74
Toxumların keçiricilik qabiliyyəti eyni olmadığı üçün su
toxumun hissələrinə müxtəlif sürətdə daxil olur.
Məlumatlara görə çovdar toxumunun şişməsi zamanı rüşey-
mi 25
0
C-də 1 saatdan sonra (quru maddəyə nisbətən) 150%,
endospermi isə 63,5% su qəbul edir.
Hətta endospermin öz
daxilində belə suyu keçirmə qabiliyyəti fərqlidir, belə ki, onun
yuxarı hissəsinin (kəkilcikdə) suyu keçirmə qabiliyyəti aşağı
olur. Buğda dəninin bel hissəsi qarın hissəyə nisbətən daha sü-
rətli su keçirmə qabiliyyətinə malikdir, belə ki, burada rüşey-
min cücərməsi üçün zəruri olan fizioloji aktiv maddələr yığılır.
Toxumun cücərməsi zamanı baş verən proseslər - ehtiyat qi-
da maddələrinin hidrolizi, bu maddələrin böyümə nöqtəsinə
çatması,
yeni maddələrin sintezi, böyümə, strukturun təzələn-
məsi – böyük miqdarda enerji tələb edir. Toxumda bu enerji
tənəffüsün, yəni ehtiyat qida maddələrinin - karbohidrat və
yağların oksidləşməsi hesabına yaranır. Bu səbəbdən toxum-
ların cücərməsi zamanı - xüsusən boyatmanın başlanğıcında
tənəffüsü birdən-birə intensivləşir.
Tənəffüs prosesində metabolizmin normal getməsi üçün
zəruri olan aralıq maddələri əmələ gəlir,
bu səbəbdən toxuma
yetərli qədər oksigen axını olur ki, bu da cücərmə prosesi üçün
zəruridir. Əksinə, oksigen axını zəif olduqda anaerob tənəffüs
yaranır. Bu zaman toxumalarda tam oksidləşməmiş metabo-
litlər yarana bilər ki, bu da böyüməyə pis təsir göstərir.
Beləliklə toxumun cücərməsi üçün lazım olan vacib şərtlərdən
biri də yetərli qədər oksigen keçirə bilməsidir.
Toxumun cücərməsi üçün su və oksigendən başqa,
müəyyən
növ üçün təyin olunmuş temperatur da zəruridir.
Bitkilərə təsirinə görə temperatur: minimal, optimal və
maksimal olur. Optimal temperaturda toxumun cücərməsi tam
və sürətli olur. Maksimal temperatur dedikdə temperaturun ən
son həddi nəzərdə tutulur ki, bu həddən çox olarsa, o zaman
bitki
məhv olur, yaxud cücərməsi ləngiyir və yaxud dayanır.
Aşağı temperatur həddi isə, minimal hesab edilir, hansı ki,
75
bundan aşağı olarsa yenə də bitki məhv olar, yaxud cücərməsi
ləngiyər.
Tarla bitkiləri istiliyə olan tələbatına görə bir-birindən
fərqlənir, əsasən bitkinin cücərməsi üçün lazım olan minimal
temperaturun fərqi 1–2
0
C çovdar, noxud, üçyarpaq yoncada, 12
– 15
0
C isə pambıq və gənəgərçək bitkisində dəyişir.
Optimal
temperatur 25-35
0
C sayılır. Maksimal temperatura görə isə
bitkilər arasında fərq bir o qədər böyük deyil. Alimlər
toxumların cücərməsi zamanı istiliyə tələbatına görə bütün
tarla bitkilərini 7 qrupa bölmüşlər (cədvəl 6).
Tarla bitkilərinin toxumlarının cücərmə dövründə istiliyə olan təlabatı
Cədvəl 6
Qrup Bitkilər
Minimal temperatur
(dərəcəylə)
Toxumların
cücərməsi
Cücərtilərin
çıxması
1-ci Yağçiçəyi, çətənə, xardal
0-1 2-3
2-ci
Çovdar, buğda, arpa, yulaf,
çölnoxudu, mərcimək, yaşıl
noxud, lərgə,
1-2 4-5
3-cü
Kətan, qarabaşaq, lüpin,
noxud, çuğundur, saflor
3-4 5-6
4-cü Günəbaxan, kartof
5-6 7-8
5-ci Darı, sudanotu, soya,
8-10 10-11
6-cı Lobya,
gənəgərçək, sorqo
10-12 12-13
7-cı
Pambıq, çəltik, yerfındığı,
küncüt
12-14 14-15
Toxumların cücərməsi üçün su,
oksigen və müəyyən tempe-
ratur lazımdır. Bu şərtlərə tələbat müxtəlif növlərin toxum-
larında və hətta bir bitkinin sortlarında da müxtəlif ola bilər.
Əlverişli şəraitdə cücərmənin fazaları bir-birinin ardınca
fasiləsiz olaraq davam edir. Bu zaman toxumların cücərməsi
tez və eyni vaxtda baş verir.
76
Lakin bir çox tarla bitkilərinin belə cücərmə prosesi
toxumların yığımdan sonra yetişməsi bitdikdən sonra müşahidə
olunur. Bu da sakitlik dövrünün bir mərhələsi hesab olunur.
3.2. Toxumun sakitlik dövrü
Toxum
sakitlik dövründə hansısa bir növün toxumları üçün
əlverişli şəraitin olmasına
baxmayaraq, böyümür, bununla belə
həyat qabiliyyətini saxlayır. Əgər böyüyürsə də bu yalnız
spesifik şəraitdə baş verir.
Toxumun sakitliyi – bitkilərin təkamül prosesi nəticəsində
əldə etdiyi xüsusiyyətdir, belə ki, bu xüsusiyyətə görə, növün
təbiətdə uzun illər saxlanılması mümkündür. Kənd təsərrüfatı
istehsalı şəraitində toxumun sakitlik dövrünün həm müsbət,
həm də mənfi tərəfləri ola bilər. Belə ki, toxum sakitlik anında
olanda o səpin üçün çətinliklər törədir, yəni toxumların
cücərməsi tez və eyni vaxtda baş vermir.
Hətta laboratoriya
cücərməsini təyin etmək çətin olur. Bəzi hallarda toxumun
kökə verməsinin qarşısını almaq üçün isə əksinə, onun sakitlik
halında olması əlverişli sayılır.
Toxumun sakitlik halı həmişə tədqiqatçıların diqqətini cəlb
etmişdir. Bu əlamətin öyrənilməsi zamanı bir çox təcrübə ma-
terialları toplanmasına baxmayaraq,
hələ də toxumun sakitlik
halı tam olaraq öyrənilməmişdir. Bu halın səbəbi haqqında bir
sıra hipotezlər irəli sürülmüşdür. Bunlardan ən geniş yayılanı
toxumun sakitlik halında olmasına səbəb kimi onda olan inqi-
bitorların, yəni böyüməni tormozlandıran maddələrin olması
göstərilir. Başqa sözlə, hormonal nəzəriyyə daha geniş yayıl-
mışdır, bu nəzəriyyəyə əsasən toxumun sakitlik halı onda olan
inqibitorların və aktivatorların miqdarından asılıdır. Belə ki,
inqibitorlar çoxluq təşkil etdikdə toxum sakitlik halında olur,
boy aktivatorlar dominantlıq etdikdə isə bu hal pozulur.
Bununla yanaşı toxum örtüyünün də onun sakitlik halında
olmasında böyük əhəmiyyəti var. O, toxumun sakitlik halında
böyüməsinə tormozedici təsir edir. Bunun müxtəlif səbəbləri