Azərbaycan Tarixi
513
Kompleksi istifadəyə verildi. Sonrakı illərdə Gəncə, Naxçıvan,
Şəki, Bərdə,
Lənkəran, Quba, Şamaxı, Göyçay, Qazax, Şəmkir,
Yevlax, Mingəçevir, Qəbələ və b. şəhərlərdə də Olimpiya
İdman Kompleksləri tikildi.
Azərbaycan idmançıları beyəlxalq yarışlarda fəal iştirak
edərək, uğurlar qazandılar. 1996-cı ilə XXVI Yay Olimpiya
Oyunlarında Azərbaycan idmançıları ilk dəfə müstəqil
respublikanı təmsil etdilər və 197 komanda arasında 48-ci yeri
tutdular. 2000-ci ilin sentyabrında Sidneydə keçirilən XXVII
Yay Olimpiya Oyunlarında Azərbaycan idman komandası 198
komanda arasında 34-cü yerə çıxdı, güləş üzrə Natiq
Abdullayev və stend atıcılığı üzrə Zemfira Meftahəddinova
qızıl medal qazanaraq Olimpiya çempionu oldular.
Olimpiyalarda qızıl, gümüş və bürünc
medallar qazanan
idmançılar və onların məşqçiləri üçün 2002-ci il oktyabrın 10-
da Azərbacan Respublikası Prezidentinin xüsusi Olimpiya
təqaüdü təsis edildi. Azərbaycan Respublikasının idman
komandası 2004-cü ildə Afina, 2008-ci ildə Pekin və 2012-ci
ildə London Yay Olimpiya Oyunlarında da uğurla çıxış etdilər.
Azərbaycan güləşçilərindən Fərid Mənsurov Afina
Olimpiadasında, Elnur Məmmədli isə Pekin Olimpiadasında
qızıl medal qazanaraq olimpiya çempionu oldular. Azərbaycan
idmançılarının London Yay Olimpiya oyunlarında çıxışları
daha uğurlu olmuşdur. Respublikamızın idman şərəfini qoruyan
gənclərimiz 2 qızıl medal, 2 gümüş medal və 6 bürünc medal
olmaqla 10 medal qazanaraq ümumi komanda yarışında 30-cu
yerə çıxmışlar. Güləşçilərimizdən
Toğrul Əliyev və Şərif
Şərifov qızıl medal qazanaraq olimpiya çempionu olmuşlar.
İqtisadi dirçəliş ölkədə turizmin inkişafına diqqəti
artırmağa imkan verdi. Azərbaycanın səfalı guşələrində
beynəlxalq standartlar səviyyəsində istirahət mərkəzləri
yaradıldı. 2002-2005-ci illərdə Azərbaycanda turizmin inkişafı
üzrə Dövlət Proqramı qəbul edildi və həyata keçirildi.
Azərbaycan beynəlxalq turizm mərkəzlərindən birinə çevrildi,
Qəzənfər Rəcəbli
514
turizm ölkə iqtisadiyyatının yeni gəlir sahələrindən biri kimi
xalqın sosial tərəqqisinə kömək edən amillərdən biri oldu.
Ədəbiyyat:
1. Azərbaycan tarixi. 7 cilddə, 7-ci cild, s. 360-441.
2. H.Əliyev. Azərbaycan XXI əsrin və üçüncü minilliyin
astanasında. Yeni 2001-ci il, yeni əsr və üçüncü minillik
münasibəti
ilə Azərbaycan xalqına müraciət. Bakı,
2001.
3. H.Əliyev. Müstəqillik yolu. Bakı, 1997.
4. H.Əliyev. Müstəqilliyimiz əbədidir. Əsərləri. 45 cilddə,
I-XLIII.
5. R.Rəcəbli. Azərbaycan Respublikası Konstitusiyasının
baş memarı. Bakı, 1999.
Azərbaycan Tarixi
515
XXIX FßSÈL
Müstəqil Azərbaycan Respublikasının mədəniyyəti
29.1. Müstəqil Azərbaycan Respublikasında təhsil və
elm. Azərbaycan Respublikası müstəqillik əldə etdiyi ilk
vaxtlar iqtisadi, siyasi və mənəvi həyatdakı çətinliklər,
ziddiyyətlər təhsil sisteminə də təsir etmişdi. Təhsilə kifayət
qədər maliyyə vəsaiti ayırmaq mümkün deyildi, məktəblərin
maddi bazası zəifləyirdi. XX əsrin 90-cı illərinin əvvəllərində
nəzarətsizlik üzündən məktəbəqədər təhsil müəssisələrinin,
məktəblərin və digər təhsil ocaqlarının
bir çoxu, yaxud sinif
otaqları "zirək" işbazların əlinə keçmişdi və onlardan başqa
məqsədlər üçün istifadə olunurdu. Yüzlərlə təhsil müəssisəsi -
855 məktəbəqədər uşaq müəssisəsi, 693 ümumtəhsil məktəbi,
85 musiqi məktəbi, 4 texnikum və 1
ali məktəb Qarabağ müha-
ribəsi nəticəsində düşmənlərin əlinə keçmişdi. Müəllimlərin və
alimlərin bir qismi maddi vəziyyətin ağır olması üzündən təhsil
sistemini tərk etmişdilər.
Belə bir ağır vəziyyətdə müstəqil Azərbaycan
Respublikası öz milli təhsil sistemini yaratmağa başladı. 1998-
ci il martın 30-da Azərbaycan Respublikasının Prezidenti
Heydər Əliyevin sərəncamı ilə “Təhsil Sahəsində İslahatlar
üzrə Dövlət Komissiyası” təşkil edildi. Dünya Bankının, milli
və xarici ekspertlərin köməyi ilə “Azərbaycan Respublikasının
Təhsil İslahatı Proqramı” hazırlandı və 1999-cu il iyunun 15-də
Prezident tərəfindən təsdiq edildi. Bu Proqramda Azərbaycan
milli təhsil sisteminin strategiyası
və konsepsiyası
müəyyənləşdirildi. Proqramda təhsilin beynəlxalq standartlara
uyğunlaşdırılması, dünya təhsil sisteminə inteqrasiyası və əsaslı
surətdə təkmilləşdirilməsi nəzərdə tutulurdu. Dünya Bankı bu
Qəzənfər Rəcəbli
516
Proqramın həyata keçirilməsinin birinci mərhələsi üçün 10
milyon dollar kredit ayırdı.
Prezident Heydər Əliyev 2000-ci il iyunun 13-də "Azər-
baycan Respublikasında təhsil sisteminin təkmilləşdirilməsi
haqqında" Fərman verdi. Həmin Fərmana görə mülkiyyət
formasından asılı olmayaraq bütün təhsil müəssisələrinə tədris-
metodik rəhbərlik və ayrı-ayrı dövlət qurumlarına məxsus təhsil
müəssisələrinin (Milli Təhlükəsizlik və Müdafiə nazirlikləri
müəssisələrindən başqa) tabeliyi Azərbaycan Respublikası
Təhsil Nazirliyinə verildi, Azərbaycan Pedaqoji Kadrların
İxtisaslarının Artırılması və Yenidən Hazırlanması Baş İnstitutu
bazasında Azərbaycan Müəllimlər İnstitutu
və onun bölgələrdə
filialları yaradıldı, Təhsil Problemləri üzrə Respublika Elmi-
Tədqiqat Mərkəzi ilə Azərbaycan Elmi-Tədqiqat Pedaqoji
İnstitutu bazasında Respublika Təhsil Problemləri İnstitutu
təşkil olundu.
2000-ci ildə Azərbaycanda 111 min uşağı əhatə edən
1790 məktəbəqədər müəssisə və müxtəlif maraq sahələri üzrə
310 min şagirdi əhatə edən 367 məktəbdənkənar müəssisə
fəaliyyət göstərirdi. 2000-ci ildə Bakının Əhmədli yaşayış
sahəsində beynəlxalq "SOS Kinderdof İnternatsional" təşkilatı
tərəfindən yaradılmış 12 evdən ibarət uşaq kəndi istifadəyə
verildi.
2000-2001-ci tədris ilində Azərbaycanda 4548 dövlət
gündüz ümumtəhsil məktəbi fəaliyyət göstərirdi. Bu
məktəblərdə 654 min şagird təhsil alır, onların
təlim-tərbiyəsi
ilə 165 min müəllim məşğul olurdu. Ümumtəhsil sistemində
dəyişikliklər baş vermiş, xüsusi istedada malik uşaqlar üçün
təmayülyönlü 235 məktəb, o cümlədən 7 gimnaziya və 33 litsey
yaradılmışdı. Bakıda özəl "Atatürk" litseyi, "Bakı Türk litseyi",
T.Özal adına Bakı və Sumqayıt Türk litseyləri, Lənkəran Türk
litseyi, Şəki Türk litseyi və b. fəaliyyət göstərirdi. 1998-ci ildə
C.Naxçıvanski adına Orta Hərbi İnternat Məktəbinin Naxçıvan
filialı təsis edildi. XXI əsrin başlanğıcı üçün respublikada 38