142
AŞIQ POEZİYASININ ESTETİK SƏCİYYƏSİ
İnsanın daxili aləminin poetik təcəssümü, bəşəri duyğu və hisslərin, mənəvi-
estetik kamilliyin t
ərənnümü, cəfakeşliyin aşıq-məşuq münasibətlərində mənənvi
meyara şevrilməsi, estetik ideala sədaqət Azərbaycan aşıq şeirinin əsas
mövzularından biir kimi bütün zamanlarda aktual olmuşdur. Ayrı-ayrı aşıq və el
şairlərinin əxlaqi duyğuları, mənəvi gözəllikləri yüksək sənətkarlıqla
d
əyərləndirmələri aşıq ədəbiyyatının ümumi yaradıcılıq prinsiplərindən soraq
verm
əklə yanaşı, eyni zamanda fəaliyyət göstərdikləri mühitin regional cizgilərini də
mü
əyyənləşdirir. Ağbaba-Çıldır aşıq mühitində fəlsəfi-estetik dəyərləndirmənin
obrazlı təzühürü mühüm sənət keyfiyyətlərindən sayılır.
B
əşəri duyğuların tərənnümü
Az
ərbaycan aşıq sənətinin bütün mühitlərində olduğu kimi Ağbaba-Çıldır
aşıqlarının yaradıcılığında da bəşəri duyğunun-ülvi məhəbbətin tərənnümü mühüm
yer tutur. Aşiq və onun zəngin mənəvi dünyası, səmimi duyğular, insan qəlbini
riqq
ətə gətirən hisslər məhəbbət mövzusunda yaranmış aşıq şeirinin ana xəttini təşkil
edir. Daxili v
ə zahiri gözəlliyin vəhdəti, Azərbaycan gözəlinin sədaqət və isməti,
aşığın hiss və həyəcanları, tükənməz sevgisi bənzərsiz poetik boyaların
harmoniyasında özünü göstərir.
İstər orta əsr, istərsə də sonrakı dövrlərin aşıq şeirinə nəzər yetirsək, Ağbaba-
Çıldır aşıqlarının məhəbbətin tərənnümünə həsr olunmuş şeirlərini mövzusuna görə
iki yer
ə ayırmaq olar:
1. Düny
əvi məhəbbətdən, real gözəllikdən bəhs edən şeirlər;
2. İlahi məhəbbətin tərənnümünə həsr olunumş sufi-ürfani poeziya.
F
əslin sonrakı bölməsində təsəvvüf poeziyasından ayrıca bəhs etdiyimizə görə
biz burada Ağbaba-Çıldır sənətkarlarının real və dünyəvi məhəbbətin tərənnümünə
h
əsr olunmuş şeirləri üzərində dayanacağıq.
Sevgi iztirabla
rı, məhəbbət yolunda hər cür fədakarlığa dözmək, mənəvi
l
əyaqət və bütövlük, vüsal həsrəti bu qrup şeirlərin başlıca mövzusunu təşkil edir.
Bağdad xanımın, Aşıq Əmrahın, Aşıq Şenliyin, Aşıq Xəstə Hasanın, Aşıq Nəsibin-
143
“bir sözl
ə, ilk sələfdən, son xələfəcən bütün yaradıcı aşıqların sənətkarlıq
axtarışlarında” [106, 157] bu mövzu etik və estetik duyğuların poetik ifadəsində
özünün t
əsdiqini tapır.
H
əsrət motivləri, ayrılığın doğurduğu sonsuz kədər, cəfakeş aşiqin könül
iztirabları Çıldırlı Bağdad xanımın şeirlərində yüksək sənətkarlıqla ifadə olunmuşdur.
Türkiy
ə və Azərbaycan folklorşünaslığında bu talesiz saz-söz sənətkarından çox az
b
əhs olunmuşdur. İlk dəfə prof. Ə.Cəfəroğlu “Hüdud boyu saz şairlərimizdən Bağdad
Xanım” [182] adlı məqaləsində onun şeirlərindən örnəklər çap etdirmiş, nakam taleli
s
ənətkarın haqqında Çıldır bölgəsində dolaşan əhvalat və rəvayətlərdən söhbət
açmışdır. M.Karsaklı Bağdad xanımın XVI əsrdə Çıldırın Qalaça (Pərkəşən)
k
əndində yaşayıb-yaratdığını qeyd etməklə kifayətlənmiş, mənbə kimi “Türk dili”
d
ərgisinin 1965-ci il tarixli avqust nömrəsini göstərmişdir [204, 76].
Az
ərbaycan folklorşünaslığında prof. H.İsmayılov Bağdad xanım haqqında
öt
əri də olsa məlumat vermişdir [94, 293]. Ə.Cəfəroğlunun adı çəkilən məqaləsini
L.Qasımlı Azərbaycan türkcəsinə uyğunlaşdıraraq çap etdirmiş, yığcam şəkildə
Bağdad xanımdan bəhs etmişdir [54, 10-14].
Xalq arasında dolaşan bir rəvayətə görə, Bağdad xanımın Çıldırın Pərkəşən
k
əndində, digər bir rəvayətə görə isə Pərkəşənin şimalında yerləşən Çiyaxorda
ya
şayıb-yaratdığı məlum olur. Ə.Cəfəroğlu bu rəvayətlərə və aşığın sevgilisinin
q
ədim xarabaları qalan Albızlı kəndindən olduğuna əsaslanaraq Bağdad xanımın bir
neç
ə əsr əvvəl yaşadığını güman edir. Adının Bağdad və Bağdagül olması haqqında
fikir ayrılıqları olsa da, şeirlərində Bağdad təxəllüsünü işlətməsini nəzərə alsaq,
Bağdad adının daha doğru olduğu qənaətinə gəlmək olar.
R
əvayətə görə, Bağdad xanım Pərkəşən kəndinin qarşısındakı Ağcaqala
k
əndindən bir gənclə sevişib nişanlanmışdı. Oğlan iki kəndin arasında yerləşən gölü
Bağdadın ocaq çatıb verdiyi işarəyə görə keçərək sevgilisinə qovuşurmuş. Lakin bu
xoşbəxtlik uzun sürməmişdir. Bağdadın əmisi qızının hiyləsi nəticəsində gənc oğlan
suda boğularaq həlak olmuş və sevgililərin bəxtəvər günlərinə son qoyulmuşdur. Qırx
gün sonra
əsil həqiqəti öyrənən Bağdad xanımın nakam taleyi ilə barışaraq yanıqlı
şeirlər qoşub oxumaqdan başqa çarəsi qalmamış və bu həsrətlə ömrünü başa
144
vurmuşdur. Onun bizə gəlib çatan qoşma və gəraylılarındakı kövrək və bədbin hisslər
bu faci
əli hadisə ilə bağlıdır.
Əlimizdə olan “Yar harda qaldı”, “Məni”, “Bu od” rədifli qoşmaları, “Məni”
g
əraylısı Bağdad xanımın incə zövqlü, yüksək poetik istedada malik bir sənətkar
olduğunu göstərməkdədir. Uğursuz eşqin, dərdli qəlbin ağır iztirabları bədii suallar,
əlvan təşbehlər, təzad və mübaliğələr vasitəsilə ifadə olunur, həzin və kövrək bir
aşiqin sızıntılarını dilə gətirir:
G
əl doğrusun söylə, ay zalım fələk,
Üç gündür g
əlmədi, yar harda qaldı?
D
ərdli fəqanımdan sularda səmək,
Rahatı qalmadı, yar harda qaldı? [182, 10]
Murada yetişməyən aşığın qəm-qüssəsi poetik obrazların ifadəsində oxucunun
da ür
əyində təsirli duyğular oyadır, onu ovutmaq, qəminə şərik çıxmaq istəyənlər
d
ərdin böyüklüyünü sanki bir daha dərk edirlər:
Bu d
ərdin oduna canmı dayanır?
X
əyalıynan gözüm al-qan boyanır,
Bağdadam, ahıma dağ-daş da yanır,
Q
ədər yetirmədi bir şada məni [182, 10].
Bağdad xanımın “Bu od” adlı qoşması dini-ürfani səciyyəsi ilə diqqəti cəlb
edir. Aşıq eşq oduna yanmasının səbəbini ilahi məhəbbətin qüdrəti kimi mənalandırır.
Bütün yaradılışın bu oda tutuşmasının, varlığın sirrinin məhəbbət atəşində olduğunu
d
ərk edən aşığın düşüncələri dini-ürfani mahiyyəti ilə sufizmin müəyyən cizgilərini
d
ə özündə əks etdirir:
Hökm ed
ər Nəbiyə, hünkara, şaha,
T
əsiri yetişir şəms ilə maha,
H
ər bir məxluq uğrar mütləq bu rəha,
Var-
yoxu yoluna çatdırır bu od.
Bu oddandı Məcnun gəzdi səhrayı,
Leyla-
Leyla deyib buldu Mövlayı,
Dostları ilə paylaş: |