__________________Milli Kitabxana_________________
411
hökumət gözündən də sala bilmədiklərini, onun əsas havadarlarından biri olan
Ağaseyidəli ağanın vəfat etməsinə baxmayaraq, Şirvanda xüsusi ad-san
qazandığını, törəyib-artdığım, adının hər yerdə səs saldığını, adı gələndə hamının
"Ağa" deyə dik ayağa qalxdığını, yazdıqlarının qəzetlərdə çap olunduğunu görüb
həzm eləyə bilmirdilər.
Bugünkü qurğu ayrı idi. Biz, əlbəttə, indi yaşı səksəni ötsə də, əvvəlki
əzəmətini saxlayan, şirvanlılar demişkən "Dəvədən düşsə də, höt-hötündən
düşməyən" Qapaqlının dükanına girməyəcək, evinə də getməyəcəyik. Orada onun
prixod mollası Molla Qurbanqulunun, naməşədi Alışın və başqalarının nə qurğu
qurmaqlarını seyr etməyəcəyik. Kifayətdir. Biz onları daha tanıyırıq. Bir də o qara
məclislərdə iştiraka nə hacət? O qara qurğuların nəticəsini bu gün görəcəyik.
Müqəddəs orucluğun, Rəməzanül-mübarəkin dördü idi. Məscid ağzınacan
dolmuşdu. Günorta namazı bu gün xüsusilə şurlu keçmişdi. "Təzə molla dəliləri", o
taydan yeni molla gəlməyini eşidən həvəskar dindarlar məscidi doldurmuşdu. Odur
ki, adəti günlərə nisbətən bu gün məscid xüsusilə qələbəlik idi. Gələnlərin
içərisində sünnü cavanlarından, Abid əfəndinin sabiq müridlərindən də var idi. Bu
halı irəlicədən duyan Meşədi Alış, Qaqapaqlı və Qurbanqulu, qurğularını məhz bu
günə keçirmiş, "təzə molla aşiqlərinin" sırasına öz həmfikirlərindən xeyli adam da
soxa bilmişdilər.
Seyid Əzimin də bu gün məscidə gəlməsi, camaat namazına qoşulması,
xüsusən namazdan sonra möminlərlə məsciddə oturub qalmasının səbəbi məhz
bugünkü Molla Xudaverən idi. Ağa düşünmüşdü ki, bəlkə bu mollada da maarifə
maraq oldu. Bəlkə də o məktəb işinə, az-çox ianə yardım toplamaq məsələsinə
qarışdı, bir para açıq fıkirli ruhanilər kimi, bəlkə onun nüfüzundan da bu məqsədlə
istifadə etmək mümkün oldu. O ərdəbilli Xudaverənin ağzını aramaq istəyirdi.
Pişnamaz Molla Xudaverən, camaat namazını xüsusi şurla aparandan sonra,
orucluğa görə alverindən, kəsbkarından əli soyumuş, yaylağa çıxan tərəkəmələrlə,
köçərilərlə alayarımçıq alveri nökərə tapşıran dükançılar yerlərini rahatlayıb, şam
və xüftən namazınacan vaxtı burada keçirmək niyyətilə oturub qalmışdılar...
Mübahisənin başlanmağına ərdəbilli mollanın istifta zamanı dediyi bir söz oldu.
Belə görünür ki, Molla Xudaverən seyid adından gələcək bayramda özünə xüms
toplamaq üçün istifadə etmək istəyirdi, odur ki, seyidliyin mənsəbindən, seyidlərə
hörmətdən, onların dini-islamı intişar
__________________Milli Kitabxana_________________
412
etməkdə rollarından və nəsli-peyğəmbər ali peyğəmbər olduqlarından uzun-
uzadı bəhs açıldı. Bu zaman aranı qızışdırmağa nazir edilmişlərdən biri yerindən
dilləndi:
-Elə bütün seyidlər?
Məsələdən hali olmayan Xudaverən dedi:
-Əlbəttə, onların mövqeyi Allah yanında, mərtəbəsi bəşər yanında ucadı
-Amma eləsi də var ki, babi ondan əfzəldi... Dinə balta çalır... Düzü də
yolundan eləyir, elə bizim bu cənab kimi... mübahisə qızışdı. İndi hərənin ağzından
bir avaz gəlirdi. Molla Qurbanqulu, Alış və Qapaqlı çevrəsində oturanlar, bir-
birinin ardınca dillənməyə başladı:
-Babidi...
-Sünnüdü...
-Moltandı, peyğəmbər haqqı. Özü deyib kafərəm. Bir baxın:
Çəkməyin Seyyidi-laməzhəbi meyxanə sarı,
Kafəri Kəbə ara hansı müsəlman aparır?
-Küfrüdü başdan-ayağa.
Deyib, özü deyib bunları:
Çarə oldur ki, mənə hər gün içəm bir neçə cam,
Eyləyim gərm təni-zari meyi-səhbadən.
-Cizlində içməyini də gizlətməyib laməzhəb:
Sanmın ki, tövbə eylədi Seyyid şərabdən,
Vaiz məzəmmətin görüb, eldən nihan içər.
-Mollalardan qorxur, yoxsa...
-A kişilər, o cəhənnəm, uşaqlarımızın da ovqatını zayə eləyir, urusu öyrətdrir,
sabah da şürbi' eləyəcək özü kimi...
-Ə,yaxşı deyil, seyid peyğəmbər övladına elə neyşə deyirsən?
-O,seyiddi? O bəni-Abbasdı? Əhmədi-Muxtar belə nəvəsi olmağından utanar.
Əgər bu yezid oğlu Hüseyn nəsli olsaydı, çaxır içərdi?
__________________Milli Kitabxana_________________
413
-Balam, düz deyir kişi də... Həlbət ki, içməzdi...
-Düz yolnan arası yoxdu. Allah bəndə, mömin yoluynan... Onunku elə urusdu,
ermənidi, malağandı... Kişilər, belə də seyid olar ki, gedə kafır urusnan otura-dura?
Kafırin dilini öyrənməyə cəhd göstərə?
Seyid Əzimin tərəfdarları arabir sözə qarışır, dillənirdilər. Lakin onlar bu gün
məsciddə az idilər... Ziyanın, işığın məsciddə, qaranlıqda nə işi var ki... şair özü də
bu gün bura məcbur gəlmişdi. Yanında ən yaxın adamlarından bircə Qırmızı
Qulam oturmuşdu. Şirin Abdulla isə Seyyiddən xeyli aralıda, qapı ağzına yaxın bir
yerdə əyləşmişdi. Bu gün nə Mahmud ağa, nə şair-ziyalı dostları, nə Kərim bəy, nə
Cin Cavad... heç biri burada yox idi. Seyid Əzimin tərəfdarları, havadarları az idi.
Odur ki, qaragüruhun əlinə fürsət düşmüşdü. "Belə fürsət az ələ düşər, əldən
vermək olmaz bu fürsəti. Namərdəm əgəm səndən hamısının hayıfını çıxmasam.
Namərdəm əgər bu gecə qapaqlıdan aldığıma haqq qazandırmasam", - deyə Alış
düşünürdü.
Molla Qurbanqulu məclisi daha da qızışdırmaq, qurğunu həyata keçirmək üçün,
öz qorxaq təbiətinin təsiri ilə bir də diqqətlə məscidi, hazirunu gözdən keçirdi:
"Yox, yaxınlığında Qırmızı Qulamdan başqa elə bir dəyərri adam yoxdu, fürsətdi.
Fürsəti fövt eyləməz aqil, məgər divanə ola, - deyə düşündü. - Bir belə camaatın
qabağında iki nəfər ona nə köməklik eləyəcək, yox, əsil vaxtıdır. Bircə bu meşədə
burda olmasaydı, lap əla olardı".
Molla Qurbanqulu dizləri üstünə qalxıb əlini yuxarı qaldıranda məsciddəkilərin
çoxu susdu. Qədim adətilə artıq qocalsa da, çox ucadan, ifadəli və hər cümlənin
son sözlərini təkrarlayaraq, bunları müsahibinin beyninə yeritməyə çalışaraq sözə
başladı:
-Ağalar, cənab behiştməsnəd Ağaseyidəli ağa (məsciddən "rəhmət"səsi ucaldı)
bir həlim, mülayim insan idi, onun həqpərəstliyin hamımız bilirik, bəli, bəli, bilirik.
Mən bu saat şairin bir neçə şerilə sizin qulluğunuzda sübut edəcəyəm ki, o hətta
cənab Ağaseyidəli ağanı da (yenə "rəhmət" səsi ucaldı) alladıb, xilafı-tövbə eləyib,
günahi-əzimə batıb,bəli, batıb. Baxın!
Burada öz kəskin hafızəsinə əmin olan Molla Qurbanqulu heç bir yazı-bayaz
çıxarmadan sözünə davam etmək üçün bir anlıq sükut etdi. Hamının nəzərini,
dostun da, düşmənin də diqqətini cəlb etdiyinə əmin olduqdan sonra boğazını
arıtlayıb, sozünə davam etdi:
-Sizi böyük xudavəndi-aləmə and verirəm, ədalətlə diqqət buyurun:
Dostları ilə paylaş: |