_____________Milli Kitabxana_____________
112
Şah tə’rifi əcəb adəmi məğrur eylər,
Əlləməllah ki, bu bir şairi-ğərra görünür.
Bu əgər xəlq sözü həmpəri-simürğü deyil,
Niyə bəs Qafdə bir bəççeyi-ənqa görünür?!
Bu cünunun sözünə baxma get, ey əqli dayaz,
Ki, bunun sözlərinin əksəri lovda görünür.
Xidməti-piri-muğan qisməti-hər dun olmaz,
Dəli mehtər genə bir mayeyi-qovğa görünür.
Müddəti lal idi, indi kar olub, həmd olsun!
Özü bədxu, sözü bəd, bir şələ sövda görünür.
Dəli-divanə, nə qafil oturubsan hey-hey!
Nə’reyi-seyheyi-Şəbdizi səmasa görünür.
Bu, yəqin tərcümeyi-ayeyi-”mahaza”dır
Ki, həzin canim əra mehri-Züleyxa görünür.
Nə durubsan, dəxi pişvazə yügür, qıl tə’cil,
Ilqa, kim təntəneyi mürşüdi-dana görünür.
Kimdi bu şahi fərü şiri-nərü kuh şükuh,
Dağü daş hamı bütün bangi-dəraya görünür.
Yadıma düşdü genə ayeyi-”qulənküntüm”,
Cismi zarımda genə bəhri-təvəlla görünür.
Kimdi bu şəmsi-züha, bədri-düca, ərşi-sərir,
Allah, Allah, genə bir nuri-təcəlla görünür!
Bariləha, sən onun düşmənini eylə fəna,
Şəhri-qəlbimdə genə qəhri-təbərra görünür.
Zar könlümdə genə gərmdi həngameyi-eşq,
Dəşti-iməndə genə atəşi-Sina görünür.
_____________Milli Kitabxana_____________
113
Mehtəri-Sədri-cahan bir gözü qan, bir bədməst,
Bir çolax, bir gözü kor, bir dili lala görünür.
Kimdi, yarəb, genə bu şəm’i-hüda, mehri-ziya,
Mə’dəni-elmi-əla gənci-səraya görünür?
Qəddi-şümşadını gördükcə unutdum sərvi,
Çeşmi-cadu nigəhi-nərkisi-şəhla görünür.
Hoqqeyi-lə’li-ləbi məxzəni-yaqutü əqiq,
Dişinin hər biri bir dürri-müsəffa görünür.
Daneyi-xali-siyəh mayeyi-hər sehrü füsun,
Zülfi-mərğubi gözə əmbəri-Sara görünür.
Bu necə dami-bəladır ki, xilas olmaq yox,
Ey dil, əfsun oxu kim, zülfi-çəlipa görünür.
Yoxdu bu dərdə dava gər desə naçar biri,
Saqiyi-lalərüxü gərdəni mina görünür.
Cö’di-müşkini burax, get sözünü eylə tamam,
Ki, onun hər teli bir dami-bəlaya görünür.
Künci-ixfayə çəkil bərqeyi-Deyləmdən keç,
“Üqtülu-Yusifə” bu nəş’ədə inşa görünür.
Qəm yemə çox da dəxi kəsrəti-ə’dadən hiç,
Ələmi “nəsri minəllah fətəhna” görünür.
Mənzilim oldu genə qəl’əçeyi-səmtü sükut,
Genə bu qəl’ədə bir səxreyi-səmma görünür.
“Əntə minni” dedi Səlmanə nəbi, eyb olmaz,
Məndə “Allahü məək” gün kimi peyda görünür.
Bəzmi-vəhdətdə məqam eyləyəni Tari bilir,
Könlümün ayinəsi məzhəri əsma görünür.
_____________Milli Kitabxana_____________
114
Cami-Cəmşidi əcəb müft gətirdim əlimə,
Lövhi-dil ayineyi-məzhəri-əsma görünür.
Gəl bir az da vuralım Qaf kimi lafi-kəzaf,
Hüsni-xəttimdə səfayi-yədi-beyza görünür.
Aç fəsahət qapısın, ey “ənə əfsəh” nəsli,
Səndə mirasi-şahənşahi-tədəlla görünür.
Şəms Təbrizi kimi möhyiyi-əmvat oldun,
Vəh, onun cilvəgəhi aləmi-bala görünür.
Təb’i mətbuun edən Maniyü Ərjəngi xəcil,
Rəşheyi-kilki-tərin sehri-həlala görünür.
Bu nə pərvazdı, ey tairi-Simürğ-şikar,
Təhti-balında genə fövqi-Sürəyya görünür.
Sözü qıl şəhdü şəkər, ey “ənə əmləh” balası,
Məhəki-dürri-süxən surəti-Sədra görünür.
Canımı yaxdı bu od, oldüm, aman, ey saqi!
Bircə bax, gör nə əcəb daməni-səhra görünür.
“Ləntərani” demə çox, sağəri-zərrini götür,
Nə əcəb səndə genə bu “ləmü ləmma” görünür.
Bircə göstər üzünü, şad elə bu məhcuri,
Ki, sənin mehri-ruxun dəf’i-bəlaya görünür.
Şəddi-Bəğdad nədir, hicr günü çeşmi-tərim,
Yaş tökəndə deyəsən mövceyi-dərya görünür.
Şahi-mürğani-cahan hüdhüdi-xoşnəqşü nigar,
Mərhəba söylə görüm, hovdəci-Leyla görünür.
Eşq imiş kamil edən cümleyi-insani, bəli,
Səbəbi-cəzbi-bəni hissi-həmira görünür.
_____________Milli Kitabxana_____________
115
Dəm çəkib dinmə dəxi, tut üzünə bərqeyi-naz,
Dərdinə çarə sənin pərdeyi-ixfa görünür.
Basma dişqarı qədəm künci-xəfadən, zinhar
Ki, cahan içrə əcəb mə’rəkə bərpa görünür.
Piri-gülrəng əgər etsə camalın zahir,
Həq bilir kim, deyərəm Xizri-müəlla görünür.
Hümməti-piri-müğan şamili-əhval oldu,
Qasidi-şəhri-Səba zahirü peyda görünür.
Həmdülillah ki, qəbul oldu düayi-səhərim,
Əsəri-kəşməkeşi-Qənbəri mövla görünür.
Həyy edər əzmi-rəmimi, nəfəsi-müşkini,
Nitqi-şirini əra mö’cüzi-Isa görünür.
Bu necə ləhcədi, ey tutiyi-suti-xətü xal,
Çətri-əlvani-Süleymani-səmaya görünür.
Afərin fal ki, tövfiq mübarək gəldi,
Leylətül-qədr yanınca şəbi-yəlda görünür.
Sözü şirin, özü çirkin Nəbati deyilən,
Tari döysün ki, o, bir nəngi-əbaya görünür.
_____________Milli Kitabxana_____________
116
* * *
Mənim aləmdə sultanım Əlidir,
Mənim miri-cahanbanım Əlidir.
Nə Dara tanıram mən, nə Skəndər,
Mənim Fəğfurü xaqanım Əlidir.
Behişti zahidə verdim sərasər,
Mənim gülzari-rizvanım Əlidir.
Əgər hər kimsənin bir şahi olsa,
Mənim də şahi-şahanım Əlidir.
Tutub hər mürğ bir gülşəndə məskən,
Mənim də baği-bostanım Əlidir.
Məni bu ismi-ə’zəm etdi natiq,
Mənim məcmui-divanım Əlidir.
Əgər xəncər çəkər düşmən, qəm etmə,
Mənim də tiği-üryanım Əlidir.
Mənim sərmayeyi-ömrümdü mövla,
Mənim cismimdə bu canım Əlidir.
Mənim yox ondan özgə zikr-fikrim,
Mənim bu canda cananım Əlidir.
Mənim kəştiyi-Nuhum Mürtəzadır,
Mənim Musəyyi-Imranım Əlidir.
Mənə zülmət yolun göstərmə, ey Xizr,
Mənim yənbubi-heyvanım Əlidir.
Mənim Ruhullahım oldu Yədullah.
Mənim şahi-Süleymanım Əlidir.
Nədir baği-cinunü nəxli-Tüba,
Mənim sərvi-xuramanım Əlidir.
Məni seyri-gülüstanə aparma,
Mənim seyri-gulustanım Əlidir.
Mənim piri-müğanım şahi-Mərdan,
Mənim saqiyyi-məstanım Əlidir.
Mənim ömrüm, mənim ruhi-rəvanım,
Mənim mürği-süxəndanım Əlidir.
Mənim ərşim, mənim fərşim odur, o!
Mənim mehri-füruzanım Əlidir.
Mənim lövhü qələm, kürsi, səririm,
Mənim övrəngi-keyvanım Əlidir.
Dostları ilə paylaş: |