4. İddia
sənədində göstərilən obyektin bu maddənin tələblərinə uyğun
olmadığı ekspertiza nəticəsində müəyyənləşdirildikdə patent verilməsindən imtina
barəsində qərar qəbul edilir.
5. İxtira və ya faydalı model barəsində bir neçə iddia obyektindən ibarət olan
və vəhdət tələblərini təmin etməyən iddia sənədi verildikdə iddiaçıya təklif edilir ki,
müvafiq bildirişi aldığı gündən 2 ay
müddətində iddia obyektlərindən
hansı birinə baxılmalı olduğunu bildirsin.
İddiaçı göstərilən müddətdə bildirişə cavab vermədikdə müvafiq icra hakimiyyəti
orqanı ixtiranın və faydalı modelin düsturunun birinci bəndində göstərilən iddia
obyektinə baxır.
İddia sənədində göstərilən ixtira və ya faydalı model üçün qalan iddia obyektləri
müstəqil şəkildə ayrılmış iddia sənədi kimi verilə bilər. Əvvəlki iddia sənədinin
ilkinliyi ayrılmış iddia sənədi üçün də saxlanılır.
Ayrılmış iddia sənədi üzrə ixtira və ya faydalı model üçün iddia obyekti əvvəl
verilmiş iddia sənədinin məzmunundan kənara çıxmamalı və onun tərkib hissəsi kimi
iddiaçı tərəfindən dəqiq səciyyələndirilməlidir. Ayrılmış iddia sənədi müvafiq icra
hakimiyyəti orqanına ixtira üçün əvvəlki iddia sənədinin verildiyi tarixdən 12 ay
keçənədək, faydalı model üçün isə əvvəlki iddia sənədinin verildiyi tarixdən 6 ay
keçənədək təqdim edilməlidir.
Hər
bir
ayrılmış iddia
sənədinə görə,
müstəqil
iddia
sənədinin
verilməsi üçün müəyyən edilmiş haqq ödənilir. Bu tələb yerinə yetirildikdə əvvəlki
iddia sənədinin ilkinliyi ayrılmış iddia sənədi üçün dəsaxlanılır.
Ayrılmış iddia sənədinin obyekti əvvəlki iddia sənədinin məzmunundan
kənara çıxdıqda iddia sənədinin son redaksiyasının verildiyi tarix ayrılmış iddia
sənədinin verilməsi tarixi sayılır.
6. Patentin
verilməsindən
imtina
qərarı barəsində iddiaçı həmin
qərarı aldığı gündən
2
ay ərzində müvafiq
rüsumu ödəməklə müvafiq
icra
hakimiyyəti orqanının Apellyasiya şurasına etirazla müraciət edə bilər.
7. İddiaçı Apellyasiya şurasının qərarına dair bütün materiallarla tanış ola bilər.
8. İddiaçının ixtiyarı var ki, patent qeydə alınana qədər iddia sənədini geri
götürsün. Bu zaman ödənilmiş müəyyən edilmiş haqq qaytarılmır.
9. İxtira üçün
iddia sənədi barəsində məlumat dərc olunana qədər
iddiaçı ərizə verməklə onu
faydalı model üçün
iddia
sənədinə (və ya əksinə) çevirə bilər.
Göstərilən hallarda əvvəlki iddia sənədinin ilkinliyi saxlanır.
10. Müvafiq icra hakimiyyəti orqanı iddia sənədinin verildiyi tarixdən 18 ay
ərzində iddiaçının və ya marağı olan başqa şəxsin vəsatəti əsasında obyektin patent
qabiliyyətini müəyyənləşdirmək üçün məlumat axtarışını aparır.
İddia
sənədinin
mahiyyətcə ekspertizası müəyyən
edilmiş
haqqın ödənilməsi şərtilə iddiaçının və ya marağı olan başqa şəxsin vəsatəti əsasında,
iddia sənədinin müvafiq icra hakimiyyəti orqanına verildiyi tarixdən 18
ay ərzində aparılır.
Mahiyyətcə ekspertizanın nəticəsi iddiaçıya və ya marağı olan şəxsə bildirilir.
İddia
sənədi üzrə məlumat
axtarışının
və mahiyyətcə ekspertizanın
aparılması qaydasını müvafiq icra hakimiyyəti orqanı müəyyənləşdirir.
M a d d ə 3 0 . İddia sənədi barəsində məlumatın dərci
1. Müvafiq icra hakimiyyəti orqanı ixtira və faydalı model barəsində iddia
sənədini aldığı tarixdən ən geci 12 ay keçənədək, sənaye nümunəsi barəsində iddia
sənədini aldığı tarixdən ən geci 6 ay keçənədək iddia sənədlərinə dair məlumatın
özünün
rəsmi
bülletenində
dərc
edilməsini
təmin
edir. İddiaçının
vəsatəti üzrə, müəyyən edilmiş haqq ödənilməklə, iddia sənədinə dair məlumat
yuxarıda göstərilən tarixdən tez də dərc edilə bilər.
2. ixtira, faydalı model və sənaye nümunəsi müəllifinin hüququ var ki, müvafiq
icra hakimiyyəti orqanının rəsmi bülletenində həmin obyektin müəllifi kimi
göstərilməməsini tələb etsin.
3. İddia sənədinə dair məlumatda aşağıdakılar göstərilməlidir:
müəllif (əgər müəllif kimi göstərilmək hüququndan imtina etməyibsə)
və iddiaçı haqqında məlumat;
obyektin adı;
beynəlxalq patent təsnifatı indeksi;
sənaye nümunəsinin beynəlxalq indeksi;
ilkinlik tarixi;
ixtiranın və ya faydalı modelin referatı;
sənaye nümunəsinin mühüm əlamətlərinin siyahısı və təsviri.
4. İddia sənədinə dair məlumat dərc olunduqdan sonra 7-ci maddənin 3-
cü bəndinin 1-ci abzası, 8-ci maddənin 3-cü bəndinin 1-ci və 2-ci abzasları, 9-cu
maddənin 3-cü bəndinin 1-ci abzası üzrə iddia obyektinin yeniliyi üçün məsuliyyət
iddiaçının üzərinə düşür.
5. İddia sənədinə dair məlumat dərc olunduqdan sonra marağı olan hər bir hüquqi
və ya fiziki şəxsin, müəyyən edilmiş haqqı ödəmək şərti ilə, müvafiq icra hakimiyyəti
orqanında iddia sənədinin materialları ilə tanış olmaq, habelə müvafiq ixtira, faydalı
model və sənaye nümunəsinin təsvirini, çertyojlarını, rəsmlərini və fotoşəkillərini
almaq hüququ vardır.
Dərc olunmuş iddia sənədinin materialları ilə tanışlıq qaydasını müvafiq icra
hakimiyyəti orqanı müəyyənləşdirir.
6. İddia sənədinə dair məlumat aşağıdakı hallarda dərc olunmur:
patent verilməsindən imtina qərarı qəbul edildikdə;
iddia sənədi geri götürüldükdə;
iddiaçı möhlət barədə vəsatət təqdim etdikdə;
iddiaçı dərcdən imtina barədə vəsatət təqdim etdikdə.
7. İxtira
və ya
faydalı model
obyekti
dövlətin
milli
təhlükəsizliyi
mənafelərinə aid olduqda müvafiq icra hakimiyyəti orqanı öz təşəbbüsü ilə iddia
sənədinə dair məlumatın dərcini bu barədə qərarınçıxarıldığı tarixdən etibarən 4 aya
qədər dayandırmaq hüququna malikdir. Bu müddət keçdikdən sonra həmin qərar
müvafiq
icra
hakimiyyəti
orqanı tərəfindən
təsdiqlənmədikdə və müddəti
uzadılmadıqda qüvvədən düşür.
Müvafiq icra hakimiyyəti orqanı məlumatın dərcini, ixtiranın (faydalı modelin)
açıq istifadəsini, yaxud iddia sənədi və ya patent obyektinin istifadəsini qadağan
etdikdə iddiaçı və ya
patent
sahibi
həmin
orqandan
müvafiq
kompensasiya ödənilməsini tələb edə bilər. Müvafiq kompensasiya məlumatın dərcini
və ixtiranın (faydalı modelin) istifadəsinin qadağan olunduğu ilk 12 aylıq müddət
uzadıldıqda tələb edilə bilər. Bu halda yaranan mübahisələr məhkəmə qaydasında həll
edilir.
8. İddia sənədi materiallarının dərc olunduğu tarixdən patentin verildiyi
tarixə kimi hər bir ixtira, faydalı model və sənaye nümunəsinə müvəqqəti hüquqi
mühafizə verilir.
Patent verilməsindən rədd qərarı qəbul olunduqda müvəqqəti hüquqi
mühafizə başlanmamış sayılır.
Müvəqqəti mühafizə hüququ verilən ixtiradan, faydalı modeldən və sənaye
nümunəsindən istifadə edən hüquqi və ya fiziki şəxslər patent alındıqdan sonra patent
sahibinə kompensasiya ödəməlidirlər. Kompensasiyanın həcmi və ödəmə qaydası
tərəflər arasında razılaşma ilə müəyyən edilir.
Geri götürülmüş və ya geri götürülmüş hesab edilən, yaxud patent verilməsindən
imtina qərarı qəbul edilən və həmin qərardan etiraz verilməsi üçün müəyyən edilmiş
müddətin keçdiyi ixtiraya, faydalı modelə və sənaye nümunəsinə dair iddia sənədi
müvəqqəti mühafizə hüququ verilməmiş hesab edilir.
30-1. İxtira, faydalı model və sənaye nümunəsi ilə bağlı iddia sənədinin qəbulu və
onların ekspertizasının təşkili İxtira, faydalı model və sənaye nümunəsi ilə bağlı iddia
sənədinin qəbulunu (iddia sənədinin ilkin və mahiyyətcə ekspertizası daxil olmaqla),
vəhdət təşkil etməyən bir neçə iddia obyektindən ibarət olan iddia sənədinin ayrılması
halında onun müstəqil iddia sənədi kimi qəbulunu, iddia sənədində düzəlişlərin və
əlavələrin edilməsini, iddia sənədinə dair məlumatın dərc edilməsini (o cümlədən
müəyyən edilmiş müddətdən tez dərc edilməsini), maraqlı şəxslərin iddia sənədi ilə
tanış olmasını (o cümlədən müvafiq ixtira, faydalı model və sənaye nümunəsinin
təsvirinin, çertyojlarının, rəsmlərinin və fotoşəkillərinin alınmasını), məlumat
axtarışının aparılmasını, Konvensiya ilkinliyinin və ya daha əvvəl verilmiş iddia
sənədi üzrə ilkinliyin müəyyən edilməsini, iddia sənədlərinin (o cümlədən ilkinlik
üzrə sənədlərin və iddia sənədinə düzəlişlərin və əlavələrin) təqdim edilmə
müddətinin uzadılmasına dair vəsatətlərə baxılmasını müvafiq icra hakimiyyəti
orqanı tərəfindən yaradılmış ixtisaslaşmış hüquqi şəxs həyata keçirir.
M a d d ə 3 1 . İddia sənədinə etiraz
1. İddia sənədinin dərc olunduğu tarixdən etibarən 6 ay ərzində hər bir hüquqi
və ya fiziki şəxs Apellyasiya şurasına əsaslandırılmış etirazla müraciət edə bilər. Bu
zaman istinad edilən materialların surəti də təqdim edilir.
2. Bu Qanunun 3-cü maddəsinin 3-cü abzasında, 7, 8 , 9, 27 və 29-cu
maddələrində göstərilən tələblər pozulduqda da iddia sənədinə etiraz verilə bilər.
3. Əsaslandırılmış etirazın surəti iddiaçıya göndərilir.
İddiaçı etirazın surətini aldığı tarixdən 2 ay ərzində ona cavab verməlidir.
İddiaçı cavabını müəyyən edilən müddət ərzində Apellyasiya şurasına təqdim
etmədikdə iddia sənədi rədd edilmiş sayılır.
4. Apellyasiya şurası iddiaçının cavabına onu aldığı tarixdən 2 ay ərzində baxır.
Hər iki tərəfin etiraza baxılması prosesində iştirak etmək, zəruri sənədləri təqdim
etmək və şifahi izahat vermək hüququ vardır.
5. Apellyasiya şurası etiraza baxılmasının nəticəsinə uyğun olaraq, etirazın tam
və ya qismən təmin olunması, yaxud rədd edilməsi barədə qərar qəbul edir
və iddiaçıya bildiriş göndərir.
M a d d ə 3 2 . ixtira, faydalı model və sənaye nümunəsinin qeydiyyatı və
patentin verilməsi
1. Müvafiq icra hakimiyyəti orqanı dərc olunmuş iddia sənədinə etirazın
verilməsi müddəti qurtardıqdan və ya Apellyasiya şurasının patentin verilməsinə dair
qərar qəbul etdiyi tarixdən etibarən 2 ayərzində ixtira, faydalı model və sənaye
nümunəsinin
qeydiyyatı,
patentin
verilməsi
və dərc
olunması üçün
rüsum ödənilməsi şərti ilə, müvafiq Dövlət reyestrində ixtira, faydalı model və sənaye
nümunəsini qeydə alır və iddiaçı olan şəxsə patent verir.
ixtira, faydalı model və sənaye nümunələrinin Dövlət reyestrinə daxil edilməsi
qaydası müvafiq icra hakimiyyəti orqanı tərəfindən müəyyənləşdirilir.
2. Patent sahibi patentin qüvvədə saxlanması üçün illik rüsumu ixtira, faydalı
model və sənaye nümunəsinə dair iddia sənədinin verildiyi tarixdən etibarən onun
qüvvədə olmasının 3-cü ilindən başlayaraq ödəyir.
3. Patenti xahiş edən şəxs bir neçə olarsa, onlardan birinə bir patent, qalanlarına
isə patentin müvafiq icra hakimiyyəti orqanında təsdiq edilmiş surəti verilir.
4. Patent
sahibinin əsaslandırılmış vəsatəti
ilə ona
müəyyənləşdirilmiş rüsumu ödəməsi şərtilə patentin dublikatı verilir.
5. İddiaçı ilə müəllif müxtəlif şəxslər olduqda müəllif patentin surətini almaq
hüququna malikdir.
6. Müəllif patentdə öz adının göstərilməsindən imtina edə bilər.
M a d d ə 3 3 . Patent barəsində məlumatın dərci
1. Müvafiq icra hakimiyyəti orqanı ixtira, faydalı model və sənaye nümunəsini
qeydə aldıqdan
və patent
verdikdən
sonra
3
ay ərzində patent
barəsində məlumatı rəsmi bülletenində dərc edir. Məlumata aşağıdakılar daxil edilir:
patentin sahibinin (sahiblərinin) adı, müəllif kimi göstərilməkdən imtina
etməyibsə, müəllifin (müəlliflərin) adı;
ixtira, faydalı model və sənaye nümunəsinin adı;
iddia sənədinin müvafiq icra hakimiyyəti orqanına daxil olduğu tarix;
ilkinlik tarixi;
ixtiranın və faydalı modelin düsturu;
sənaye nümunəsinin mühüm əlamətlərinin siyahısı və onun təsviri.
2. ixtira, faydalı model və sənaye nümunəsi üçün verilmiş patentin bu Qanunun
7-ci maddəsinin 3-cü bəndində, 8-ci maddəsinin 3-cü bəndinin 1-ci və 2-ci
abzaslarında,
9-cu
maddəsinin
3-cü bəndinin
1-ci
abzasında
müəyyənləşdirilmiş tələbləri uyğun olmamasına görə patent sahibi qanunla müəyyən
edilmiş qaydada məsuliyyət daşıyır.
M a d d ə 3 4 . Verilmiş patentə etiraz
1. Bu Qanunun 3-cü maddəsinin 3-cü abzasının, 7-ci maddəsinin 1, 6, 7, 8-ci
bəndlərinin, 8-ci maddəsinin 1, 5, 6-cı bəndlərinin, 9-cu maddəsinin 1, 5, 6-
cı bəndlərinin, 27-ci və 29-cu maddələrinin tələbləri pozulduqda, yaxud ixtiranın,
faydalı modelin
düsturunda
və sənaye
nümunəsinin
mühüm əlamətləri
məcmusunda əvvəlki iddia sənədində göstərilmiş əlamətlər olmadıqda istənilən
hüquqi və ya fiziki şəxs patent barəsində məlumatın dərc edildiyi tarixdən 6
ay ərzində patentin verilməsinə qarşı əsaslandırılmış etirazla Apellyasiya şurasına
müraciət edə bilər.
2. Etiraz vermiş hüquqi və ya fiziki şəxs, həmçinin patent sahibi Apellyasiya
şurasında ona baxılmasında iştirak edirlər.
3. Patent obyekti barəsində məlumatın dərc olunduğu tarixdən 6 ay keçdikdən
sonra Apellyasiya şurası verilmiş patent barəsində etirazları qəbul etmir.
4. Apellyasiya şurasının qərarından məhkəməyə şikayət edilə bilər.
M a d d ə 3 5 . Patentdə və ixtira, faydalı model və sənaye nümunəsinə dair
Dövlət reyestrində dəyişikliklər edilməsi
1. Patent
sahibinin
vəsatətinə əsasən
müvafiq
icra
hakimiyyəti
orqanı verilmiş patentdə aşkar və texniki səhvləri düzəltməlidir.
2. Patent sahibi patentdə hüquqi şəxsin adını, fiziki şəxsin soyadını, adını,
atasının adını dəyişdirdiyi halda bu barədə məlumatı müvafiq icra hakimiyyəti
orqanına bildirməlidir.
Patent
sahibi
verilmiş patentdə dəyişikliklər
barədə vəsatət
qaldırıqda
və müəyyənləşdirilmiş rüsumu ödədikdə müvafiq icra hakimiyyəti orqanı ixtira,
faydalı model və sənaye nümunələrinin Dövlət reyestrində dəyişikliklər edir.
M a d d ə 3 6 . Patentin qüvvəsinə vaxtından əvvəl xitam verilməsi
1. Aşağıdakı hallarda patentin qüvvəsinə vaxtından əvvəl xitam verilir:
patent sahibinin müvafiq icra hakimiyyəti orqanına verdiyi ərizə əsasında;
patentin qüvvədə saxlanması üçün rüsumun ödənilməsi üçün müəyyən edilmiş
müddətdən 12 aylıq möhlət müddəti keçənədək ödənilmədikdə;
bu Qanunun 37-ci maddəsinə uyğun olaraq patent tamamilə etibarsız sayıldıqda.
2. Müvafiq icra hakimiyyəti orqanı patentə vaxtından əvvəl xitam verilməsi
barədə məlumatı rəsmi bülletenində dərc edir.
M a d d ə 3 7 . Patentin etibarsız sayılması
1. İxtira, faydalı model və sənaye nümunəsinin patenti onun qorunduğu bütün
dövrə şamil olunmaqla aşağıdakı hallarda bütövlükdə etibarsız sayılır:
bu Qanunun 7, 8, 9-cu maddələrinə uyğun olmadığı təsdiq edildikdə;
patentin təsviri mütəxəssis tərəfindən həyata keçirilməsi üçün aydın və tam
açıqlanmadıqda;
patentlə verilən hüququn həcmi ilkin iddia sənədinin hüdudlarından
kənara çıxdıqda;
bu Qanunun 12-ci maddəsinə uyğun patent onu almaq hüququna malik
olmayan şəxsə verildikdə.
2. Bu maddənin 1-ci bəndində göstərilən şərtlər patentə tamamilə aid olmadıqda
patent qismən etibarsız sayıla bilər.
3. Patentin etibarsız sayılmasına dair yaranan mübahisələrə Apellyasiya
şurasında və ya məhkəmədə baxılır.
M a d d ə 3 8 . Ötürülmüş müddətlərin bərpası
1. Bu Qanunun 29-cu maddəsinin 6-cı bəndində, 31-ci maddəsinin 3-
cü bəndində və
34-cü
maddənin
1-ci
bəndində nəzərdə tutulan
müddətlər üzürlü səbəbdən ötürüldükdə və müəyyənləşdirilmişrüsum ödənildikdə mü
vafiq icra hakimiyyəti orqanı ötürülmüş müddəti bərpa edir.
2. İddiaçı və
ya
etiraz
edən
şəxs ötürülmüş müddətin
bərpası barədə vəsatəti ötürülmüş müddətin
qurtardığı tarixdən
etibarən
3
ay ərzində verə bilər.
3. İxtira, faydalı model və sənaye nümunəsi patentinin qüvvədə saxlanılması üçün
müəyyən edilmiş illik rüsumu vaxtında ödəməyən patent sahibi tərəfindən ötürülmüş
tarixdən 5 il müddətindən gec olmayaraq müvafiq dövlət rüsumu ödənildikdə,
patentin qüvvəsi bərpa edilir. Patent sahibinin vəsatətinə ötürülmüş illər üzrə
rüsumun ödənildiyini təsdiqləyən sənədin surəti əlavə olunur.
V I I f ə s i l
YEKUN MÜDDƏALARI
M a d d ə 3 9 . Dövlət rüsumları
Bu Qanunla müəyyən edilmiş patentlə bağlı hüquqi əhəmiyyətli işlərin yerinə
yetirilməsi, patent müvəkkillərinin attestasiyası, qeydiyyatı, şəhadətnamələrin
verilməsi və onlara dair məlumatın dərci üçün (müvafiq icra hakimiyyəti orqanı
tərəfindən müəyyən edilmiş haqqın ödənildiyi hallar istisna olmaqla) dövlət rüsumları
ödənilir.
M a d d ə 4 0 . Mübahisələrə məhkəmə qaydasında baxılması
Bu Qanundan irəli gələn patentlə bağlı mübahisələrə inzibati qaydada
və məhkəmədə baxılır.
M a d d ə 4 1 . ixtira, faydalı model və sənaye nümunəsinin xarici dövlətlərdə
patentləşdirilməsi
İxtira, faydalı model və sənaye nümunəsi barədə iddia sənədi müvafiq icra
hakimiyyəti orqanına verildikdən sonra xarici dövlətdə patentləşdirilə bilər.
ixtira, faydalı model və sənaye nümunəsi barəsində iddia sənədinin müvafiq icra
hakimiyyəti orqanına daxil olduğu tarixdən etibarən 3 ay ərzində həmin orqan patent
alınması üçün iddia sənədinin xarici dövlətə verilməsinin mümkünlüyü haqqında
müvafiq qərar qəbul edir və iddiaçıya bildiriş göndərir.
Müvafiq icra hakimiyyəti orqanının qərarı ilə əlaqədar mübahisələrə inzibati
qaydada və məhkəmədə baxılır.
M a d d ə 4 2 . Xarici hüquqi və fiziki şəxslərin patentlə bağlı hüquqları
Xarici hüquqi və fiziki şəxslər bu Qanunla nəzərdə tutulmuş hüquqlardan
Azərbaycan Respublikasının iştirak etdiyi beynəlxalq müqavilələrə və ya
qarşılıqlı prinsipinə əsasən Azərbaycan Respublikasının vətəndaşları ilə bərabər
istifadə edirlər.
M a d d ə 4 3 . Beynəlxalq müqavilələr
Azərbaycan
Respublikasının
iştirak
etdiyi
beynəlxalq
müqavilələrdə müəyyənləşdirilən qaydalar bu Qanunda nəzərdə tutulan qaydalardan
fərqləndikdə beynəlxalq müqavilənin qaydaları tətbiq olunur.
Maddə 44. Keçid müddəaları
Bu Qanun qüvvəyə minənədək ixtira, faydalı model və sənaye nümunəsi barədə
verilən və barələrində qərar qəbul edilməmiş iddia sənədlərinin ekspertizası bu
Qanunun tələblərinə uyğun aparılır.
Azərbaycan Respublikasının Prezidenti
Heydər ƏLİYEV
Bakı şəhəri, 25 iyul 1997-ci il
№ 312-IQ
Dostları ilə paylaş: |