101
Lansetnikning tuban tuzilishi belgilari:
a) bosh miyasi bo‘lmaydi;
b) jabra bilan nafas oladi;
d) bosh skeleti rivojlanmagan;
e) skeleti xordadan iborat;
f) qon aylanish sistemasi yopiq;
g) og‘iz teshigi paypaslagichlar bilan o‘ralgan;
h) xorda skeleti umrbo‘yi saqlanib qoladi;
j) suzgichlari teri burmasidan iborat.
Lug‘at daftaringizga yozib oling.
Xordalilar, bosh qutisizlar, umurtqasizlar, umurtqalilar, bosh qutililar, lansetnik,
xorda, og‘izoldi voronkasi, jabra teshiklari, jabra burmalari, jabraoldi bo‘shlig‘i.
Tasdiqlovchi javoblar: a, d, e, h.
8.1.
BALIQLAR
Baliqlar suvda yashovchi xordali hayvonlar. Tanasi ikki yondan
siqilgan, tangachalar bilan qoplangan, uchta toq, ikkita juft suzgichlari
bor. Jabra orqali nafas oladi. Yuragi ikki kamerali, qon aylanish
sistemasi bitta doiradan, nerv sistemasi bosh miya va orqa miyadan
iborat.
Baliqlar tuzilishi zog‘ora baliq misolida o‘rganiladi.
29-§. Tashqi tuzilishi, skeleti, suzgich pufagi
Yashash muhiti va tashqi ko‘rinishi. Zog‘ora baliq O‘rta Osi-
yoning tog‘ daryolaridan boshqa barcha suv havzalarida hayot kechi-
radi. Uni ko‘l, hovuz va sholiðoyalarning iliq suvida, tinch oqadigan
daryolar o‘zanida uchratish mumkin. Zog‘ora baliq
ning kattaligi 1
m gacha, og‘irligi 8–16 kg gacha boradi.
Zog‘ora va boshqa ko‘pchilik baliqlar tanasi suyri shaklida; ikki
yon tomondan yassilashgan; bosh va dum qismlari ingichkaroq
bo‘ladi (58-rasm). Baliqlarning boshi tanasiga harakatsiz qo‘shilib
ketgan. Siz suvning havoga nisbatan zich muhit ekanligini va u
ning
29-§. Tashqi tuzilishi, skeleti, suzgich pufagi
102
harakat
lanayotgan jismga ko‘proq qarshilik ko‘rsatishini bilasiz.
Shuning uchun baliqlar tanasining suyri shakli va tuzilishi suvning
qar
shiligini yengib, tez harakatlanishga imkon beradi.
Suzgichlari. Zog‘ora baliq tanasini o‘ngga va chapga biroz bukib,
suz
gichlari yordamida oldinga qarab suzadi. Baliqning toq (orqa,
dum, anal) va juft (ko‘krak, qorin) suzgichlari mavjud. Dum suz-
gichi ikkiga ajralgan. Anal suzgichlari dumining ostida joylashgan.
Suzgichlari yupqa teri pardadan va uni tutib turadigan suzgich
yoylardan iborat. Oldingi tomonga suzishda dum suzgichlari katta
ahamiyatga ega. Baliqlarning juft suzgichlari tanasini muvozanatga
solib turish va harakatlanganida burilishiga yoki to‘xtashiga, shuning-
dek, oldinga qarab asta-sekin suzishiga yordam beradi.
Terisi. Terisi tangachalar bilan qoplangan. Tangachalarning
oldingi qirrasi teriga botib kiradi, keyingi qirrasi o‘zidan keyingi
tangacha chetiga yopishib turadi. Tangachalar baliq tanasini tash-
qi ta’sirdan himoya qiladi, lekin uning suzishiga xalaqit bermaydi.
Baliq o‘sgan sayin tangachalar ham yiriklasha boradi. Tangacha-
lardagi halqalar soniga qarab baliqning yoshini aniq
lash mumkin.
Tangachalar sirtidagi teri bezlari ajratib chiqa
radigan yupqa shilliq
parda baliq tanasining suvga ishqalanishini kamaytirib, harakatini
osonlashtiradi.
Baliqlar tanasi rangi atrof-muhit rangiga bog‘liq. Chuchuk suv
havzalarida yashaydigan ko‘pchilik baliqlar tanasining orqa tomoni
balchiq rangiga o‘xshash to‘q yashil, qorin tomoni oqish bo‘ladi.
Shu sababli suv tubida suzayotgan baliqni yuqoridan qarab payqab
olish qiyin. Suv yuzasidagi baliqni pastdan qaralganda suv qatlami-
5
4
2
3
1
6
7
58-rasm. Zog‘ora baliqning
tashqi tuzilishi:
1 – jabra qopqog‘i;
2 – ko‘krak suz gichlar;
3 – qorin suzgichlar;
4 – anal suzgich; 5 –
dum suzgich; 6 – orqa
suz gich; 7 – yon chiziq
8.1. Baliqlar
103
ning oqish rangidan ajratib bo‘lmaydi. Gavda rangi atrof-muhitga
mos bo‘lganida hayvonlar yirtqichlar ko‘ziga tashlanmaydi. Bu ho-
disa himoya rangi deyiladi. Siz o‘tgan darslardan hasharotlar himoya
rangiga ega bo‘lishini bilasiz.
Skeleti. Zog‘ora baliq skeleti asosini tana bo‘ylab o‘tadigan
umurtqa pog‘onasi tashkil etadi (59-rasm). Umurtqa pog‘onasi cha-
la harakatchan birikkan 39–42 ta umurtqalardan iborat. Har bir
umurtqaning tanasida bir juftdan ustki va ostki yoylar bor. Ustki
qarama-qarshi yoylar o‘zaro tutashishi tufayli ular orasida umurtqa
nayi hosil bo‘ladi. Bu nayning ichida orqa miya joylashgan. Tana
bo‘limidagi umurtqalarga ikki yon tomondan qilichsimon qovurg‘alar
birikadi. Qovurg‘alarning ikkinchi uchi muskullar orasida erkin yota-
di. Dum umurtqalarida qovur
g‘alar bo‘lmaydi; ular ostida uzun qil-
tanoq suyakchalar joylashgan. Baliq umurtqa pog‘onasi kalla suyagi
bilan ha rakatsiz bi rikkan.
Suzgichlar skeleti suzgich yoylari va ular kamari suyaklaridan
iborat. Kamar su
yaklar umurtqa pog‘onasiga tutashmaganligi bilan
boshqa umurtqalilardan farq qiladi.
5
4
2
3
1
7
8
6
59-rasm. Zog‘ora
baliq skeleti:
1 – bosh qutisi; 2 –
jab ra qopqog‘i; 3 – or qa
suzgich; 4 – umurt qa po-
g‘o nasi; 5 – anal suz gich;
6 – ko‘krak suz gich;
7 – qorin suzgich;
8 – dum suzgich
Bosh skeleti bosh miyani himoya qilib turadigan miya qutisi,
og‘iz bo‘shlig‘ini o‘rab turadigan jag‘lar, jabra ravoqlari va jabra
qopqoqlari suyaklaridan iborat.
Skelet muskullar uchun tayanch, ichki organlarni himoya qilish
vazifasini bajaradi.
Muskullari baliq terisi ostida joylashgan bo‘lib, suyaklarga bi-
rikkan. Muskullarning qisqarishi va bo‘shashishi tufayli baliq tanasini
egib harakatlanadi. Baliqlar gavdasining orqa tomonida va dumida
joylashgan muskullar kuchli rivojlangan.
29-§. Tashqi tuzilishi, skeleti, suzgich pufagi
Dostları ilə paylaş: |