Rustaveli teatrınıi binasında keçirilən antifaşist
mitinqində qardaş Gürcüstan
və Ermənistan zəhmətkeşlərilə birlikdə respublikamızdan da dörd nəfər iştirak
etmişdir: Səməd Vurğun, Mirzə İbrahimov, Sabit Orucov və Ağa Nemətulla.
Mitinqin aparıcısı Gürcüstan SSR Ali Soveti Rəyasət heyətinin sədri Georgi
Strua nümayəndələrə növbə ilə söz verir. Birdən-birə ekranda titr yazısı görünür:
“Azərbaycan şairi Səməd Vurğun”. Onun doğma dilimizdə gur, əzəmətli səsi
eşidilnr:
“Əziz qardaşlar və bacılar, Gürcüstanın, Ermənistanın, Azərbaycanın azad
xalqlarının oğulları və qızları!”.
Səməd Vurğun filmdə lap cavan görünür. Saçlarına hələ dən düşməyib.
Nazirin katibi Nikolay İvanoviç qolumdan tutub soruşur:
- O şermi oxuyur, hansı şerini?
Mən gözümü ekrandan çəkmədən cavab verirəm:
- Xeyr, şer oxumur, danışır.
- Ola bilməz.
- Nazirin katibi təəccüblənir, - yəni belə də danışıq olar? Bəlkə
səhv edirsiz, şer oxuyur, yaxşı qulaq asın.
- Xeyr, o danışır, səhv etmirəm, o sadəcə danışır.
“...Zaqafqaziyanın qardaş xalqları olan gürcülər, ermənilər və
azərbaycanlılar tarixdə dəfələrlə ümumi düşmənimizə qarşı, yəni yadelli işğalçılara
qarşı əlbir mübarizədə birləşmişdir. Biz dəfələrlə düşmən qoşunlarını qırıb-
dağıtmış, onları Kür və Arazın coşğun sularında qərq etmişik. Bizim ata-
babalarımız Qafqaz torpaqlarını ərəblərin, monqolların və başqa işğalçıların
hücumundan qəhrəmanlıqla qorumuşlar. Bu gün xalqlarımızın şərəf və
istiqlaliyyətini yenə də müdafiə etmək zamanı gəlmişdir. Biz bu gün ümumi
düşmənimiz olan alman faşizmi ilə üz-üzə durmuşuq. Böyük babalarımız olan
Tariyel,
Sasunlu David, Babək və Koroğlunun ölməz simaları fikrimizdə yenidən
canlansın. Qoy keçilməz Qafqaz dağlarının dibi görünməyən dərələri alman
işğalçıları üçün məzarıstan olsun...”.
Səməd Vurğunun əzəmətli səsini eşitməkdən doymaq olmur. On səkkiz
dəqiqəlik filmə 6 dəfə baxdıq.
Yenidən nazirin kabinetinə qayıdıb söhbətimizi davam etdirdik.
- Bakıdan zəng edəndə həmişə ilk sözü belə olardı:
- Sabit, bəsdir çovğunlu şimalda oturduğun, haçan gəlib cənub günəşində
canını qızdıracaqsan.
O, mənimlə bir dost, bir qardaş kimi danışardı, hətta həyat yoldaşım Fatmanı
da ərklə dindirərdi.
-
Sabit müəllim, Səməd Vurğunu ən çox nə zaman xatırlayırsınız?
- Oğul, Səmədi xatırlamamaq olmaz, - dedi, - əlbəttə, ən çox seçkilərdə,
yığıncaqlarda, poeziya məclislərində gözümü səhnədən çəkə bilmirəm. Mənə elə
gəlir ki, o indicə kürsüyə qalxıb gur və əzəmətli səslə şer oxuyacaq, arabir də əlini
ağ, dalğalı saçlarında gəzdirəcək.
Son dəfə onu Moskvadan Vyetnama yola saldım. Bərk qızdırması vardı.
“Səməd, - dedim, - belə vəziyyətdə niyə gedirsən?”.
-
Sabit qardaş, - dedi, - Şərqə borcum var.
- O nə borcdur, - dedim, - ay Səməd?
- Avropadan az-çox yazmışam, - dedi. - Şərq məni çoxdan maraqlandırır,
böyük bir əsər yazmaq fikrindəyəm.
- Sabit müəllim, bəlkə şairin sizdə əlyazması, fotoşəkli...
- Yox, düzü elə bir şey yoxdur, ancaq üç-dörd il bundan əvvəl bilmirəm
kimsə mənə Aleksandr Fadeyevin “Bakı” restoranı direktorunun adına yazdığı bir
məktubunu verdi. Fadeyev yazırdı ki, yoldaş Baxış (familiyasını unutmuşam), bir
neçə saatdan sonra Sovetlər ölkəsinin ən gəzəl şairi Səməd Vurğun sizin qonağınız
olacaq. Xahiş edirəm ona milli Azərbaycan xörəkləri hazırlayasınız. Elə xörək ki,
Səməd Vurğun onu yeyib özünü doğma Azərbaycanında hiss etsin.
Mən həmin məktubu Fadeyevin həyat yoldaşının ünvanına göndərdim...
Görkəmli sovet yazıçısı A.Fadeyevin həyat yoldaşı Angelina İosifovna
Stepanova Moskva Dövlət Bədaye Teatrında işləyir. SSRİ xalq artisti,
Sosialist
Əməyi Qəhrəmanı Angelina Stepanovanı düz beş gün axtarmalı oldum.
Qapıçı məni birbaşa qrim otağına apardı.
Mavi gözlü, mülayim rəftarlı qadın əvvəl işin çoxluğundan şikayətləndi. O,
Leninqradda “Xilaskarlar” adlı bədii filmdə baş rolda çəkilirdi. Bir müddət onun
üzünə baxa-baxa qaldım. Sifətildəki qəmli qırışlar, gözlərindəki məhzunluq məni
mütəəsir eləmişdi. Fikirləşirdim ki, bu sifət, bu gözlər necə də qəmli,
kədərli
olmasın. Gör kimləri görüb, kimləri son mənzilə yola salıb?!
Hiss edirdim ki, Angelina İosifovna demək istəyir ki, niyə sual vermirsiniz,
söhbətimizə başlamayaq? Düzü mənim üçün də çətin idi - yaxşı bilirdim ki, o
günlərə qayıdan kimi yaralarına toxunacam.
İki oğlu var. Aleksandr aktyordur. Mərkəzi televiziyada işləyir,
bir neçə
filmdə çəkilib. Mixail isə Moskva Dövlət Universiteti tarix fakültəsinin axşam
şöbəsində oxuyur, həm də “Sovetski pisatel” nəşriyyatında redaktor işləyir.
Angelina İosifovna deyir ki, Mixail arabir cızma-qara da edir. Bilmiram atasının
şan-şöhrətinə, zirvəsinə yüksələ biləcəkmi?
- Angelina İosifovna, Səməd Vurğunu necə xatırlayırsınız?
- Saşa həmişə deyərdi ki, Səməd bizim məclisin canı və qanıdır. Hansı gün
Səməd Vurğun qonağımız idi, biz hamımız onu dinlərdik, ona heyranlıqla
baxardıq. İlk dəfə Səmədi görəndə onun zahiri məni valeh etmişdi. Sonralar
gördüm ki, bu adam daxilən də çox maraqlı və heyranedicidir.
Onun adama fikirli
baxmağı, bığaltı gülümsəməsi, danışığı hamını əfsunlayırdı.
O vaxtlar elə bir görkəmli şair, yazıçı yox idi ki, bizdə qonaq olmasın. Lakin
mənim üçün dünyada ikicə şair var: Səməd Vurğun və Pasternak. Birinci növbədə
onlar elə görünüşlərindən əsl şair idilər. Xarici görkəmlərində, danışıq tərzlərində
nə isə bir qeyri-adilik, ilahilik vardı.
Səməd Vurğun bizim qapını ərklə açıb
içəri girərdi, ərklə də keçib stol
arxasında əyləşərdi.
Yadımdadır, Səməd min doqquz yüz əlli dördüncü ildə Peredelkinodakı
bağımızda iki gün qonaq qaldı. İki gün Saşa ilə Səməd heç yana getmədilər. O
zaman Səməd Vurğun yazıçıların ikinci Ümumittifaq qurultayında poeziya
haqqında məruzəyə hazırlaşırdı. Arabir onlar bağa gəzməyə çıxardılar.