Azərbaycan Tarixi
525
1997-ci il noyabrın 10-da
Prezident Heydər Əliyev
"Azərbaycan Respublikasında ədəbiyyat və incəsənət
xadimlərinə dövlət qayğısının artırılması haqqında", 2002-ci il
iyunun 11-də "Azərbaycan Respublikası Prezidentinin fərdi
təqaüdlərinin təsis edilməsi haqqında" fərmanlar verdi.
Qocaman ədəbiyyat və incəsənət xadimləri, gənc istedadlı
yazıçı və şairlər üçün fərdi təqaüdlər, elm, maarif, mədəniyyət,
incəsənət və digər sahələrdə xüsusi xidməti olmuş 150 nəfərə
Prezident təqaüdü təyin edildi.
Müstəqillik dövründə respublikada Milli Akademik Dram
Teatrı, Milli Opera və Balet Teatrı, Musiqili Komediya Teatrı,
Rus Dram Teatrı, Dövlət Gənclər Teatrı ilə bərabər yeni Bakı
Bələdiyyə Teatrı, Tənqid-Təbliğ Teatrı, Yuq Teatrı, Pantomim
Teatrı və Bakı Kamera Teatrı fəaliyyət göstərməyə başladı. Bu
dövrdə Fəraim Fərzəlibəyov, Azərpaşa Nemətov və Hüseynağa
Atakişiyev kimi istedadlı rejissorlar Adil İskəndərov və Tofıq
Kazımovun rejissorluq məktəblərinin ən yaxşı ənənələrini
davam və inkişaf etdirirlər.
XX əsrin sonu XXI əsrin başlanğıcında
Azərbaycan
musiqi sənəti yeni əsərlərlə zənginləşdi. 1991-ci ildə Fikrət
Əmirovun "Nizami" baleti, 1996-cı ildə Süleyman Ələskərovun
"Solğun çiçəklər" operası tamaşaya qoyuldu. Arif Məlikov 7-ci
simfoniyasını yazdı. Bu simfoniyanın səslənməsi üçün
Türkiyədə İnsan Doğramacı tərəfindən xüsusi konsert salonu
inşa olunmuşdur. Bəstəkar Cövdət Hacıyevin "Onu zaman
seçib" adlı 8-ci simfoniyası və bəstəkar Sərdar Cəfərovun
"Böyük vətəndaş haqqında" odası ulu öndər Heydər Əliyevə
həsr olunmuşdur. Bəstəkar Vasif Adıgözəlovun "Qarabağ" və
"Çanaqqala" oratoriyaları respublikanın musiqi həyatında
əlamətdar hadisələrdən biri olmuşdur. Bu dövrdə Azərbaycan
musiqisində hərbi mövzuya diqqət yetirilir. Süleyman
Ələskərovun "Əsgər marşı", Cavanşir Quliyevin "Əsgər marşı"
və başqa əsgər mahnıları dillər əzbəri
olub gəncləri qələbəyə
inam ruhunda tərbiyə edir.
Qəzənfər Rəcəbli
526
Müstəqillik illərində musiqi ifaçılığı sənəti də inkişaf
etməkdə və geniş təbliğ olunmaqdadır. Lütfiyar İmanov, Fidan
və Xuraman Qasımova bacılarının bənzərsiz ifaçılıq sənəti yeni
zirvələr fəth etdi. Görkəmli vokal ustaları Lütfiyar İmanov və
Xuraman Qasımova Türkiyə musiqi təhsili müəssisələrində
dərs deməyə dəvət olunurdular.
Muğam və xalq mahnıları ifaçılarının ənənəvi
müsabiqələri keçirilirdi. 1997-ci ildə Bakıda vokalçıların
Bülbül adına Birinci Beynəlxalq Müsabiqəsi keçirildi.
Azərbaycanın musiqi kollektivləri və görkəmli müğənnilər
Zeynəb Xanlarova, Alim Qasımov, Səkinə İsmayılova, pianoçu
Əzizə Mustafazadə xarici
ölkələrə qastrola dəvət olunur,
Azərbaycan musiqisini Fransa, İtaliya, Türkiyə, Rusiya,
Almaniya, İngiltərə. İsveç, ABŞ, Kanada, Çin, İraq, İsrail və
dünyanın başqa ölkələrində ləyaqətlə təmsil və təbliğ edirdilər.
2000-ci ildə Alim Qasımov Avropada diskləri ən çox satılan 5
nəfərdər biri olmuşdur. O, 2012-ci ildə ifaçılıq fəaliyyətinə görə
Azərbaycan Respublikasının “Elm, mədəniyyət və ədəbiyyat
üzrə” dövlət mükafatına layiq görülmüşdür.
2000-ci ilin noyabrında Moskvada "Şən və Hazırcavab-
lar" klublarının beynəlxalq yarışında Azərbaycanın "Bakılı oğ-
lanlar" klubu XX əsrin ən yaxşı komandası adına və "XX əsr
Çempionları Kuboku"na layiq görülmüşdür.
YUNESKO-nun xoşməramlı səfiri, Heydər Əliyev Fon-
dunun prezidenti Mehriban xanım Əliyevanın təşəbbüsü ilə
2010-cu ildən başlayaraq hər il keçirilən ənənəvi Qəbələ Bey-
nəlxalq Musiqi Festivalı Azərbaycanı dünyanın musiqi mərkəz-
lərindən biri kimi tanıtmaqda mühüm rol oynayır.
Azərbaycanın gənc müğənniləri 2008-ci ildən «Yev-
rovijn» beynəlxalq musiqi festivalında iştirak edirlər. Azərbay-
can nümayəndələri «Yevrovijn» beynəlxalq musiqi fenstivalın-
da birinci il
səkkizinci yeri tutdularsa da, 2010-cu ildə ikinci
yerə çıxdılar, 2011-ci ildə isə gənc müğənnilərimizdən Nigar
Camal və Elmar Qasımov «Yevrovijn» beynəlxalq musiqi
Azərbaycan Tarixi
527
festivalında birinci yeri tutaraq Azərbaycanın musiqi şöhrətini
Avropada bir daha yüksəyə qaldırdılar. Bu qələbə Azərbaycana
növbəti ildə «Yevrovijn» beynəlxalq musiqi festivalına ev
sahibliyi etmək hüququ verdi. 2012-ci ildə Bakıda yüksək
səviyyədə keçirilən «Yevrovijn» beynəlxalq musiqi festivalı
Azərbaycan xalqının belə beynəlxalq tədbirləri keçirməyə qabil
olduğunu nümayiş etdirdi.
Müstəqillik uğrunda mübarizə illərində özəl kinostudiya-
lar təşəkkül tapdı. Lakin onların maddi-texniki bazası çox zəif
idi. Ona görə də "Azərbaycanfilm" kinostudiyası 1994-cü ildə
yenidən dövlət tərəfindən maliyyələşdirilməyə keçirildi. Müs-
təqillik əldə edildikdən sonra Azərbaycan kinomatoqrafçıları
"Əhli-kef", "Fransız", “Hər şey yaxşı olacaq", "Yaramaz",
"Həm ziyarət, həm ticarət", "Yer ilə göy arasında”, "Uçurulmuş
körpü", "Özgə vaxtı" və b. bədii filmlər yaratmışlar.
Rejissor
Ə.Əblüçun çəkdiyi "Ağ atlı" və rejissor C.Mirzəyevin çəkdiyi
"Fəryad" filmlərində Qarabağ müharibəsi, erməni vəhşilikləri
və qaçqınlıq həyatının dəhşətləri kimi təsirli və realist hadisələr
kinolentə alınmışdır. Rejissor Vaqif Mustafayevin yaratdığı
"General", "Birinci", "Moskva-Kreml", "Lider", "Tale", "Əsl
məhəbbət haqqında" və "Bir həsədin tarixi" sənədli filmlərdə
fenomen şəxsiyyət olan ulu öndər Heydər Əliyevin ömür
yolundan bəhs olunur. Azərbaycan kinematoqrafının ən
populyar əsəri «Xocalı» filmi hesab edilir. Vahid Mustafayev
tərəfindən çəkilmiş bu film Qarabağ həqiqətlərindən bəhs edir,
Xocalı faciəsi haqqında canlı təsəvvür yaradır. Film dünyanın
əksər ölkələrində nümayiş etdirilmişdir.
Müstəqillik illərində Azərbaycan
tətbiqi sənəti sahəsində
də müəyyən diqqətəlayiq işlər görülmüşdür. Şəhərlərdə mey-
danlar və parklar yenidən qurulmuş, yeni abidələr qoyulmuş-
dur. Dağüstü parkda Şəhidlər Xiyabanı salındı. Prezident
Heydər Əliyevin təşəbbüsü ilə Şəhidlər Xiyabanında 21 metr
hündürlüyündə möhtəşəm bir abidə ucaldıldı. Bakıda 1994-cü
ildə Hüseyn Cavidin (heykəltəraş Ö.Eldarov), 1993-cü ildə Şah
Qəzənfər Rəcəbli
528
İsmayıl Xətainin (heykəltəraşlar İ.Zeynalov və Z.Mehdiyev),
1998-ci ildə akademik Yusif Məmmədəliyevin (heykəltəraş
A.Ələskərov), Xızıda 1999-cu ildə C.Cabbarlının (heykəltəraş
C.Qaryağdı) və Bakıda 1997-ci ildə akademik Zərifə
Əliyevanın xatirəsinə həsr edilmiş "Elegiya" abidəsi
(heykəltəraş Ö.Eldarov) qoyuldu. 1912-ci ildə Bakıda xalq
qəhrəmanı Koroğluya həsr olunmuş abidə xalqın azadlıq
hərəkatları simvoluna çevrilmişdir. 1996-cı ildə Naxçıvanda
Hüseyn Cavidin möhtəşəm məqbərəsi (müəlliflər Ö.Eldarov və
R.Əliyev) tikildi. Bakıda tikilmiş Heydər Əliyev
Mərkəzi
Azərbaycan memarlığının ən gözəl nümunəsidir. Bakıda
tikilmiş “Xalça” və “Muğam” muzeyləri şəhəri bəzəyir.
2007-ci ildə Azərbaycan Respublikasının Prezidenti
İlham Əliyevin Fərmanı ilə ölkənin paytaxtı Bakıda Dövlət
Bayrağı meydanı yaradıldı. Meydanda ucaldılan Azərbaycan
Respublikasının bayraq dirəyinin hündürlüyü 162 metrdir. Bu
dünyada ən hündür bayraqdır. Meydanda tikilmiş muzeydə
həmin bayrağın dünyada ən uca bayraq olmasını təsdiq edən
seltifikat ilə birlikdə Azərbaycanın vaxtilə kiçik feodal
dövlətləri olmuş Azərbaycan xanlıqlarının bərpa olunmuş
dövlət bayraqları da nümayiş etdirilir.
Bu illərdə Azərbaycanın təsviri sənət ustaları gözəl rəsm
əsərləri yaratdılar. Azərbaycanın fırça ustalarının əsərləri
dünyanın sərgi salonlarında böyük uğurla nümayiş etdirildi.
Səttar Bəhlulzadənin rəsm əsərləri sərgisi 1995-ci ildə ABŞ-da,
1996-cı ildə Almaniyada təşkil olunmuşdur. 1996-cı ildə Paris-
də dünya rəssamlarının sərgisində
Toğrul Nərimanbəyovun,
1997-ci ildə Vaşinqton, Nyu-York və Çikaqo sərgilərində Ka-
mil Nəsibzadənin rəsm əsərləri nümayiş etdirilmişdir.
Xalça rəssamı Kamil Əliyevin Mustafa Kamal Atatürk və
Heydər Əliyevin portretləri toxunmuş xalçalarında Azərbaycan
xalçaçılıq sənətinin ən yaxşı ənənələri yaradıcılıqla inkişaf
etdirilmişdir. Xalça rəssamı Tahir Məcidovun Heydər Əliyevə
həsr etdiyi "Qayıdış" xalçası yüksək sənətkarlığı ilə diqqəti cəlb