209
Komitəsi tərəfindən verilən “torpaq sahəsinin planı və ölçüsü”nün təsviri
Azərbaycan Respublikası Prezidentinin 2007-ci il 28 fevral tarixli fərmanı
ilə təsdiq edilmişdir
Bu sənəddə qanunvericiliyə uyğun olaraq torpaq üzərində hüquqların
daşınmaz əmlakın dövlət reyestrində dövlət qeydiyyatına alınması
məqsədi ilə Azərbaycan Respublikasının Dövlət Torpaq və Xəritəçəkmə
Komitəsi tərəfindən verilən “Torpaq sahəsinin planı və ölçüsü” (bundan
sonra – plan və ölçü) təsvir edilir.
Bu sənədə görə plan və ölçü Azərbaycan Respublikasının dövlət
dilində A3 formatlı xüsusi kağızda tərtib edilir. Plan və ölçü ciddi hesabat
sənədidir və seriya nömrəsinə malikdir.
Plan və ölçü yaşayış məntəqələri hüdudlarında yerləşən torpaq
sahələri və digər torpaq sahələri ( o cümlədən kənd təsərrüfatı təyinatlı
torpaqlar) üzrə ayrıca tərtib edilir.
Azərbaycan Respublikasının Dövlət Torpaq və Xəritəçəkmə
Komitəsi tərəfindən verilən plan və ölçüdə aşağıdakılar göstərilir:
–
plan və ölçünü verən dövlət orqanının – Azərbaycan Respublikası
Dövlət Torpaq və Xəritəçəkmə Komitəsinin adı;
–
torpaq sahəsinin planı və ölçüsü tərtib olunan ərazinin sahibi olan
fiziki şəxsin soyadı, adı, atasının adı, ünvanı (hüquqi şəxsin tam adı,
hüquqi ünvanı);
–
torpaq sahəsinin yerləşdiyi inzibati ərazi, sahəsi və təyinatı, plan və
ölçünün tərtib edilməsinə əsas verən sənədlərin rekvizitləri;
–
plan və ölçünün Dövlət Torpaq Kadastrı kitabında uçota alındığı
nömrə və tarix;
–
torpaq sahəsi planının kadastr göstəriciləri, o cümlədən torpaq
sahəsinin qayiməsi (sertifikatı), əsas döngə nöqtələrinin koordinatları və
onlar arasındakı məsafələr;
–
yaşayış məntəqələrinin hüdudlarında yerləşən torpaq sahələri ilə
bağlı tərtib edilmiş plan və ölçüdə baş plandan çıxarış, digər torpaq
sahələri (o cümlədən kənd təsərrüfatı təyinatlı torpaqları) ilə bağlı tərtib
edilmiş plan və ölçüdə isə rəqəmli (elektron) kadastr xəritəsindən çıxarış;
–
şərti işarələr (baş plandan çıxarışda və ya rəqəmli (elektron)
kadastr xəritəsindən çıxarışda göstərilən işarələrin təsviri);
–
torpaq sahəsinin ölçüsünə müvafiq miqyasda tərtib olunmuş torpaq
sahəsinin planı;
210
–
torpaq sahəsinin qonşu sərhədləri;
–
Azərbaycan Respublikası Dövlət Torpaq və Xəritəçəkmə
Komitəsinin müvafiq rayon (şəhər) şöbəsinin möhür yeri, şöbə müdirinin
soyadı, adı, atasının adı, plan və ölçünü tərtib edən icraçının soyadı, adı,
atasının adı.
Plan və ölçü Azərbaycan Respublikası Dövlət Torpaq və Xə-
ritəçəkmə Komitəsinin müvafiq rayon (şəhər) şöbəsinin müdiri və həmin
plan və ölçünü tərtib etmiş icraçı tərəfindən imzalanır, möhürlə təsdiq
olunur.
Plan və ölçü itirildikdə, məhv olduqda və ya yararsız hala düşdükdə
qanunvericiliklə müəyyən edilmiş qaydada dublikat verilir. Bu halda plan
və ölçünün yuxarı sağ tərəfindən iri hərflərlə ‘‘DUBLİKAT’’ ştampı
vurulur və plan və ölçünü verən Azərbaycan Respublikası Dövlət Torpaq
və Xəritəçəkmə Komitəsinin müvafiq rayon (şəhər) şöbəsinin müdiri
tərəfindən imzalanır və möhürlə təsdiq olunur.
Daşınmaz obyekt, o cümlədən torpaq üzərində hüququ tən-
zimləyən sənədlərə aşağıdakılar aid edilir:
–
torpaq sahəsinin verilməsi haqqında müvafiq icra hakimiyyəti
orqanının və ya bələdiyyənin qərarı;
–
torpaq sahəsinin ayrılması haqqında akt;
–
torpaq sahəsinə və digər daşınmaz obyektə hüququn müəy-
yənləşdirilməsi barədə məhkəmənin qərarı və ya hökmü (qərarın qanunla
qüvvəyə mindiyi barədə qeyd göstərilməlidir);
–
torpaq sahəsinin və digər daşımaz obyektin alqı-satqısı barədə
müqavilə;
–
torpaq sahəsinə və ya digər daşınmaz obyektə mülkiyyət hüququ
verən torpaq sahəsinin dəyişdirilməsi müqaviləsi;
–
torpaq sahəsinə və ya digər daşınmaz obyektə mülkiyyət hüququ
verən torpaq sahəsinin bağışlanmasına dair müqavilə;
–
torpaq sahəsinə və ya digər daşınmaz obyektə mülkiyyət hüququ
verən torpaq sahəsinin vərəsəlik qaydasında başqasına keçməsi barədə
müvafiq sənəd;
–
torpaq sahəsinə və ya digər daşınmaz obyektə servitut və ya digər
yükləmə müəyyənləşdirməyə dair müqavilə;
–
səlahiyyətli dövlət orqanının və ya yerli özünüidarəetmə orqanının
torpaq sahəsinə
və ya digər daşımaz
əmlaka servitutun
211
müəyyənləşdirilməsi barədə qərarı;
–
torpağın və ya digər daşımaz obyektin icarəyə verilməsi mü-
qaviləsi;
–
torpağın və ya digər daşınmaz obyektin girov müqaviləsi;
–
torpaq sahəsinin və ya digər daşınmaz obyektin nizamnamə (pay)
fonduna verilməsi barədə müqavilə;
–
torpaq sahəsi və ya digər daşımaz obyektlə bağlı etibarlı idarəetmə
və ya qəyyumluqla əlaqədar müqavilələr və ya məhkəmə qərarları;
–
torpaq sahəsi və ya digər daşınmaz obyektlə bağlı qanunçuluqla
müəyyən edilmiş qaydada digər torpaq bazarı əqdlərini rəsmiləşdirən
sənədlər.
Dövlət qeydiyyatına dair haqqın ödənilməsi sənədi-dövlət rüsumunun
ödənilməsi barədə qəbzdir.
Fiziki şəxslər, onların şəxsiyyətini təsdiq edən sənəd təqdim edirlər.
Bu sənəd kimi şəxsiyyət vəsiqəsi və ya onu əvəz edən digər sənəd ola
bilər. Müdafiə Nazirliyinin, Milli Təhlükəsizlik Nazirliyinin, Daxili İşlər
Nazirliyinin və digər hərbi, hüquq-mühafizə orqanlarının qulluqçularının
şəxsiyyətlərini təsdiqləyən sənəd kimi onların vəsiqələri və yaşayış yerinə
qeydiyyata düşməsi barədə arayış əvəz edir. Xarici vətəndaşlar və ya
vətəndaşlığı olmayan şəxslər qanunçuluqla müəyyən edilmiş qaydada
onların şəxsiyyətlərini təsdiqləyən sənəd təqdim edirlər.
Dövlət reyestrinin ayrılmaz tərkib hissəsi ərizə jurnalı (ərizələrin
qeydiyyatı kitabı) və hüquqların dövlət qeydiyyatı üçün əsas olan sənədlər
daxil edilən qovluqlardır.
Sənədlərin qəbulu yekunlaşdıqdan sonra daşınmaz əmlak üzərində
hüququn və daşınmaz əmlaklarla əqdlərin dövlət qeydiyyatına dair
qeydiyyat hərəkətləri başlayır.
Sənədlərin hüquqi ekspertizası iki istiqamətdə aparılır: qeydiyyat
üçün təqdim edilmiş hüquq müəyyənləşdirən sənədlərin dürüstlüyünün
(orijinallığının) müəyyənləşdirilməsi; təqdim edilmiş sənədlərin qüvvədə
olan qanunçuluğa uyğunluğunun yoxlanılması.
Hüquqların mövcudluğunu, əldə edilməsini, başqasına keçməsini,
məhdudlaşdırılmasını (yüklənməsini), onlara xitam verilməsini təsdiq
edən sənədlər hüquqların dövlət qeydiyyatı üçün müəyyən edilmiş
tələblərə uyğun olmalıdır.
Daşınmaz əmlakın dövlət reyestri haqqında Azərbaycan Res-
Dostları ilə paylaş: |