26
monarxiyasını respublika qurumu əvəz etdi, lakin dövlət qu-
rumlarında radikal dəyişmə olmadı, yalnız hər il seçilən yeni
magistrlər qurumu təsis edildi. Əvvəllər hökmdar titulu sayı-
lan lukumon adını daşıyanların artıq siyasi deyil, kahinlik
görəvi ( rex sacrificulus) önə çəkilirdi.
Zəngin filiz yataqları, metalişləmə sahəsindəki gəlişmə,
mis, dəmir ticarəti Etruriyanı varlı əyalətə çevirmiş, İtaliya
və Aralıqdənizinun batısında nüfuzunu artırıb təsirini güc-
ləndirmişdir. Bu isə VI əsrdə belə hegemonluğa iddiası olan
yunanlarla rəqabəti də gücləndirmişdi. Həmin çağlarda eyni
durumda olan Karfagen ilə Etruriyanın yunanlara qarşı çıxış
etməsi onların müttəfiq olması ilə nəticələnmişdi. Təxminən
540-da baş verən Alalia müharibəsində qalib gələn olmadı,
lakin yavaş-yavaş etruskların zəifləmə prosesi başlandı. Bir
əsr sonra güneydə təsir dairəsini itirən Etruriya daha bir əsr
sonra qall qoşunlarının yürüşü nəticəsində quzey bölgələri,
Po çayı vadilərini, Adriatik sahillərini itirdi. Bu çağda etrusk
şəhərləri bir-birinin ardınca Romadan asılı duruma düşürdü.
Güney bölgələrini itirən etrusklar və yandaşları Karfagen
480-də Böyük Yunan (Magna Graecia) birliyinə yenildi və
bu çağdan Etrusk siyasi-hərbi qüvvəsinin zəifləməsi dönəmi
başlandı. Quzeydən III əsrdə qalların Etruriyaya yürüşü isə
Po çayının və Adriatik dənizinin yaxalarında da etruskların
etgisini azaltdı. Eyni zamanda bir-birinin ardınca Romanın
etrusk şəhərlərini 500-cü ildən öz təsir dairəsinə alması artıq
etruskların assimilyasiya olunması olayına təkan vermişdi.
İllərlə böyük dirəniş göstərməsinə baxmayaraq ilk yenilən
Veyi şəhəri oldu, 406-da baş verən bu olaydan sonra 395-də
Kapena işğala uğradı. Bir əsr sonra müstəqilliyini saxlamış
digər etrusk şəhərləri romalılara qarşı birləşsə də, artıq bu ge-
cikmiş bir təşəbbüs idi, 280-dən sonra bütün etrusk bölgələri
təpərini artırmış Roma imperiyasının vassalına çevrildi.
26
27
Roma gücləndikcə IV əsrdən başlanan bir-birinin ardınca
etrusk şəhərlərini özünə tabe etməsi də geniş vüsət alırdı. Bu
durumda Veyi kimi bəzi şəhərlər dirəniş göstərsə də, bəziləri
dostluq müqavləsi bağlamaqla taleləri ilə barışmaq yolunu
tuturdu. Yerli hakimiyət bütöv bölgənin deyil, yalnız özünə
aid məhəlli hakimiyəti savunduğundan, dara düşən qonşuya
yardım etmədiyindən etrusk şəhərlərini bir-bir ələ keçirmək
romalılar üçün yaxşı imkan verirdi. Etrusklar tədricən Roma
imperiyası tərkibində latınlaşdılar, artıq I əsrdə etruskca danı-
şıq dili aradan çıxdı. Nə oldu da, dörd əsr İtaliyada hegemon
bir xalq olan, şöhrəti ətraf ölkələrə yayılan etrusklar zamanın
dumanları içində yox oldu.
Lutsiy Korneliy Sulla etruskları elə zalımlıqla əzmişdi ki,
onlarda sonralar üsyan etmə iradəsi qırılmışdı. Bir əsr sonra
Avqustun Etruriyaya göndərdiyi yeni kolonistlər dirənişlə
qarşılanmadı, latınlaşma olayı aramla, lakin sancısız gercək-
ləşdi. Eynən bulqarlar kimi: Balkanlara gedən bulqarlar orada
dövlət qurdular, bir neçə əsr sonra yerli slavların içində əriyib
yox oldular, quruca adları qaldı, bolqar xalqı və Bolqariya.
27
28
ETRUSK MIFOLOGIYASI
Etrusk əfsanəsinə gö-
rə, əvvəllər köçəri ya-
şamla keçinən etrusklar
bir gecə ulduzdan qopan
işığın yerə düşdüyünü
görürlər. Zərbə ilə yerə
dəyən işıq parçalanıb ki-
çik gümüş güzgülərə çevrilir. Etrusklar həmin yeri qazırlar,
oradan uşaq görkəmində, lakin saçı ağarmış möcüzəli bir
adam çıxır. Taq ( Taqes) adlanan və gələcəkdən xəbər verən
bu müdrik etrusklara çox şey öyrədir. İtaliyada ilk sikkələrin
basılması da əvəzolunmaz görücü Taqın məsləhətilə gerçək-
ləşir. Taq çıxan yerdə etruskların Tarkvini adlı şəhəri salınır.
Dini və siyasi mərkəzə çevrilən bu şəhər Roma yaranandan
sonra ona tabe olur.
Tarixdən bəllidir ki, dəmir çağının başlandığı dövrdə bir
çox xalqlarda mifik qəhrəmanlar sırasından peyğəmbər obra-
zı yaratma meyli artmışdı, özəlliklə m.ö. I minilin ortaların-
da tanrı və ya tanrılarla insanlar arasında vasitəçi olan belə
tanrı elçilərinin həyatı, onların tanrıdan aldığı göstərişlər
haqqında kahinlərin söylədiyi dini-didaktik söhbətlər yazıya
köçürülürdü.
13
Bu çağda etrusk kahinləri də Taq adlı birin-
dən tanrı elçisi kimi danışır, dini qayda-qanunlar onun adı
ilə ayrıca kitaba yazılırdı. Taqın tarixi şıxsiyət olması və ya
olmaması isə elmə bəlli deyil.
Etrusk tanrıları ilə görüşüb onlara hədiyələr verən Taq
toplumun rifahı üçün çalışır. Digər Tanrı elçiləri kimi müd-
rik Taq da özünü tanrılaşdırmır, Tanrı ilə toplum arasında
vasitəçi rolunu oynayır. Yalnız yeraltı dünyadakı Tuxulxa
(Tuqulqa) ilə ölülər diyarının demonu Xaru ona qarşı bəd
13
Ağasıoğlu. Tanrı elçisi İbrahim. 2009, 30.
28
29
niyətlərindən əl çəkmirlər, axırda Taqın gördüyü işləri poz-
maq üçün hiylə işlədib toplumda mövcud törələrin yadırğan-
masına nail olurlar. Taq xalqın başına gələcək bədbəxtlik
haqqında yazdığı kitabı bitirib bu dünyanı tərk edir, bununla
da etrusk mədəniyətinin süqutu başlanır. Romanın keçmiş
durumunu bilənlər deyirmişlər ki, Taqın hara getdiyini və
onun yazdığı kitabın harada saxlandığını öyrənmək üçün
Xaru insanlara öncə işkəncə verib sonra öldürürmüş. Bəzilə-
ri Taqın real tarixi şəxsiyət olduğunu və bu etrusk bilgəsinin
sonradan əfsanələşdirilməsi fikrini savunurlar.
ETRUSK DINI
Dənizin, çayın, dağın, bitkinin, ildırımın, tufanın, yelin,
yeraltı dünyanın, əcdadların ruhu (qutu) olduğuna inandıq-
ları üçün doğal çevrəni qutsal sayan etrusklar təbii olayları
himayə edən tanrı və tanrıcalara tapınırdılar. Etruskoloqlara
görə, həmin tanrı və tanrıcalar etusk yazılarında keçən ais
(sonralar eis) və cəm halda aisar sözü ilə bildirilir. Bəziləri
bunu azər şəklində oxuyurlar. Maraqlıdır ki, Skandinav saqa
(dastan) gələnəyində dövlət quran elbəylərin (konunq) soyu
da Troya ilə bağlanır və as adlı bu soyun tanrıları ( aisar) da
məhz Azər ölkəsində yaşayır.
14
Tit Liviy yazırdı ki, başqa xalqlarla müqayisədə dini törə-
lərinə daha çox önəm verən etrusklardır. Başqa ədəbi-tarixi
qaynaqlarda da etrusk toplumunun qatı dindar olmasını əks
etdirən bəlgələr vardır. Etrusk dini inamlarında çöxlu tanrı-
lar, yarımtanrılar, demonlar yer tutur. Romalıların inancında
yuxarı üçlüyü təşkil edən Yupiter, Yunion və Minerva adlı
tanrılar daha öncə Tin, Uni, Menerva adları ilə etrusk pante-
onunda özünü göstərir. Bəzi məbədlərdə bu üçlüyə aid ayrı
mehrablar varmış.
14
Azər xalqı, 2005, 15; Məşhur səyyah-alim Thur Heyerdal da qədim azər boyunun
və Azər ölkəsinin sorağı ilə Azərbaycana gəlmişdi.
29
Dostları ilə paylaş: |