54
dalına qoşdun gətirdin».
Üç aydan sonra toya getdiyim yerdə məni
bir doğmayan ar-
vadın üstə götürüb qaçdılar və ortalıq sakit olunca aparıb mol-
lanın evinə qoydular. Günüm eşitcək mənə belə sifariş
eləmişdi:
«Gülü
gülüstan
üstünə,
Şeh düşdü bostan üstünə.
Gedin, deyin o tülküyə,
Gəlməsin aslan üstünə!»
Doğrusu, günümə çox acığım tutdu, mən də ona belə sifariş
elədim:
«Gülü
gülüstan
üstünə,
Gün
düşdü bostan üstünə.
Gedin, deyin o «aslana»,
Dağ gəlir aslan üstünə!»
Xülasə, kəbin kəsildi, aralıq sakit olan kimi ərim məni
apardı evinə.
Bunun çubuqdan hörmə bircə otağı var idi. Bir tərəfdə
günüm olurdu, bir tərəfdə mən. Bir gün olmazdı ki, davamız
düşməsin, bir - birimizin hörüklərini çıxartmayaq, üzünü cır-
mayaq. Günüm gündüzlər mənimlə dalaşırdı, gecə də ərimlə.
Ərimin yanında mənim əsnaf qızı olmağıma rişxənd eləyib dey-
irdi:
«Mən
aşiq gözəl alma
Tutubdur
gözəl alma.
Əsil al çirkin olsun,
Bədəsil gözəl alma!»
Mən də bunun qabağında:
55
«Mən aşıq gözəl oxlar,
Tutubdur
gözəl oxlar.
Çirkin
oxluya
bilməz,
Oxlasa
gözəl oxlar».
- deyəndə ərim mənə tərəf olurdu, günüm qalırdı yana – yana…
Aradan
bir az keçdi, allah vurdu mənə bir oğlan da verdi.
Ərimin mənə daha da məhəbbəti artdı, günümün də sözü ola
bilmədi. Havaxt deyindi, ərim ilə basıb döydük.
Yaxşıca rahat olmuşduq, birdən haradansa qarnı yanmış
molla gəlib çıxdı. Ərim də tərs kimi evdə idi. Bunların davası
düşdü. Ərim mollanın başına bir aftafa vurub öldürdü. Divan –
zad töküldü, ərimi tutdular…
İndi üç ildir ki, ərim Sibirə gedib, heç səs – soraq yoxdur,
mən də dörd yetimlə damın dalında acından ölürəm….
1909
56
«MİLLƏTPƏRƏSTLƏR»
Məşədi Qasım günorta vaxtı bazardan evə qayıdanda gördü
küçədən əli kitablı bir balaca qız gəlir. Çox zənn ilə baxıb
Məşədi gördü ki, qızın müsəlman qızına çox oxşarı var. İrəli
yeriyib soruşdu:
- Qızım, sən kimin qızısan?
Qız qızarıb, başını aşağı saldı. Məşədi Qasım diqqətlə qıza
baxıb dedi:
- Barakallah, qızım, yaxşı oxu, səni oğluma alacağam!
Sonra məşədi iki barmağı ilə qızın yanaqlarından tutub, bir
də soruşdu:
- Qızım, sən kimin balasısan?
Qız
cavab verməyib, atılıb qaçdı. Məşədi Qasım da yolu ilə
rəvan oldu. Sabah tezdən qız məktəbə gedəndə dabbağ
Kərbəlayı Babaşa rast gəldi. Kərbəlayı Babaş bir az gedib, bir
az qıza zənn elədi. Axırda lap ayaq saxlayıb durdu və iki bar-
mağı ilə qızın yanağından tutub dedi:
- Buy, ədə bu kimin balasıdır?.. De görüm, ay qız, sən
kimsən?
Qız başını aşağı salıb, dönüb getdi. Günorta vaxtı qız
məktəbdən qayıdan zaman keçəl Vəliquluya düçar oldu.
Vəliqulu baqaidə qızın yanağından iki barmağı ilə tutub dedi:
- Bala, sən kimin balasısan?
Qız Vəliquluya acıqlı baxıb getdi. O biri gün çayçı
Kərbəlayı Ramazan baqqal Hacı Qənbərlə fatihə verib
qəbirstanlıqdan qayıdanda gördülər qız məktəbə gedir.
Doğrusu, ikisi də lap mat, məhbut qaldılar. Xülasə, özlərini
qıza yetirib soruşdular:
- Ay qız, balam, kimincə qızısan?
Qız qorxa – qorxa qızarmış üzünü
bunlara çöndərib,
döyükmüş baxanda kərbəlayı və hacı kəmali – səliqə və
millətpərvərliklə iki barmaqlarını uzadıb, qızın yanağından tu-
tub dedilər:
57
- Barakallah, bala!
Qız atılıb qaçdı.
Günorta qız məktəbdən qayıdanda küçədə bir sürü
«millətpərəst» kişilər durub, müzakirəyə məşğul idilər. «Hara
gedir? Nə təhər qızdır?» kəlmələri danışıqlarından anlaşılırdı.
Qız bunlara yavıqlaşanda hamısı üzünü qıza çevirib, onu me-
hriban sözlərlə yad – bud elədilər və hamısı növbət ilə bar-
maqlarını uzadıb, qızın yanağından tutub dedilər:
- Barakallah, qızım!
Qız bu səfər acıqla ağlaya – ağlaya qaçıb gəldi evə.
Anası işdən xəbərdar olanda qızın kitablarını götürüb səpdi
evə; məktəb libasını çıxardıb atdı sandığa və qıza
bir köhnə
arxalıq geydirib, oturtdu yun darağının dalında.
O gündən «millətpərəstlərin» dövlətindən qız elm təhsilini
ikmala yetirib, yun daramaq şəhadətnaməsini aldı.
Yaşasın qırmızısaqqal «millətpərəstlər»!
58
«VƏTƏN»
(Mənsur şer)
Pəncərədən baxıram. Pəh – pəh! Nə gözəl mənzərə, nə dadlı
hava!.. Başmaq seyrinə çıxmaq meylindəyəm. Paltarımı
geyirəm; papağım yoxdur. Ora papaq, bura papaq?.. Papağı
(eyib olmasın) bizim uşaqlar aparıb, zibil arabası qayırıblar.
Xülasə, geyinib evdən çıxıram. Pəh – pəh! Nə gözəl hava!..
Həzin – həzin əsən külək ruhuma ləzzət verir, bülbül, gül…
- Ay!.. Dədə!..
Çığırtı nəzərimi küçənin timçəsinə cəlb eləyir. Bir ağsaqqal
o birini yaxalayıb deyir: «Atayın sümüklərini çıxardaram bacı-
mın talağını verməsən. Bu saat ver talağı».
Vuruşma düşür, bu ona bir qapaz,
o buna birini, bu da ona
birini. Börklərdən toz qalxır, çuxaların büzmələri cırılır…
Xülasə, gedirəm. Hava mənə bilməzsən nə ləzzət verir.
Rəngbərəng yarpaqlar ağacdan üzülüb, havada min naz və
qəmzə ilə fırlananda bilməm könlüm nələr diləyir. Pəh – pəh!
Nə dilfirib mənzərə! Az qalıb təbim də gəlsin, indicə şer də
deyəcəyəm…
- Hay! Vay!.. Vay fayton!..
Dönüb görürəm qırmızısaqqal bir kişi hamamın qabağında
yumurtası tərs gəlmiş toyuq kimi oyan – buyana vurnuxub
çığırır.
- Nə olub?
Cavab verirlər ki, bəs arvadı həcəmət altında qəşş eləyib.
Xülasə, gedirəm. Pəh!
Göyün rəngi, səf – səf durmuş bulud-
ların günəşin qızıl rəngi ilə münəvvər olmaqları bilməzsən
ürəyimdə nə…
- Adə qoyma!.. Vur! Tut!.. – sözlərini eşidib, dik atılıram.
- Nə olub?
Bəs oğul atanın təzəcə kürkünü aparıb qumara qoyub udu-
zub; ata da onun qoparağını götürüb, istəyir bir az əzikləsin.
59
Gedirəm, ətrafın gözəlliyi yadımdan çıxmır: gün dağın arxas-
ında gizlənməkdədir, sərin hava, həzin külək… Pəh – pəh! Nə
məlahətli…
- Vay!.. Aman! Necə olacaq?..
- Nə olub?
Bəs orucluqda azarlı üstə rus həkimi gətiriblər, evdə qab –
qaşığı murdarlayıb…
Xülasə, gedirəm qaranlıq düşür, toyuq, xoruz dimdik –
dimdiyə verib tut ağacının budağında yatıblar, itlər çəkiliblər
hinlərinə, eşşəklər ağacın dibində uzanıb sükuta varıblar. Pəh –
pəh!
Nə gözəl ömür, nə sadəlik, nə…
- Vay öldüm! Adə öldüm!
Çığırtı küçə ilə bir oldu. Başmaqları qoyub yüyürürəm. Bir
də görürəm bir ağsaqqal cavan arvadının saçından yapışıb,
çomaq ilə şapbarlayır. Tez – tez ovcuna tüpürüb çomaqdan çır-
pır, ovcuna tüpürüb vurur.
Xülasə, hava çox gözəl idi. Göyün buludları azca qalmışdı
məni ilhamat aləminə çəksin, azca qalmışdı…
- Part, part…
Bir cavanı güllə ilə vurub yıxdılar.
- Balam, bunun günahı nə idi? – soruşduqda cavab verdilər:
- Nə olacaq, bununbabası iyirmi il bundan qabaq vurub
Məşədi Hüseynin əmisi nəvəsini öldürmüşdü. İndi öldürən də
Məşədi Hüseynin nəvəsidir. Kişi qana qan elədi, qisas ki, qiya-
mətə qalmayacaq idi.
Tər məni basır.
Çünki mənim də ulu babam, deyirlər, bir
adam öldürmüş imiş. İndi, dedim, bir adam da çıxıb onun
əvəzini mən yazıqdan alacaq.
Qorxumdan yıxılıram, ürəyim gedir.
1909