8
hüququ isə nisbətən cismanidir, bu səbəbə görə də övladlar bunu daha tez hiss edir və
analarına daha artıq meyl göstərirlər».
Qadınlar doğrudan da daha intuitiv və emosional təfəkkür stilinə malikdirlər, lakin,
ola bilsin ki, bəlkə kişilərin rasional, məntiqi təfəkkür stilində çatışmayan şey elə məhz
bundan ibarətdir. Bu nöqteyi-nəzərdən ola bilsin ki, ekologiyanın, militarizmin, azlıqlara
qarşı zorakılığın müasir problemləri elmi, siyasi, iqtisadi, mənəvi və ideolji konsepsiyaların
böhranı, müasir reallığın bütün tərəflərini əhatə edə bilməyən, məhz son dərəcə rasional
təfəkkür tərzinin çıxmazlığı ilə müəyyən olunur?! Qender tədqiqatları isbat etdi ki, əslində
iş məhz bu cürdür. Cermeyn Qrir («Qadın - xacə», 1974) elmə patriarxal cəmiyyət termini
daxil edərək, isbatla aydınlaşdırmışdır ki, ümumilikdə qadınların azad olunması – həm də
kişilərin azad olunmasıdır. Bu azadlıq isə «Qadın doğulmuş» kitabının müəllifi Andrienna
Riçin fikrinə görə qadın təfəkkür tərzinin kişi təfəkkür tərzinə inteqrasiyası (yəni birləşməsi)
və reallığın dərkinin universal rasional-intuitiv dilinin yaradılması ilə mümkündür. Daha
əvvəl Kerolin Merçant «Təbiətin ölümü (feminizm və ekologiya)» kitabında XVII əsrdən
mexaniki determinist şəklini almış birtərəfli rasionalizmin nəyə gətirib çıxardığını parlaq
şəkildə təsvir etmişdir. K.Merçant bu elmin yaranma dövrünün dilini təhlil edərək belə
nəticəyə gəldi ki, bu dil alim – «patriarxın» təbiət – «qadın» üzərində «zorakılıq» dilidir.
Müəllifin fikrincə mexanistik elmin yaranma vaxtından başlayaraq təbiətin və qadının
istismarı ayrılmaz olub vahid patriarxal dünyagörüşü çərçivəsində gedir.
Lakin bu fəlsəfənin özünün də real hüdudları var ki, onlar patriarxal cəmiyyətin
ağılsız idarə siyasəti nəticəsində yaranan qlobal ekoloji problemlər obrazında meydana
çıxır. Feministlər tərəfindən «atalar cəmiyyətinin» tənqidinin bu ən güclü tərəfi Şarlen
Spretnakın «Qadın mənəviyyatının siyasəti» adlı əsərində təqdim olunan feminizm,
mənəviyyatı və ekologiyanın qırılmaz əlaqəsi ilə sintez olan xüsusi nəzəriyyənin –
ekofeminizmin yaranmasına gətirdi. Özünün daha əvvəlki tədqiqatlarında Ş.Spretnak
«patriarxal dinlər» siyasəti yürüdərək göstərdi ki, onlardan qabaq 20-ci mininillikdən artıq
«matriarxal dinlər» dövrü mövcud olmuşdur orada qadının yüksək mənəviyyat və təbiiliklə
səciyyələnən tam təfəkkürü təqdim olunmuşdur.
Beləliklə, feminizm patriarxal sivilizasiyasının demək olar ki, bütün dünyagörüşü və
praqmatik prinsiplərini tənqid edərək göstərdi ki, qender tədqiqatlarından ortaya çıxan yeni
prinsiplərdən imtina halında bu sivilizasiya məhvə məhkumdur.
Məhz bu mübahisənin son səddi ona qarşı növbəti feminist tənqid atəşi açmış
iqtisadiyyat oldu. Xeyzel Henderson «Gələcəyin alternativ modelləri» kitabında qeyd edirdi
ki, qərarlaşmış iqtisadi inkişaf modelləri bütün şüurlu sərhədləri pozan qeyri-məhdud
artıma yönəlmidir. Maskulin mədəniyyətin bu tipik nümunəsi ekoloji fəlakətə gətirir və bu
fəlakətdən qurtarmağa ancaq «neft əsri» mədəniyyətindən «Günəş əsri» mədəniyyətinə
keçmək kömək edə bilər. Bu axırıncının əsasını gözümüz önündə qarşısında yaranan və
«böyüyün kiçik üzərində» zorakılıq və diktəsini aşılayan korporativ iqtisadiyyatın
prinsiplərindən imtina etməyə təkidlə çağıran ekoloji, qadın, vətəndaş hərəkatları, eləcə də
sülh hərəkatları təşkil edir. Qadın və kişi dəyərlərinin sağlam balansı cəmiyyətdə qarşıya
çıxan problemlərin həllinə kömək etməlidir. Təəssüf ki, kişi və qadın dəyərlərinin
birləşdirilməsi deyərkən feministlər, öz növbəsində, daha bir «məzlum sinfi» - uşaqları
unudurlar. Psixoloji tədqiqatlarda isbat olunur ki, 10 yaşına qədər uşaqların qavrama və
dərketmə xüsusiyyəti böyüklərin təsəvvürlərindən ciddi fərqlənir və ilk növbədə, qeyri-
verbal informasiyanın verbal (dil, söz) informasiya üzərində üstünlüyündə özünü göstərir.
Lakin qender tədqiqatlarında göstərilmişdir ki, məhz verbal, rasional-məntiqi təşəkkülü
informasiyanın çoxluğu patriarxal sivilizasiyanın səciyyəvi cəhətidir. Buna görə də əsil
sintez «üçüncü sinif» - uşaqların ən «təmiz», «mədəni cəhətdən transformasiya
olunmamış» və deməli, dünyanı dərk etməkdən ötrü ən doğru olan dünya seyriçiliyini də
nəzərə almalıdır.
9
Beləliklə, əsil qender tədqiqatları mahiyyət etibarilə ancaq qadının kişi
hakimiyyətindən azad olunmasına yönəlmiş konsepsiyalar olmayıb, daha çox
dünyagörüşünün bütün bəşər cəmiyyətinin, xüsusilə də öz hüquqlarını qorumaqda
imkanları məhdud olan azlıqların hüquq, xüsusiyyət və rəngarəngliyini nəzərə almağa
çağıran bir «demokratik» növüdür. Bu halda qender siyasi aspekti ön plana çıxır və
göstərir ki, «qul halına salınmış qadın» rolunda elə ayrı-ayrı xalqlar, ölkələr və hətta ölkələr
qrupu çıxış edə bilər ki, onların mənəviyyatı, dünyagörüşü, dini və i.a. «qəbul
olunduğundan» fərqlidir. Təsadüfi deyil ki, müasir dövrdə artıq qender tədqiqatları milli, irqi,
kulturoloji və konfesional səviyyədə geniş ümumiləşdirmə səviyyəsi almışdır. Azərbaycan
üçün bu hal xüsusilə qanunauyğundur.
10
2. QENDER: TARIX, IDEYA VƏ
NƏZƏRIYYƏLƏR.
•
Cinslərin bərabərliyi uğurunda mübarizə tarixindən.
•
Feminizm haqqında.
•
Feminizmin istiqamətləri.
Cəmiyyətin bir-birindən fərqli iki cinsdən ibarət olması bir sıra suallar ortaya qoyur
ki, bunlardan da bəzilərinin cavabı indiyə qədər mübahisə doğurmaqdadır.. Əgər cinslərin
bioloji fərqləri və funksiyaları şübhə doğurmursa, psixi (ruhi), emosional, intuitiv fərqlər
məsələsi, qadın və kişinin təfəkkür, idrak, məntiqi fərqləri kimi hallar öz müzakirəsini tələb
edir. Həmçinin burada bir sual da maraqlıdır: insanların cinsi fərqləri onların sosial
fərqlərinin səbəbidirmi, yoxsa bu axırıncı tarixin təsadüfi seçimidir, və ya digər şəraitdən
asılıdır.
Cinslərin qeyri-bərabərliyi ayrı-ayrı cəmiyyətlərdə özünü müxtəlif cür göstrəir. Ona
görə də kişi və qadının vəziyyətinin tədqiqi ilə etməklə bu cəmiyyət, onun mədəniyyət və
ənənələrinin səciyyəsi, xalqın dini və ruhi-əxlaqi dəyərlərinin xüsusiyyətləri, dünyagörüşü
və özünüdərki haqqında çoxlu miqdarda maraqlı material verir.
Cəmiyyətdə cinslərin qeyri-bərabərliyi orada yaşayan insanlar üçün heç də həmişə
problem olmamışdır. Bir qisim insanlar, istər kişi olsun, istərsə də qadın, ümumiyyətlə belə
məsələ üzərində düşünməmişdir. Digər qisim heç bir haqların pozulmasını görmür, zira
cəmiyyətdə cinslərin davranış və rollarının qərarlaşmış qaydası onlara ədalətli görünür,
onlar hesab edirlər ki, bu qaydalar tarix, ənənə, din və ya əcdadlarımızdan gələn əxlaqi
normalarla müqəddəsləşdirilib. Ənənəvi cəmiyyətdə (yəni möhkəm və dəyişməz norma və
dəyərlər əsasında hərəkət edən cəmiyyətdə) ümumiyyətlə kişi və qadının rolları ciddi
bölünüb, ən kiçik hallara qədər elə yazılıb ki, kişinin cəmiyyətdə qadının taleyindən fərqli
«xüsusi taleyə» malik olmasının həyati zəruriliyinə şübhə qalmasın. Məhz bu baxımdan da
feminizm qadınların bərabər hüquqlu olması ideologiyası, ictimai-siyasi hərəkat kimi çox
gec, təbii ki, feodalizmin buxovlarından azad olmaq yoluna qədəm qoymuş ölkələrdə
yaranır. Qeyd edək ki, bəzi tədqiqatçılar feminizmə marağı artıq qədim yunan fəlsəfəsində
(məsələn, Platonu tez-tez ilk feminist adlandırırlar)
1
görürlər.
Cins kateqoriyası mədəniyyətinin analiz edilməsində bir alət kimi istifadə olunan
feminizm fəlsəfəsini araşdıraq. Feminizm (femin-qadın) sosioloji inkişafa alternativ olan
fəlsəfi konsepsiya kimi heç də birdən-birə formalaşmamışdır. Uzun müddət ərzində o həm
qadınların bərabərhüquqlulu ideologiyası, həm də sosiao-siyasi hərəkat kimi mövcud
olmuşdur. Feminizmin bu kimi aspekti onun nəzəriyyəsinin yaranması üçün çox vacibdir:
məhz qadının cəmiyyətdə statusu ilə bağlı suallara real cavablar axtarışında feminizm
nəzəriyyəçiləri ənənəvi sosial elmlərlə qane olmayaraq, həm də özlərinin ənənəvi qərb
biliklərinə qarşı nəzəri cəhətdən iddialarının, həm də mədəniyyətinin analizinə elmi
cəhətdən yaxınlaşmağın yeni nəzəri-metoloji yollarını formalaşdırmağa başlamış və ya
feminizmi insanın şəxsiyyətinə marağın artdığı, humanizm deyilən istiqamətin
müəyyənləşdiyi İntibah dövrü ilə bağlamışlar. Aydındır ki, cinslərin bərabərliyi problemi
düşünülmüş şəkildə tam halda ancaq o zaman meydana çıxdı ki, ümumiyyətlə bütün
insanların, onların hüquqlarının bərabərliyi məsələsi müzakirə olunmağa başladı. Məhz
İntibah dövründə, qadın şəxsiyyətinin alçaldılması və ona ictimaiyyət tərəfindən ədalətsiz
münasibətdən bəhs edən Kristina de Pizan və Kornelius Aqrippanın ilk traktatları peyda
oldu. Feminizmin inkişafının sonrakı mərhələsi Böyük Fransız inqilabından əvvəlki və
sonrakı dövrə təsadüf edir. Lakin, hətta o zaman insanların bərabərliyini elan edən «İnsan
və vətəndaşın hüquqlarının Bəyənnaməsi» əslində bu hüquqları ancaq kişilərə verirdi.
Qadınlara vətəndaş və seçki hüquqlarının, dövlət vəzifələrini tutmaq imkanının verilməsi
1
Философил. М., 1996.