alıng’an bul materiya, zattı payda etiw ushın jetkiliksiz. Sonlıqtan da ha’r qanday zat
materiya yamasa material g’ana bolıp qalmastan, al formada bolıp tabıladı. Bunda
Aristotel ha’m Platonda «eydos» termini bar. Platonnın’ «eydosın ideya», al
Aristoteldin’ «eydosın» forma sıpatında awdaradı. Biraq aylanıp kelgende bular bir
kategoriya bolıp tabıladı.
Tariyxtın’ antik filosofiyası haqqında so’z etkende tariyxıy regress teoriyaları
haqqında da aytıp o’tiw orınlı boladı. Filosof Gesiot insaniyat tariyxının’ bes a’siri,
bes a’wladı teoriyasın usınadı. Onın’ pikiri boyınsha ha’r bir keyingi a’sir, a’wlad
aldıng’ısınan to’men bolıp bara beredi. Onın’ pikirinshe birinshi a’sir «altın a’sir»
dep ataladı. Ol ku’ta’ a’jayıp, salamat turmıs qa’lpine iye a’sir bolıp, adamlar ku’ta’
jaqsı, biyg’am, jasaytug’ın bolg’an. Ha’tte olardın’ o’limide azarsız ju’z bergen.
O’lgennen keyin bul a’sirdin’ adamları kelesi a’sirdin’ adamların qorg’awshılar ha’m
qa’wenderlik etiwshilerge aylang’an.
Kelesi «gu’mis a’sir» Gesiottin’ pikiri boyınsha aytarlıqtay jaqsı bolmag’an,
adamlar qudayg’a qurbanlıqlar keltirmegen, menmen bolg’an, olar ju’z jasqa deyin
balalarday bolıp ju’rgen o’zinin’ nadanlıg’ınan qıyınshılıqlarg’a tap bolg’an.
Sonlıqtan da Zevs olardı jer astı du’nyasına jaylastırg’an.
:shinshi «mıs» a’sirinin’ adamları qorqınıshlı, ku’sh-quwatlı bolg’an, nan
jemegen, ko’birek urısıwdı jaqsı ko’rgen, zorlıq-zombılıqlar islegen. Bunın’ ushın
Zves olardı Aidke, jaman jerge jo’netken.
«Qaharmanlıq a’siri» dep atalg’an a’sirdin’ adamları haq niyetli bolg’an
urıslarda a’dillik ko’rsetken, biraq o’zlerinin’ qaharmanlıqlarına, erliklerine,
jen’islerine ku’ta’ berilip ketken. Olar son’ınan jaqsı atawlarg’a ko’shirilip, jaqsı
turmıs keshirgen.
En’ qorqınıshlı ha’m jaman a’sir – «temir» a’siri esaplang’an. Bul a’sirdi
Gesiot o’zinin’ zamanına kirgizedi. Bunda adamlar qara basının’ ma’pin oylaytug’ın,
bir-birine zorlıq-zombılıq isleytug’ın, ko’pshilik bir-birine ızalı ha’m bir-birin ko’re
almaytug’ın bolg’an. Awır miynetke, ha’r qıylı keselliklerge shatılg’an. Al usının’
menen bir qatarda Gesiottin’ «Teogoniya» shıg’arması bunın’ qarama-qarsısı dep
ko’rsetiw mu’mkin. Ha’tte bunda qandayda tu’rde saylaw motivide ko’z aldın’nan
o’tedi. Gesiottin’ shıg’armasında Zevs du’nya ju’zlik aqıl parasatlıqtı ha’m erk-
ıqrardı sa’wlelendiredi.
Eger ha’r qanday tariyx ba’rinen burın belgili da’rejedegi haqıyqatlıq bolsa, ol
bir payıttan ekinshi payıtqa o’tip baratug’ının ko’rsetiw kerek boladı. Sonlıqtan da
biz ha’r qanday tariyx belgili bir waqıt ha’m ken’islikte rawajlanatug’ının aytıwımız
kerek. Tariyxıy waqıt tek qa’liplesiwidi, tek ha’reketti yamasa rawajlanıwdı ko’rsetip
g’ana qalmaydı. Tariyxıy waqıt mashqalası ko’pshilik jag’ınan teoriyalıq bolıp, bizler
onı a’yyemgi teoriyalıq filosofiya menen baylanıstıramız. Waqıt haqqında so’z
bolg’anda a’psanalıq waqıt ha’m a’psanalıq tariyxtı ko’rsetip o’tiw kerek boladı.
2. Teokratik tariyx ha’m a’psana.
(Mifologiyalıq waqıt ha’m mifologiyalıq tariyx)
Ba’rinen burın teokratiya so’zinin’ neni an’latatug’ınlıg’ına toqtap o’tiwimiz
kerek. Ol grek tilinde teos — quday, kratos — biylik (ha’kimiyat) degendi bildiredi.
Bunı barlıq na’rse jaratqannın’ qudaydın’ ha’miri menen boladı dep tu’siniw
mu’mkin. Al basqarıw formasında bul siyasiy ha’kimiyat ruwxaniylerge, din
wa’killerine tiyisli boladı degendi an’latadı.
Teokratiyalıq tariyx ha’m a’psana bir-biri menen baylanısıp, bir-birine tutasıp
ketedi. Tariyxtın’ antik filosofiyasında bul mifologiyalıq (a’psanalıq) waqıt ha’m
miofologiyalıq tariyx degen tu’sinikke tuwra keledi. Biz ko’birek usılar haqqında
so’z etemiz. Antik tariyxtı, sonın’ ishinde grek mifologiyasın teren’ izertlegen
ilimpaz Taxo-Godi o’zinin’ «Grek mifologiyası» degen miynetinde (Moskva,
«İsskusstvo» baspası 1989) «Mif» degen grek tilinde «so’z» degen ma’nisti an’latadı.
Sonlıqtanda a’yyemgi grek miflerin qudaylar ha’m qaharmanlar haqqında «so’z»,
yag’nıy «jır» dep alıwg’a bolatug’ının ko’rsetedi.
Bul temanı izertlegende biz sol da’wirdegi qa’wimlik-ruwlıq formatsiya
haqqında birinshi gezekte so’z etiwimiz tiyis. Onı a’yyemgi qa’wimlik formatsiya
dep te ataydı. Gretsiyada onın’ baslanıwı mın’ jıllıqlarg’a qaray teren’lesip ketedi.
Bergi shegi bizin’ eramızg’a deyingi q-mın’jıllıqtın’ u’sh ju’zinshi jıllarına deyin
kelip jetedi. Bul da’wirde adamlar qa’wimlerge birigip jasag’an, jeke menshik,
jarlılar yamasa baylar bolmag’an. Jerler ha’m o’ndiris quralları pu’tkil qa’wimge
tiyisli bolg’an. Bul formatsiya da’wirinde ele klasslar payda bolmag’an.
A’yyemgi adam do’geregindegi tirishilikke, o’mirge qarap ko’p sanlı bir qıylı
qubılıslardı ko’rgen. Olardı belgili bir so’zler menen bildiriwge ha’reket etken.
Mselen, jasın tu’siwden alısqan otqa, tog’ay o’rtine, lawlap turg’an jalıng’a, temirshi
ustanın’ ko’rigindegi otqa qarap — bul otlardın’ fenomenin, sırın a’psanag’a,
an’ızg’a aylandırg’an. Otta qandayda bir ka’ramatlı ku’shti ko’rgen. Onı Gefest
penen baylanıstırg’an. Solay etip Gefest haqqında, onın’ ata-anası, shan’arg’ı, is-
ha’reketleri haqqında a’psana payda bolg’an.
A’yyemgi da’wirde jasag’an adam o’sip kiyatırg’an terekke, pisip uwıljıg’an
jemiske, gu’llep turg’an miywe ag’ashlarına qarap — bul ka’ramattın’ barlıg’ın
Demetr menen yag’nıy ana jer menen baylanıstırg’an. Ol o’sip o’ndiredi, toydıradı,
dep bilgen. Bunnan Demetr haqqında a’psana kelip shıqqan. Ten’izdin’ tolqınlap
turg’anın, da’ryanın’ tasıp aqqanın, quwrap kewip qalg’anın, bulaqlar sıldırlısın
ko’rgen adam onı Paseydon menen baylanıstırg’an. Ol ten’iz, suw qudayı dep
esaplang’an. Eger «Yason ha’m argonavtlar» degen ko’rkem filmdi ko’z aldımızg’a
keltirsek, onda Paseydonnın’ suw astınan shıqqanı sa’wlelendirilgen. Al Zevs qudayı
aspan menen ten’lestirilgen, Olimp tawı basında jasaydı dep esaplang’an.
Solay etip antik waqıt du’nyanı sezim arqalı qabıl etip, onı bir tutas birlikke
aylandırg’an. Taxo Godi, antik a’psananı, an’ızdı ertek dep atawg’a bolmaydı. Sebebi
ertek xalıq do’retiwshiliginen payda boladı, ol yadtan shıg’arıladı. Aldın ala
belgilengen maqseti ha’m ideyası boladı. Onın’ qıyalıy na’rse ekenin adamlar biledi
dep ko’rsetedi. Al a’psanada (mifte) heshna’rse aldın-ala oylap shıg’arılmaydı, ol usı
a’psananı do’retken turmıs, o’mir sıyaqlı real boladı, dep esaplaydı.
Mifologiya bizin’ eramızg’a deyingi mın’jıllıqlarda do’rep, qa’wimlik-ruwlıq
formatsiyanın’ aqırına deyin rawajlang’an. Pu’tkil antik a’debiyat a’psanalıq
materiallarg’a bay bolıp keledi. Gretsiya mifologiyasın izertlegende birinshi gezekte
Gomerdin’ «İliada» ha’m «Odisseya qaharmanlıq» poemaların atap ko’rsetiw
mu’mkin. Sonday-aq, tragik shıg’armalar do’retken Sofokl, Evripid o’z syujetlerinde
qaharmanlıq a’psanalardan paydalang’an. Qwimlik-ruwlıq da’wirdin’ o’zgesheligi
onda adamlar tuwısqanlıq, jaqın-jwıq, qa’wimlik qatnaslar da’rejesinde pikir
ju’ritken. Al bunday pikirlerdi olar qorshag’an du’nyag’a, ta’biyatqada o’tkergen.
Demek adamlardın’ ruwlıq qatnasları pu’tkil a’lemge, do’gerektegi jansız
na’rselergede o’tkerilgen. Quyash, Ay, juldızlar-bulardın’ barlıg’ı ata-analar, balalar,
tuwısqanlar, qa’wim dep tu’sinilgen. Bunda ulıwmalastırıw jag’dayı ayqın ko’zge
taslanadı. Bul nag’ız mifologiya bolıp tabıladı, sebebi jansız zatlar janzatlar sıpatında,
al tuwısqan, tekles emesler tuwısqanlar sıpatında tu’siniledi.
A’psananın’ ken’islikte ha’m waqıtta ha’reket etiwi usının’ menen birge
mifologiyalıq a’lemnin’ tuyıqlıg’ın, jabıqlıg’ın, onın’ ko’rinip turg’an aspan
gu’mbezi menen shekleniwin ko’rsetedi. Usı tuyıq kosmos ishinde zatlardın’ ha’m
janzatlardın’ aylanısı sonday-aq, kosmostın’ o’zinin’ bir orında aylanıwı ju’z beredi
Dostları ilə paylaş: |