açıqsöz
47
birinci dövrəsinə nümayəndə göstərilənlər arasında 22863 səslə (siyahıda 5ci) nümayəndə
seçildim. Azərbaycan Milli Məclisi Milli Hökuməti təşkil etməyi ağaye Pişəvəriyə həvalə etmişdi.
Pişəvəri hökumətə daxil olan vəzirlərlə (nazirlərlə) təkbətək görüşüb, söhbət etdikdən sonra
vəzirlərin siyahısını MK nəzərdən keçirdi və sonra təsdiq üçün MMə təqdim etdi. Təqdimat belə
idi:
Baş vəzir ağaye Seyid Cəfər Pişəvəri
Daxilə vəziri doktor Salamulla Cavid
Xalq qoşunları vəziri Cəfər Kaviyan
Fəlahət (kənd təsərrüfatı) vəziri doktor Məhtaş
Maarif vəziri Məhəmməd Biriya
Səhiyyə vəziri doktor Orəngi
Maliyyə vəziri Qulamriza İlhami
Ədliyyə vəziri Yusif Əzima
Yol, poçt və telerqaf vəziri Kəbiri
Ticarət və iqtisad vəziri Riza Rəsuli (İş və zəhmət vəziri sonra intixab edildi).
Ağaye Zeynalabdin Qiyami rəise divan və ağaye Firudin İbrahimi Azərbaycan müdəiimum intixab
oldular.
Ağaye Pişəvəri mənimlə söhbətində məni daxili işlər vəziri təyin etmək fikrində olduğunu dedikdə
bir qədər təəccübləndim. Mənə hökumətdə ixtisasım üzrə behdaşt (səhiyyə) münasib idi və o
sahədə pis çalışmazdım. Lakin ağaye Pişəvəri mənə müraciətlə: "Cavıd, mən bilirəm ki, sən tibb
sahəsinin adamısan, lakin səni Daxili İşlər Vəzirliyinə ona görə namizəd verdim ki, hazırda
quracağımız dövlətə hər şeydən əvvəl paklıq və millətin əmniyyətini hifz edib Azərbaycanda
asudəlik yaralmaq gərəkdir. Oğru, quldur, əliəyri, millətə xəyanət edənlərə bizim vücuda
gətirdiyimiz dövlətdə yer olmamalıdır" dedi. Mən ağanın sözünün üstə söz demədən razılaşdım.
açıqsöz
48
Bu işin çətinliyini, gecəgündüz çalışmaq lazım olacağını bilirdim. Mən təbib ıdim, heç vaxt
intizamata məxsus olan inzibati işdə çalışmamışam.
Daxili İşlər Vəzirliyini təşkil edərkən tanıdığım, iman, əqidə və əlitəmizliyinə bələd olduğum
adamları vəzifəyə gətirməyə çalışdım, Maneələr də çox olurdu. ..
Daxili İşlər Vəzirliyində başladığım ilk iş Təbrizdə və Azərbaycanın bütün şəhər və nahiyyələrində
nizamintizamı bərpa edib, əyintilərə yol verməmək idi. Nehzətimizin mahiyyətini düzgün
anlamayanlar güman edirdilər ki, hakimiyyətə gəlmiş xalq dövləti bütün varlıların, sərvət
sahiblərinin var yoxunu zorla alacaq və paylaşdıracaqdır. Bu cür düşünənlər mağazalara, anbarlara
hücum çəkib talançılığa, oğruluğa rəvac vermək istəyirdilər. Qarnıyırtıq Kazımlar meydanda at
çapdırmaq istəyir, tiryəkilər qalyanlarını püskürtməyə, əxlaq pozğunluğu ilə məşğul olanlar
açıqsaçıq iş görməyə meyllənirdilər və s. Bizə rəğbət göstərənlərin köməyi ilə az müddətdə elə
sağlam mühit yaratdıq ki, təkcə bizi istəyənlər yox, düşmənlərimiz də bunu etiraf etmək
məcburiyyətində qaldılar. Tehrandakı ruznamələrin və xarici radioların bir çoxu bu həqiqətləri
etiraf etməli oldular.
Daxili işlər vəziri təyin olunan gün ağaye Pişəvəridən aldığım ilk tapşırıq Təbrizdə bizə müqavimət
göstərmədən təslim olmuş padeqandakı (hərbi kazarmada) qoşunun başçısı Sərtib Ələkbər
Derəxşanini, qərargah rəisi sərhəng (polkovnik) Vərəhramı və dıgər 7 nəfər yüksək rütbəli hərbçini
şəxsiyyətlərinə zərrəcə toxunmadan sağsalamat təyyarə ilə yola salmağım oldu. Tehrana çatan
kimi şah onları qan tökməməkdə günahlandırıb həbs etdirmişdi.
Milli Hökumətin hakimiyyətdə olduğu bir il ərzində Azərbaycanda əminamanlığın və insan
hüquqlarının qorunduğu, bütün işlərin qanun çərçivəsində aparıldığı hamıya məlumdur. Yuxarıda
qeyd olunduğu kimi, bunu Azərbaycana gələn xaricilərin böyük çoxluğu demiş və yazmışlar.
Oğurluq, zorakılıq, tiryək və fahişəliyə qarşı mübarizədə qazanılmış inkarolunmaz uğurlar
Azərbaycan Milli Hökumətinin, polis və fədailərin yorulmaz və vicdanlı zəhmətinin nəticəsində
mümkün olmuşdur. Nəzərə almaq lazımdır ki, bu işlər köhnə rejimdən bizə miras qalmış, imkansız
bir şəraitdə, icraçıların çoxunun təcrübəsiz olduğu və düşmən əhatəsində (həm daxili və həm də
xarici) yaşamağa məcbur qaldığımız bir vəziyyətdə iqdam tapırdı. Mən bır daha inandım ki,
insanlar azadlığa çıxdıqda, öz müqəddəratının sahibi olduqda, arzu və istəkləri reallaşdıqda
ağlagəlməz xarıqələr yaratmağa, gözəl nümunələr göstərməyə qadir olur. Milli nehzətdən sonrakı
açıqsöz
49
günlərdə əldə edilmiş müvəffəqiyyətlər, uğurla icra olunan böyük siyasi, mədəni, iqtisadi və
ictimai tədbirlər, onların nəticələri dediklərimə parlaq sübutdur. Düşmənlərimiz, bədxahlarımız bu
uğurları ləkələsələr də, həmin tarixdə olanları təhrif etsələr də, həqiqət həqiqət olaraq qalır. Bu
həqiqətlər bu gün kölgədə saxlanılıb gizlədilsə də zaman onu bir vaxt meydana çəkəcək, kimin kim
olduğu bilinəcəkdir.
Mən bir neçə kəlmə də öz fəaliyyətim haqda deməyi lazım bilirəm. Mənim nehzət dövründə və
ondan sonrakı illərdə fəaliyyətimi təhrif edənləri, yalan danışıb, böhtan deyənləri sağlığımda
görmüşəm, yəqin bu şeytani əmələ sonrakı illərdə də əl atanlar olacaqdır.
Mən desəm də, deməsəm də məni yaxından azçox tanıyanlar bilirlər ki, bütün həyatım xalqımın və
vətənimin azadlığına və səadətinə həsr olunub. Bu işdə mən əzablı, məşəqqətli və ağır bir yol
keçmişəm. Mən heç vaxt pulgir olmamışam. Darda qalanlara, yoxsullara və dostlara əl tutmaq,
köməklik etmək mənim təbiətimdə vardır. Tamah, başqasının puluna, sərvətinə göz tikmək mənə
yad keyfiyyətdir. Nehzət dövründə əlimdə böyük səlahiyyət və imkanlar olsa da, qanundan zərrə
qədər kənara çıxmamışam.
Milli Hökumət zamanı müsadirə olunmuş əmlak qanun mucibincə (əsasında) icra edilmişdir və
hamısı sənədlər əsasında dövlətin sərəncamına keçmişdi. Azərbaycandan qaçıb və verilmiş müddət
ərzində (15 gün) vətənə qayıtmayan, millətə, nehzətə düşmənçilikdə suçlananların əmlakının
müsadirəsi haqda Azərbaycan Məclis Millisinin qərarı hamıya məlumdur. Mən daxili işlər vəziri
vəzifəsinə başlarkən qaçmağa hazırlaşan varlıları düz yola hidayət etdim, qaçmaqdan çəkindirdim
və həqiqətən də onlara heç kəs dəyib toxunmadı. Buna aid çoxlu misallar çəkmək olar. Vəzir
işlədiyim bir il ərzində evdə axşamladığım gecələr az olurdu, uşaqlarımın üzünü günlərlə görə
bilmirdim. Böyük oğlum Azadı xaricə (sovetlərə) təhsilə göndərəndə onu yola salmağa belə vaxt
tapmadım.
ŞEYTANİ ƏMƏL POZDU İŞLƏRİ
Sovetlərin İrandan neft payı istəməsi söhbətini 23 il idi ki, eşitmişdim. Şahın Qəvama qədər iş
başına gətirdiyi baş vəzirlərin hamısı və Məclis bu işə "yox" dedi. 1324cü ilin bəhmən (1946cı il
fevral) ayında Əhməd Qəvamülsəltənənin baş vəzirliyə gəlməsı ilə sovetlərlə İranın neft