dep tu’sinilgen. A’psanalıq da’wirdin’ o’zine ta’n o’zgeshelikleri to’mendegiler bolıp
tabıladı.
1. Zatlar menen tıg’ız baylanıslıq ha’tte olarg’a bag’ınıwshılıq. Sebebi waqıt
qa’wimlik-ruwlıq tu’sinik. Sonlıqtanda olda janzat dep esaplanadı.
2. Onın’ birgelki emes, ga’ sozılın’qı, ga’ tıg’ızlanıwshı xarakteri. Bul da ulıwmalıq
ha’m jekenin’ bo’linbes bir pu’tinlikke birigiwinen kelip shıg’adı.
3. Waqıttın’ baslanıw yamasa ayaqlanıw ma’selesinin’ bolmawı. Sebebi waqıt
ba’rhama ruwlıq tu’sinik esaplanadı. Al ha’rqanday ruwlıq tu’sinikke waqıt
sıpatlaması berilmeydi. Sonlıqtanda du’nyanın’ a’psanalıq kartinasında (ko’rinisinde)
ha’reketti qay jerden baslaw ha’m qay jerde toqtatıw ba’ri-bir esaplanadı.
4. Kosmoslıq oraydın’ barlıq jerde bolıwı.
5. A’psanalıq waqıt ha’r qanday waqıt ha’m ken’islik a’psanası ushın barlıq na’rsenin’,
barlıq na’rsede bolıw printsipin na’zerde tutadı.
6. Tuyıq (jabıq) kosmos ishinde zatlardın’ ulıwmalıq bir-birine aylanıwı. Bul jerde ha’r
qanday jekelik (birlik) o’zinde qa’legen ulıwmalıqtı aladı ha’m kerisinshe.
7. Waqıt ag’ımında sebeplerdin’ ha’m aqıbetlerdin’ bir-birinen bo’linbeytug’ını,
ajıralmawı. Sebebi waqıt ag’ımı a’psanada bo’linbeytug’ın pu’tinlik tu’siniledi. Onın’
o’zi, o’zi ushın sebep ha’m maqset boladı.
8. Jeke insan (shaxs) seziminin’ joqlıg’ı, durısırag’ı onı bir pu’tinnin’ heshqanday
o’zgeshelikke iye emes, biyparwa bir bo’legi dep tu’siniw. Qa’wimlik-ruwlıq
formatsiyada insan o’zin ruwlıq qa’wimnen ajıratpaydı.
9. Sezim menen sheklengenlik ha’m o’zinde tuyıqlang’an kosmostan basqa is
ha’reketlerdin’ ha’m ha’reket na’tiyjelerinin’ bolmawı.
10.
Ha’r bir ma’writtin’ a’jayıp-fantastikalıq xarakteri, sebebi ol ma’n’gilikten
ayrılmaydı.
Qa’wimliq-ruwlıq formatsiya adamı ushın ha’rqanday fantastika barınsha
itimallı bolg’an realizmdi an’latadı. Solay etip waqıttı ha’m ken’islikti a’psanalıq
tu’siniw qa’wimlik-ruwlıq formatsiyanın’ o’zgeshelikleri menen anıqlanadı. Onda
jeke subekt o’zi ushın en’ jaqın ha’m tu’sinikli bolg’an qa’wimnen o’zin ayırmaydı.
Sizler usı waqıtqa deyin «tariyx» so’zi derlik qollanılmay atırg’anın sezgen bolsan’ız
kerek. Onın’ sebebi biz joqarıda ko’rsetip o’tken a’psanalıq waqıttın’ o’zgeshelikleri
tariyx tu’sinigine sa’ykes kelmeydi. Tariyx ko’z-qarasınan a’psanalıq waqıttı
pu’tkilley ha’reketsiz dep aytıw mu’mkin. Sonlıqtanda ol tariyxıylıqtı ko’rsetpeydi.
Onın’ ushın tariyxıy waqıt ta’n emes dep aytıwg’a boladı.
Biraq a’psanalıq u’stem bolg’an da’wirde adamlardın’ ko’z-qarasında
faktografiyalıq ha’m pragmatik, ha’r bir waqıyag’a tu’sinik beriwdi talap etetug’ın
tariyxıylıq bolmadı, dep u’zil-kesil juwmaq shıg’arıw orınsız bolar edi. Absolyut
a’psanalıqta da o’zinin’ tariyxıylıg’ı bar. Biraq ol bunda nul halatında, sheksizlik
tu’rinde boladı. Al nul ha’m sheksizlik ha’r qanday aqırg’ı zat ko’z qarasınan bir
na’rse. Biz aqırg’ı san u’stinde qanday matematikalıq ha’reketler islemeyik, ol hesh
qashan nulgede sheksizlikkede jetpeydi. Sonlıqtanda biz tek a’psanalıq waqıt g’ana
emes, al a’psanalıq tariyx haqqında da aytıwmız mu’mkin. Bunda a’psanalıq
tariyxıylıq barlıq jerde bolg’an oraydı na’zerde tutatug’ının umıtpaw kerek. Onda
ha’reketti qaydan baslaw, qay jerde tamamlawdı ayırıp bile almaysan’. A’psanalıq
tariyxıylıq tolıq ha’reketsizlik ekenligi tan’ qaldırarlıq fakt. Ondag’ı bir zattan
basqasına o’tiw tu’rinde berilgen na’rse, is ju’zinde zatlar ha’m qubılıslardın’ o’tiwi
emes, al o’z-ara ha’m ha’reketsiz iliniskenlik bolıp tabıladı.
Tariyx ushın jeke adam, ja’miyet, adamnın’ ha’m onın’ ja’miyetinin’ bir
jag’daydan basqa jag’dayg’a o’tiwi za’ru’r. A’psanalıq waqıtta jeke adamda,
ja’miyette, heshqanday o’tiwlerde joq. Sonlıqtanda a’psanalıq tariyx bizge misli onda
ha’rqanday waqıyalar sa’wlelendirilgeni menen, o’zi ha’reketsiz turg’an
kinoekrang’a uqsaydı. Tariyxtın’ (tariyxıylıqtın’) payda bolıwı ushın ja’mietlik-
ekonomikalıq revolyutsiyalar, en’ bolmag’anda kem ha’reketler ha’m sotsiallıq-
ekonomikalıq jaqtan ebeteysiz qa’wimlik-ruwlıq formatsiyanın’ az g’ana bolsada
sheklerinen shıg’ıw za’ru’r boladı.
3. Gerodot ilimiy tariyxının’ jaratılıwı.
Gerodot o’zinin’ ashıq pikir bildiriwleri, tariyxıy ta’liymatı menen a’yyemgi
folosoflar arasında ayrıqsha orın iyeleydi. Onı «Tariyxtın’ atası» dep teginnen
atamaydı. Gerodot qudaylar haqqında da, ta’g’dir haqqında da ko’p na’rseler aytqan.
Onın’ ko’birek qanday tu’siniklr menen pikirlerin bildiretug’ının an’law qıyın. Ol
diniy ha’m mifologiyalıq, sonın’ menen birge faktografiyalıq – pragmatikalıq
tu’siniklerden paydalanadı. Qudaydın’ ha’m ta’g’dirdin’ insaniyat tariyxına ta’siri
haqqında pikir ju’ritip, ol ayırım waqıtlarda bunnan bas tartıwıda mu’mkin. Ma’selen,
haqıyqatında da qudaylar usılayınsha sheshken bolıwı, al ba’lkim anaw yamasa
mınaw waqıya o’z-o’zinen payda bolg’an bolıwı itimal, dep bildiredi. Sonlıqtan da
onın’ pikirleri bir qatar jag’dayda o’z-ara qarama-qarsı bolıp keledi. Ol ja’miyettin’
tariyxınan ko’plegen kartinalar keltiredi, olardı teren’lestiredi, usının’ menen bir
waqıtta skeptik pozitsiyag’ada o’tip ketedi.
Gerodottın’ ilimiy miynetleri haqqında so’z etetug’ın u’sh shıg’armanı atap
ko’rsetiw orınlı boladı. Olarda Gerodottın’ tariyxıy filosofiyası tuwralı aytarlıqtay
mag’lıwmatlar berilgen. Bul miynetlerdin’ biri E.Xovaldqa tiyisli bolıp, ol Gerodottı
sheshiwshi tu’rde sıng’a aladı. Onın’ pikirinshe Gerodot Gretsiyanın’ satqını ha’m
waqıyalardı burmalawshı sıpatında ko’rinedi. Al ekinshi bir miynettin’ avtorı belgili
tariyxshı E.Meyer bolıp tabıladı. Ol ko’plegen sandag’ı ha’r qıylı materiallardı
u’yreniw tiykarında Gerodottı o’z zamanının’ aldıng’ı adamı, haq niyetli insan
sıpatında ko’rsetedi. Gerodot haqqında jazılg’an u’shinshi miynettin’ avtorı
ruminiyalı ilimpaz D.M.Pippidi bolıp tabıladı. Sonday-aq, S.Ya.Lurenin’ kitabınnan
Gerodottın’ Watandı satqanlarg’a, olardın’ jınayatlarına qızıg’ıwshılıg’ı, grek-parsı
urısı da’wirinde greklerdin’ belgili ko’semlerinin’ o’zin tutıwına qızıg’ıwshılıg’ı
haqqında mag’lıwmatlar alıw mu’mkin. Bunday miynetler menen tanısıw sol da’wir
haqqında ayqınıraq bir pikirge keliwge ja’rdem etedi. Sonday-aq, greklerdin’ parsılar
menen urısın ha’m olar u’stinen jen’isin ku’ta’ ko’termelep ko’rsetiwdin’ o’zi de
tiykarsız degen pikirler bildiredi. Sebebi, pu’tkil ellinliler urısqa g’alaba
qatnaspag’anlıg’ı, ayırımları biyta’rep bolıp qalg’anı, u’shinshi birewleri ha’tte
Persiyag’a ja’rdem etkeni haqqında da’rekler bar. Tariyxshılardın’ bul miynetleri
haqqında aytıp otırg’anımızdın’ ma’nisi Gerodottı tariyxshı sıpatında tu’siniwge, ol
o’zin qanshelli da’rejede qul iyelewshilik polisine qarama-qarsı qoyg’anlıg’ın
tu’siniwge ja’rdem etedi.
Gerodottın’ ko’z-qaraslarında onın’ a’lemge biylik etiwshi diniy nızamg’a
isenetug’ını ko’rinip turadı. İnsan tu’sindiriwge bolmaytug’ın ha’dden tıs ta’biyg’ıy
ku’shler aldında a’zzi dep bildiredi. Gerodot sebeplerdin’ ko’plegen ha’m ha’r qıylı
bolatug’ının aytadı. Ol sebeplerdin’ ta’biyg’iy bolıwınada, sonday-aq ka’ramatlı
ta’rtibine de jol qoyadı. Bunın’ menen ol ha’dden tıs faktlerdi ta’biyg’iy
tu’sindiriwge umtıladı. Al, basqa bir ret Gerodot ka’ramatlı na’rselerge isenip ketedi.
Gerodot pu’tkil insang’a ta’n na’rselerdin’ ulıwma turaqsızlıg’ı haqqında jiyi-jiyi so’z
etedi.
Joqarıdag’ı aytılg’anlardan kelip shıg’ıp Gerodottın’ tariyxqa u’sh ha’r qıylı
ko’z-qarası haqqında aytıw mu’mkin. Bular`
1. barlıq na’rse aldın-ala na’zerde tutılg’an, belgilengen,
Dostları ilə paylaş: |