Məşhur xeyriyyəçi Mahmud Ağa və naməlum muğam universiteti
77
Lütvü qıl, rəhm elə sən, biçarə Mahmud Ağaya,
Dur gəl qurbanım olum, vəslinlə bitsin hicranım.
Mahmud Ağanın lətifələrindən nümunələr
... Novruz adlı bir şəxs Muğanda xanəndəlik edirmiş. Bir
gün o, Şamaxıya Mahmud Ağanın məclisinə dəvət olunur. Bir
həftə ərzində o, 2-3 muğam oxuyur.
Həftə tamamında Mahmud Ağa ona bir at bağışlayıb yola
salır. Novruz ata minib düşür yola və bir qədər gedəndən sonra
görür ki, at axsayır. Geri dönüb deyir:
- Ağa, axı at axsayır. Mahmud Ağa cavab verir:
- A bala, elə sən də muğamatda axsayırsan. Taylı-tayını
tapar.
***
...Qışın oğlan çağı hava qaralan zaman möhkəm çovğun
imiş. Mahmud Ağa həyətə enir və görür ki, bir nəfər eşşəkli kişi
haraylayır:
- Ay Mahmud kişi, ay evin sahibi!
Mahmud Ağa başa düşür ki, bu yad yerin adamıdır, çünki
heç kim onu bu cür çağırmaz. Qapıya çıxıb soruşur:
- Qardaş, kimi istəyirsən?
Kişi soyuqdan əsə-əsə deyir:
- Mahmud kişini, bu evin sahibini.
- Neynirsən onu?
- Qalmağa yerim yoxdu. Dedilər, get onun evində
qal.
Mahmud Ağa soruşur:
- Əşşi, heç onu tanıyırsan?
- Yox!
- Bilirsən kimdir?
Kişi güclə dişini-dişinə qoyub deyir:
Seyfəddin Qəniyev, Səadət Veysova
78
- Ədə, mən nə bilim nə köpəy oğludur, soyuqdan do-
nuram. Kişidir, çıxsın çölə, mənim özümə, ulağıma yer
göstərsin.
Mahmud Ağa kəndlinin bu səmimi sözlərinə ürəkdən
qəh-qəhə çəkib gülür və onu qonaq saxlayır.
***
Şamaxı bazarında Cəfərqulu adlı bir kişi var imiş. Lotular
ona pul verib onu-bunu söydürər, məzələnərmişlər. Günün
birində Mahmud Ağa bazara çıxıb Cəfərqulunu görüb yanına
çağırır. Kişi Mahmud Ağanı tanımırmış. Mahmud Ağa ona
deyir:
- Mahmud Ağanın atasını 3 dəfə söy, sənə bir üçlük
verəcəyəm.
Kişi qorxsa da pul onu tamahlandırır, bir dəfə astadan
söyür.
Mahmud Ağa deyir:
-Yox, bu ko deyil
2
, gərək bərkdən söyəsən. Kim sənə söz
deyə bilər? Söy, başuva dönüm!
Kişi cəsarətlənib 3 dəfə də Mahmud Ağanın atasını söyür
və pulu istəyir.
Mahmud Ağa deyir:
- Hələ bir 3 dəfə də Cəfərqulunun atasını söy, sonra
pulunu verim.
- Hansı Cəfərqulunun?
- Belə özciyəzüvün! Mənim dədəmi söydüyün kimi
gərək özüvünkünü də söyəsən.
Cəfərqulu kişi Mahmud Ağanı tanıyıb üzr istəyir.
***
Mahmud Ağanı bir qohumu Salyana toya çağırır.
2
«Ko deyil» - Şamaxı dialektində bu ifadə - sayılmır mənasında işlənir.
Məşhur xeyriyyəçi Mahmud Ağa və naməlum muğam universiteti
79
Gəlini qonşu kənddən gətirəcəklərmiş. Mahmud Ağa
da gəlin gətirənlərlə gedir. Ev sahibi onu tanıyıb hör-
mətlə qarşılayır və sonra öz oğlanlarını bir-bir ona təq-
dim edir:
- Ağaəli, Ağahəsən, Ağahüseyn, Ağaməhəmməd,
Ağabağır, Ağarza, Ağasadıq, Ağanəbi, Ağasəlim...
Mahmud Ağa tez yerindən durub deyir:
- Balam, bu qədər ağanın yanında mənə oturmaq
düz deyil.
Ev sahibi də zarafatcıl imiş, deyir:
- Mahmud Ağa, qurbanın olum, hələ Ağaqulu,
Ağaverdi və Ağamehdi də gəlsin görüşsün...
Mahmud Ağa deyir:
- Qardaş, bir evdə ki, 12 ağa ola, o evdə mənə
ağalıq çatmaz, durum çıxım həyətə...
***
Mahmud Ağa musiqi ilə yatıb-durarmış, özü də
bərk yatan imiş. Bir dəfə xahiş edir ki, mən yatanda
əvvəlcə «Şüştər», sonra da «Zəng şotor» çalarsız.
Sazəndələr çalmağa başlayır və sonra hiss edirlər
ki, Mahmud Ağa yatıb və «Şüştər»dən «Şura»,
«Mahura» keçirlər. Mahmud Ağa yuxudan hövlənk
ayılıb deyir:
-Adə, ay zalım uşağı, yatmışam ey, ölməmişəm
axı. «Zəng şotor» çətindi deyə hər yerə əl atırsız, fikri-
niz nədir? Siz öləsüz, öləm, tabuta qoyulam, yenə razı
olmaram ki, muğamata xələl qatasız. Evimi dağıdın,
Seyfəddin Qəniyev, Səadət Veysova
80
muğamatı yox...
***
Mahmud Ağaya xəbər verirlər ki, Kolanı elatında
Məşədi Mustafanın evində musiqi və şeir məclisi
təşkil edilib, bir el şairi orada iştirak edir. Mahmud
Ağa buna inanmasa da, Küdrüyə - Mustafanın evinə
adam göndərir və xahiş edir ki, məclis əhlinin hamısı
çərşənbə günü ona qonaq gəlsin.
Çərşənbə günü qonaqlar gəlir: bunlar Məşədi
Mustafa, Çürük İslam, Padar Surxay, Orucəli Gorani,
Qasım və Baba idi. Mahmud Ağa, qonaqların əsl
köçəri-tərəkəmə geyimində, əsasən 50-60 yaşlı qo-
calar olduğunu görüb təəccüblənsə də, özünü o yerə
qoymur, onları məclisə dəvət edir.
Bunlar əldəqayırma saz, balaban, qoşa nağara və
qaval ilə bir şənlik yaradır, gözəl satirik şeirlər
deyirlər ki, hamı heyran qalır. Mahmud Ağa deyir:
- Sən öləsən, papaq altında oğullar var imiş.
Mərhəba belə xalqa, qurban olum belə torpağa ki, bu
cür oğullar yetirir...
***
Belə deyirlər ki, Mahmud Ağa yas yerlərinə az
gedərmiş.
Bir tərəkəmə obasında adam ölür. Meyit
namazına durmaq üçün cəmi dörd adam olur. Molla
Məşhur xeyriyyəçi Mahmud Ağa və naməlum muğam universiteti
81
deyir ki, görün bir adam da tapa bilirsinizmi ki, beş
nəfər olsun.
Çobanın birisi el yoluna çıxıb görür ki, bir nəfər
atlı gedir. Bu da Mahmud Ağa imiş. Çoban onu
tanımır və xahiş edir ki, hüzr düşüb, gedək bizimlə
meyit namazına dur.
Mahmud Ağa imtina edirsə də, olmur. Axırda
çoban onun atının yüyənindən yapışıb obaya tərəf
çəkərək deyir:
- Rəhmətliyin oğlu, sən də mənə Mahmud Ağa
deyilsən ki, ölü yerinə getməyəsən.
***
Təbrizdən gəlmiş Məşədi Abbas adlı bir xanəndə
bir axşam Mahmud Ağanın məclisində çox gözəl səslə
«Bayatı-Qacar» muğamını fars dilində oxuyur.
Adətən, qonaq sənətkarlara elə məclisdəcə hədiyyə
verən Mahmud Ağa hərəkətə gəlmir.
Məşədi Abbas pərt soruşur:
- Məgər Ağanın xoşuna gəlmədi ki, lütf edib
bircə kəlmə xoş söz də demir?
Mahmud Ağa deyir:
- Ay zalım oğlu, belə gözəl səslə, rəvadırmı ki,
özün Şirvanda farsca qəzəl oxuyasan? Öz dilimizdə
oxusaydın, mən verəsiydim, farsca oxudun, get haq-
qını onlardan al.
***
Dostları ilə paylaş: |