206
oluna bilər.
Torpaq sahəsi üzərində icarə hüququ müqavilə əsasında əvəzi
ödənilməklə torpaqdan müddətli istifadə etməkdir.
Torpaq sahəsi üzərində birgə hüquqlar iki və daha çox şəxsin
mülkiyyətində, istifadəsində və icarəsində torpaq sahəsi olduqda, habelə
mülkiyyətçi, istifadəçi və icarəçi arasında qanunvericiliklə müəyyən
edilmiş qaydada bağlanan müqavilə əsasında onlara məxsus olan torpaq
sahələrinin birləşdirilməsi zamanı yaranır.
Respublikamızda mövcud olan qanunvericiliyə görə daşınmaz
əmlaka, o cümlədən torpağa hüquqların dövlət qeydiyyatı zəruridir.
Yalnız müddəti on bir aydan az olan icarə və istifadə hüquqları
daşınmaz əmlakın dövlət reyestrində dövlət qeydiyyatına alınmadan
tanınır.
Ölkəmizdə 2004-cü ildən daşınmaz əmlaka hüquqların dövlət
qeydiyyatının vahid sistemi fəaliyyət göstərir. Daşınmaz əmlaka hüququn
dövlət qeydiyyatını dövlət orqanı olaraq Daşınmaz Əmlakın Dövlət
Reyestri Xidməti həyata keçirir.
Daşınmaz əmlakın, o cümlədən torpağın dövlət qeydiyyatı qey-
diyyata alınmış hüququn mövcudluğunu təsdiqləyən yeganə aktdır.
Torpağa və digər mülkiyyətə hüquq qanunla nəzərdə tutulmuş dövlət
orqanlarının və yerli özünüidarəetmə orqanlarının aktları əsasında yaranır.
Daşınmaz əmlaka, o cümlədən torpağa hüququn qeydiyyatı 29 iyun
2004-cü il tarixdən qüvvədə olan “Daşınmaz əmlakın dövlət reyestri
haqqında Azərbaycan Respublikasının Qanunu” ilə tənzimlənir.
Qanuna görə, daşınmaz əmlaka, o cümlədən torpağa mülkiyyət
hüququ və digər əşya hüquqlarının əmələ gəlməsi, məhdudlaşdırılması
(yüklülüyü), başqasına keçməsi və bu hüquqlara xitam verilməsi
daşınmaz əmlakın dövlət reyestrində qeydiyyatdan keçməlidir. Daşınmaz
əmlaka, o cümlədən torpağa hüququn dövlət qeydiyyatı bu hüququn
dövlət tərəfindən tanınması və təsdiq edilməsi barədə hüquqi aktdır.
Qeyd etmək lazımdır ki, daşınmaz əmlakın, o cümlədən torpaq
sahələri üzərində qeydiyyatdan keçməmiş hüquqların müdafiəsinə və
toxunulmazlığına dövlət təminat vermir. Yalnız daşınmaz əmlaka
(torpağa) hüququn dövlət qeydiyyatından sonra mülk satınalan, mülk
dəyişən, mülk hədiyyə alan mülkiyyət hüququ qazanır və mülkiyyətçinin
hüququ qüvvədə olan qanunvericiliklə müdafiə olunur.
207
Azərbaycanda daşınmaz əmlakın dövlət reyestri (qeydiyyatı)
sistemi bir neçə funksiyanı yerinə yetirir:
–
daşınmaz əmlaka (torpağa) hüququ müəyyənləşdirən sənədlərə
qanuni qüvvə verir;
–
daşınmaz əmlaka (torpağa) hüququn uçotunu aparır;
–
daşınmaz əmlakla (torpaqla) bağlı sənədlərin (servitut, uzufrukt,
ipoteka, etibarlı idarəetmə, icarə və s.) uçotunu aparır.
Daşınmaz əmlak (torpaq) üzərində hüquqların dövlət qeydiy-
yatının aparılmasına əsas kimi respublikamızda aşağıdakılar hesab
olunur:
–
qanunvericiliklə müəyyən edilmiş qaydada icra hakimiyyəti və
bələdiyyə orqanları tərəfindən müvafiq olaraq dövlətə və ya bələdiyyələrə
məxsus olan daşınmaz əmlakın özgəninkiləşdirilməsinə, icarəsinə,
istifadəsinə, ipoteka qoyulmasına dair qəbul olunmuş aktlar;
–
daşınmaz əmlak barəsində notariat qaydasında təsdiq edilmiş
müqavilələr, vərəsəlik hüququ haqqında şəhadətnamələr və qanun-
vericiliklə müəyyən edilmiş digər sənədlər;
–
qanuni qüvvəyə minmiş məhkəmə qərarları;
–
“Daşınmaz əmlakın dövlət reyestri haqqında Azərbaycan
Respublikasının Qanunu” qüvvəyə minənədək müvafiq icra hakimiyyəti
orqanları tərəfindən verilmiş daşınmaz əmlak üzərində, o cümlədən torpaq
sahələri, fərdi yaşayış və bağ evləri, yertəkin sahələri, sututarları, meşələr
və çoxillik əkmələr üzərində hüquqları təsdiq edən aktlar, şəhadətnamələr
və qeydiyyat vəsiqələri;
–
qanunvericiliklə nəzərdə tutulmuş digər əsaslar.
Dövlət qeydiyyatına sənədlərin qəbulu üçün əsas-hüquq əldəedənin
və ya hüquq əldəedənin adından başqa şəxsin ərizəsidir. Hüquq
əldəedənin adından başqa şəxs ərizəni verdiyi halda, müvafiq etibarnamə
notarial qaydasında təsdiqlənməlidir. Hüquqi şəxsin (müəssisənin,
təşkilatın) ərizəsi və onu təsdiq edən nümayəndəsinə verilmiş etibarnamə
həmin hüquqi şəxsin möhürü ilə təsdiqlənməlidir. Ərizəni verən şəxslər öz
şəxsiyyətini təsdiq edən sənəd təqdim etməlidir .
Əmlaka hüququn qeydiyyatı üçün ərizə digər sənədlərlə
müşayiət olunur ki, onları aşağıdakı kimi qruplaşdırmaq olar:
–
əmlaka hüququ müəyyən edən sənədlər;
–
əmlaka hüququn qeydiyyatına görə dövlət rüsumunun
208
ödənilməsinə dair sənəd;
–
qeydiyyata vəsatət qaldıranın şəxsiyyətini təsdiq edən sənəd.
Torpaq sahələri üzərində hüquqları təsdiq edən sənədlərə
mülkiyyət formalarından asılı olaraq aşağıdakılar aiddir:
–
dövlət və bələdiyyə mülkiyyətində olan torpaq sahələrinin hər
hansı hüquqda hüquqi və fiziki şəxslərə verilməsinə dair müvafiq icra
hakimiyyəti orqanının və ya bələdiyyənin qərarı və tərəflər arasında
bağlanmış müqavilə;
–
xüsusi mülkiyyətdə olan torpaqlar üzərində bütün hüquqların
başqasına keçməsi ilə əlaqədar tərəflər arasında bağlanmış və notarial
qaydada təsdiq edilmiş müqavilə.
Müqavilədə tərəflərin hüquqları və vəzifələri, torpaq sahəsinin
hüquqi statusu, öhdəliklər, məhdudiyyətlər və servitutlar, müqaviləyə
xitam verilməsinin əsasları və torpaqların istifadəsi və mühafizəsi üzrə
digər şərtlər nəzərdə tutulur.
Alqı-satqı, ipoteka, istifadə və icarə müqavilələrinin nümunəvi
formaları qanunvericiliklə müəyyən olunmuş qaydada təsdiq olunur.
Torpaq sahəsinə hüququ müəyyən edən sənəd kimi həmçinin
məhkəmənin torpaq sahəsi üzərində hüququn müəyyən edilməsinə dair
qərarı və ya hökmü, vərəsəlik hüququnu təsdiqləyən və qanunvericiliklə
müəyyən edilmiş digər sənədlər təqdim oluna bilər.
Dövlət qeydiyyatının aparılması üçün torpaq sahəsinin planı və
ölçüsü, torpaq sahəsində yerləşən bina, qurğu, tikililərin və digər
daşınmaz əmlakın (onların tərkib hissələrinin) texniki pasportu, plan
cizgisi kimi sənədlər mütləq ərizəyə əlavə edilməlidir.
Daşınmaz obyektin mövcudluğunu təsdiq edən sənədlər dedikdə
aşağıdakılar başa düşülür: Torpaq sahəsinin Azərbaycan Dövlət Torpaq və
Xəritəçəkmə Komitəsi tərəfindən tərtib edilmiş və təsdiqlənmiş planı;
Binanın, qurğunun, tikilinin texniki göstəricilərini özündə əks etdirən və
Dövlət Əmlakının İdarə Edilməsi üzrə Dövlət Komitəsi tərəfindən
təsdiqlənmiş texniki pasport.
Torpağa hüququn dövlət qeydiyyatı üçün torpağa hüququ olan fiziki
və ya hüquqi şəxslərə Azərbaycan Respublikasının Dövlət Torpaq və
Xəritəçəkmə Komitəsi tərəfindən torpaq sahəsinin planı və ölçülərini
təsvir edən sənəd verilir.
Azərbaycan Respublikasının Dövlət Torpaq və Xəritəçəkmə
Dostları ilə paylaş: |