdiyini və onun ixracatından əldə etdiyi vəsaitlə terrorçu
Qəzənfər Rəcəbli
500
dəstələr yaratdığını bütün dünyaya bildirdi. 2001-ci ilin
iyununda AŞPA-nın sessiyasında İ.Əliyev Ermənistanın işğal
etdiyi Azərbaycan torpaqlarında tarix və mədəniyyət abidələrini
dağıtmasını, planlı surətdə ekologiyanı korlamasını konkret
faktlarla ifşa etdi. 2002-ci il sentyabrın 26-da AŞPA-nın
sessiyasında müzakirə edilər. Azərbaycan haqqında məruzədə
ilk dəfə açıq surətdə bildirildi ki, Azərbaycanın torpaqları
Ermənistan tərəfindən işğal olunubdur, Ermənistanın
Azərbaycana qarşı təcavüz edibdir və bu təcavüz nəticəsində
Azərbaycanın bir milyon nəfərə yaxın qaçqını vardır.
Azərbaycan Respublikasının müstəqil xarici siyasətindən
narazı olan Rusiya Azərbaycana təzyiq göstərmək üçün 1994-
cü ilin axırlarında şosse,
dəmir yolu və dəniz yolunu
bağlamaqla iqtisadi sanksiyalar tətbiq etdi. Atəşkəs şərtlərinə
zidd olaraq, 1994-1996-cı illərdə Rusiya Ermənistana ümumi
dəyəri 1 milyarddan çox olan tank, təyyarə, raket texnikası və
digər ağır və taktiki hərbi silah verdi, Ermənistanda öz hərbi
bazalarını yerləşdirdi. 1997-ci il iyulun 3-də Moskvada Rusiya
ilə Azərbaycan arasında dostluq, əməkdaşlıq və qarşılıqlı
təhlükəsizlik haqqında müqavilə imzalansa da, həmin ilin
avqustun 29-da Rusiya
Ermənistan ilə də dostluq, əməkdaşlıq
və qarşılıqlı
təhlükəsizlik haqqında yeni müqavilə
imzalanmaqla əvvəlki öhdəliklərini təzələdi. Bu yeni sənəddə
hərbi vəziyyət yaranarkən Rusiyanın Ermənistan tərəfindən
çıxış edəcəyi rəsmi surətdə bəyan edilirdi. Azərbaycanın bu
müqavilədən narahat olduğunu və narazılığını görən Rusiya
Federasiyası Xarici İşlər Nazirliyi xüsusi nota ilə bu
müqavilənin Azərbaycana qarşı çevrilmədiyini bildirdi.
Azərbaycan Respublikasının Prezidenti H.Əliyev MDB dövlət
başçılarının 1997-ci il oktyabr, 1999-cu il mart zirvə
görüşlərində bu müqavilənin Azərbaycana qarşı təhlükə yarada
bilən maddələrinin ləğv olunmasını tələb etdi.
Bununla
əlaqədar 2001-ci ilin mayında Bakıda olan Rusiya Federasiyası
müdafiə naziri rəsmi surətdə elan etdi ki, Ermənistan və