5.3. Sosial işin fərdi metodlarına psixoloji biliklərin daxil olması
1921-1930-cu illər, sosial işin fərdi metodlarına psixoloji biliklərin
daxil olduğu illər kimi xarakterizə olunur. Biheviorizm, freydizm kimi
məktəblərlə təmsil olunan ―yeni psixologiya‖, sosial işin nəzəriyyə və
praktikasında öz əksini tapır. Bu dönəm sosial iş nəzəriyyəsində, irsilik,
fərdin fizioloji inkişafı, intellektin inkişafı və geri qalması kimi
fenomenlər öz interpretasiyasını tapır. Psixologiya və psxiatriya,
kliyentin həyati situasiyalarının izahının əsas etibarlı mənbələri kimi
çıxış edirlər.
Məsələn, Z.Freydin nəzəriyyəsi, eləcə də inkişaf psixologiyası,
sosial iş nəzəriyyəsində davranış simptomlarının izahına, kömək və
dəstəyin daxili proseslərinin analizinə şərait yaratdı. Öz növbəsində
sosial biheviorizm də sosial işdə kliyentin sosial tarixinin öyrənilməsinə
təsir göstərmişdir.
Baxmayaraq ki, ―müalicə‖ konsepsiyası sosial işdə aparıcı rol
oynayırdı, bununla belə, ―müdaxilə‖ konsepsiyasının da ortaya çıxması,
günün tələbi hesab oluna bilərdi. ―Müştərinin sosial tarixi‖ və ―müalicə‖
kimi üsullar, fərdi işdə üstünlük təşkil etməklə, sosial işçilərin kömək
prosesindəki sosial standartlarına çevrilmişdilər. Müvafiq kömək
prosesində aşağıdakı vacib interaktiv elementləri seçib ayırırlar:
Ehtiyatlardan istifadə olunması;
110
Kliyentə problemlərini anlamasında köməkçi olmaq;
Müştəriyə öz xarici sosial proqramına işləmək qabiliyyətinin
aşılanması və inkişaf etdirilməsi.
Diaqnostik üsullarda, ―müalicə‖ konsepsiyalarında nəzərə çarpacaq
dəyişikliklər baş verməyə başlayır.
XX əsrin 20-ci illərində artıq
praktikaya psixoanaliz elementləri daxil olmağa başladığından,
M.Riçmond fərdi iş metodunu yeniləşdirir və bu da psixi prosesləri
sosial problemlər kontekstində nəzərdən keçirməyə şərait yaradır.
Psixoanaliz, diaqnoz haqqındakı təsəvvürləri genişləndirdi və təkcə
şəxsiyyətin deyil, həmçinin, sosial işçilər üçün mühüm olan sosial
dəyişikliklərin də, elmi metod əsasında öyrənilməsinə şərait yaratdı.
Kliyentin mənsub olduğu ətraf mühit vahid elmi sxem və məntiq
əsasında izah olunmağa başlanmışdı. 1922-ci ildən başlayaraq,
M.Riçmond ―Sosial fərdi işin‖ prinsiplərini işləyib hazırlayır və əvvəlki
üsullardan başqa digər üsullar da ―fərdi inkişaf‖, ―insan münasibətlərinin
tənzimlənməsi‖ inkişaf etdirilir. Bu üsullarda şəxsiyyət, bioloji
faktorların və inkişaf faktorlarının – kliyentin digər insanlarla əlaqəli
münasibətlərinin və özü haqqındakı təsəvvürlərin məcmusu kimi təsvir
edilir. Fərdin həyatı digər insanlarla, mürəkkəb və ziddiyyətli
münasibətlərin məcmusu kimi nəzərdən keçirilirdi və bu da insan
münasibətlərinin rənarəngliyinin qarşılıqlı əlaqəsi və özünüifadə ilə
əlaqədar idi. Psixoanalitik nəzəriyyələr əsasında, qarşılıqlı əlaqə
modellərinin hazırlanmasından başqa, sosial işçi ilə kliyent arasındakı
qarşılıqlı əlaqə prinsipləri də müəyyənləşdirildi. M.Riçmond bunu
―mental gigiyena prinsipləri‖ adlandırdı. Sonra bu prinsiplər sosial
işçilərin etik kodeksinin əsası kimi götürüləcək. Həmin prinsiplər özünə
aşağıdakı müddəaları daxil edirdi:
Kliyentə rəğbət bəsləmək;
Üstünlüyün ona verilməsi;
Onun təriflənməsi;
Onunla birgə fəaliyyət planlarının qurulması.
Bu dövrdə, fərdi üsulun gələcək inkişafını V.Robinsonun və C.Tattın
əsərlərində müşahidə etmək olar. V.Robinson fərdi iş metodunda yeni
perspektivləri qeyd edir. O, diqqət mərkəzinə müştərinin situasiyasının
deyil, onun dəyərlərinin, fərdi təcrübəsinin qoyulmasını və kömək
111
prosesinin məhz bu dominantlar üzərində qurulmasını təklif edir.
Kliyentlə sosial işçi arasındakı praktiki qarşılıqlı əlaqədə əsas diqqət
kliyentin keçmişinə, uşaqlıq həyəcanlarına, vərdişlərinə və dəyərlərinə
yetirilir. Kliyentlə sosial işçinin təmas prinsipləri ilə əlaqədar məsələ də
çox önəmlidir, çünki müştərilərin istəklərinin anlaşılması, ona sosial
işçilər tərəfindən köməyin göstərilməsi prosesində mühüm rol oynayır.
Sosial işin nəzəriyyə və praktikasının inkişafında mühüm rol oynayan
nəzəri istiqamətlərdən biri də sosial işin funksional modelidir. Bu
istiqamətin əsas ideoloqları kimi Q.Rank V.Stafi çıxış edirdilər.
Z.Freydin ideyalarından çıxış edərək, Q.Rank belə hesab edirdi ki,
şəxsiyyətin inkişafı prosesində yaşanan böhranlı vəziyyətlər, onun
doğuşdan aldığı zədələrin nəticəsidir (müştəri onları doğum zamanı alır).
Ona görə də müxtəlif sosial şərtlərdən asılı olmayaraq sosial işçi ilə
kliyentin görüşü labüddür. Bu istiqamətin nümayəndələri öz diqqətlərini
daha çox kliyentə köməyin göstərilməsi üzərində cəmləşdirir, onun
uşaqlıq həyəcanlarına daha az maraq göstərirlər. Bu məktəbin
nümayəndələrinin fəaliyyətindəki ən önəmli məqam, daha sonra kömək
prosesini müəyyənləşdirəcək sosial işçilərlə kliyent arasında qurulan
münasibətlərdir.
Bu fərdi iş məktəbinin əsas anlayış aparatını formalaşdıran aparıcı
anlayış proses anlayışıdır. Proses dedikdə, sosial işçilərlə kliyent
arasındakı kömək prosesi nəzərdə tutulur. Pozitiv dominantların
mövcudluğu şəraitində kömək prosesini qurmaq daha asan olur. Bu
dominantlar sosial işin aksioması kimi çıxış edirlər.
Funksional məktəb özünün nəzəri əsaslarını diaqnoz üzərində deyil,
sosial işçi ilə müştəri arasındakı qarşılıqlı münasibətlər üzərində qurur
və qeyd edir ki, bu münasibətlərdə ən önəmli şey, vəziyyətin
dəyişdirilməsinin forma və vasitəsi olan proses çıxış edir.
Funksional məktəb, sinxron üsul – ―burada və indi‖ prinsipinə
əsaslnır və sosial işçi ilə müştəri arasındakı qarşılıqlı münasibətlərdə,
müştərinin hazırki təcrübəsi, hiss və emosional həyəcanları
aktuallaşdırılır. Buradan belə bir nəticə hasil olur ki, müştəriyə təklif
edilən kömək yerində olmalı və onun özü tərəfindən qəbul edilməlidir.
Bu halda subyektlər arasında başqa münasibətlər yaranır, onlar tərəf
müqabilinə çevrilir və situasiyanın dəyişməsi üçün bərabər məsuliyyət
112
daşıyırlar. Cari nəzəri istiqamət, məqsəd olaraq qarşısına kliyentə kömək
texnikalarının və metodlarının yaradılmasını, onların inkişafını qoyur.
1928-ci ildə sosial işçilərin Milford konfransında kliyentlə fərdi
sosial işin əsas aspektləri müəyyənləşdirildi. Bunlar aşağıdakılardan
ibarətdir:
1.
Sosial həyatın ümumi qəbul olunmuş normalarından tipik
sapmaların, dəyişmələrin öyrənilməsi.
2.
Həyati bilgilərdən və qarşılıqlı əlaqələrin qurulması normalarından
istifadə olunması.
3.
Çətin vəziyyətə düşmüş insanın həyatının konkret təfərrüatı ilə
tanış olmaq.
4.
Sosial dəstəyə ehtiyac duyan insanlara lazımi köməyin
göstərilməsi və müvafiq kömək metodlarının tətbiq edilməsi.
5.
Sosial müalicədə yerli icmanın vəsait və ehtiyatlarından istifadə
olunması.
6.
Əldə olunmuş biliklərin və toplanmış təcrübənin, fərdi üsulun
tələblərinə uyğunlaşdırılaraq tətbiq edilməsi.
7.
Sosial işin fərdi üsulunun məqsədlərini, etikasını və
xüsusiyyətlərini müəyyənləşdirən fəlsəfi əsasların anlamı.
8.
Sadalanan bütün aspektlərin vahid sosial iş sistemində
birləşdirilməsi
1957-ci ildə F.Baystekin sosial işçi ilə müştərinin qarşılıqlı
əlaqələrindən bəhs edən kitabı çıxır. F.Baystek sosial işçi ilə müştəri
arasındakı qarşılıqlı əlaqələrin əsas prinsiplərini aşağıdakı şəkildə ifadə
edir:
Fərdiləşmə;
Hisslərin ifadəsində aşkarlıq;
Müştərinin emosional durumuna nəzarət;
Birbaşa münasibətlər;
Müstəqilliyin inkişafı;
Məxfilik.
Helen Harris Perlmanın fikrincə, kömək prosesi 2 mühüm
komponentdən ibarətdir:
113
1.
Kömək prosesi
2.
Fərdin ehtiyatları
Kliyentin probleminin həllini dar mənada, yənin onun istəkləri
səviyyəsində nəzərdən keçirən müəllif, motivasiyanın yüksəldilməsi,
fəaliyyət
qabiliyyətlərinin
genişləndirilməsini, şəxsi ehtiyatların
zənginləşdirilməsini təklif edir. Onun nəzəri üsulunun məzmununda
üstünlük təşkil edən anlayışlar kimi – yeni problem, proses, ehtiyatlar
terminləri qeyd olunur.
Problem dedikdə, fərdin müstəqil surətdə tələbatlarını ödəyə
bilməmək qabiliyyəti və onun sosial fəaliyyətinə maneçilik törədən
vəziyyət başa düşülür.
Proses dedikdə, müştərinin probleminin lazımi istiqamətdə
dəyişməsinə səbəb olan, təkrarlanan ardıcıl fəaliyyət modeli başa
düşülür.
Proses, sosial işçi ilə kliyentin, subyekt-subyekt qarşılıqlı əlaqəsi
zamanı bir sıra məqsədyönlü hərəkətlər vasitəsilə həyata keçirilir.
Hərəkətlər ardıcıllığını aşağıdakı şəkildə təsvir etmək olar:
Mənfi
enerjinin buraxılması, narahatçılıq hisslərinin
uzaqlaşdırılması, müsbət motivasiyanın formalaşdırılmasına
kömək, dəstək;
Emosional blokadanın yarılması;
Problemin rasionallaşdırılması (sosial işçi müştəri ilə birgə
problemin yeni anlamını, ona qarşı fərqli münasibətləri
formalaşdırır
və
atacaqları
növbəti
addımlarıı
müəyyənləşdirirlər);
Sosial işçi müştəri ilə bərabər onun problemlərini həll edir və
mühitinə, rollarına uyğun olan, mümkün imkan və ehtiyatları
axtarıb tapır.
Texniki baxımdan sosial işçi ilə müştərinin qarşılıqlı əlaqələri
aşağıdakı əsas prosedurlardan ibarət olur:
Kliyentin
probleminin
və
onu
törədən
səbəblərin
identifikasiyası;
114
Kliyentin və sosial işçinin problemin düzgün anlamında
əminlikləri;
İnformasiyanın toplanması və analizi;
Qarşılıqlı
əlaqə
planlarının
hazırlanması,
onun
gerçəkləşdirilməsi və təkmilləşdirilməsi.
Cədvəldə peşəkar sosial işdə geniş yayılmış sosial iş
nəzəriyyələrinin adları sadalanır.
Dostları ilə paylaş: |