Microsoft Word hazir h.?24 Автосохраненный doc
Yüklə 2,17 Mb. Pdf görüntüsü
|
- Bu səhifədəki naviqasiya:
- Aleksandr Bloxin
__________________________________________ 37
ilə həmişə dost olacaq, bu dostluğu inkişaf etdirəcək, əməkdaşlığı inkişaf etdirəcəkdir. Zənnimcə, Rusiya Şimali Qafqaza sabitliyi təmin edə biləndə, imkanlar daha çox olacaqdır. Belə ki, Şimali Qafqazda yaranmış vəziyyət iqtisadi əlaqələrimizi, bir çox digər əlaqələrimizi olduqca məhdudlaşdırır. Əminəm ki, Rusiya Şimali Qafqazda sabitliyi təmin edə biləcək, öz dövlət suverenliyini, öz ərazi bütövlüyünü müdafiə edə biləcəkdir. Buna heç bir şübhə yoxdur. Bundan sonra Ölkələrimiz arasında münasibətlər daha çox inkişaf edəcəkdir. Demək istəyirəm ki, bütün bu dörd ildən artıq müddətdə bunların hamısında sizin xidmətləriniz var. Bilirəm ki, bir səfir kimi siz öz ölkənizin mənəfelərini müdafiə edərək, Rusiyanın mənəfelərini qoruyaraq həmişə Rusiya ilə Azərbaycan arasında münasibətlərin daha da inkişaf etməsi ruhunda fəaliyyət göstərmisiniz. Mən bunu bilirəm, bunu görmüşəm və bu gün bunu açıq bəyan edirəm. Bilirəm ki, siz Rusiya Federasiyasının müxtəlif dairələrində aranmış yalan məlumatın və ya yalan fikirlərin dağılması üçün çox işlər görmüsünüz. Mən bunu bilirm. Bilirəm ki, siz alışmısınız. Biz həmişə Rusiya ilə münasibətləri möhkəmlətməyə və inkişaf etdirməyə çalışmışıq və çalışırıq. Rusiyanın səfiri olaraq siz də bu inkişafın hər iki tərəfdən fəal olması üçün çalışmısınız və mümkün olan hər şeyi etmisiniz, əlinizdən gələni əsirgəməmisiniz. Buna görə də Rusiyanın Azərbaycanda səfiri kimi sizin fəaliyyətinizi yüksək qiymətləndirirəm. Siz ölkənizi layiqincə təmsil etmisiniz. Bu, çox vacibdir, bu, başlıca cəhətdir. Öz dövlətinin layiqli təmsilçisi olmaq, eyni zamanda olduğun ölkə ilə münasibətləri inkişaf etdirməyi bacarmaq səfir üçün başlıca vəzifədir. Amma bu vəzifəni yerinə yetirməyə heç də hamı müvəffəq olmur. Hesab edirəm ki, siz bu vəzifənin öhdəsindən müvəffəqiyyətlə gəlmisiniz. Bax buna görə də siz cəmiyyətimizdə böyük nüfuz qazandınız, sizə çox səmimi
__________________________________________ 38
münasibət var. Hesab edirəm ki, siz öz işinizlə burada yaxşı bir iz qoyursunuz. Əgər Rusiya Federasiyası üçün nə kimi işlər gördüyünüzdən danışmalı olsaq, onda deməliyik ki, siz gözəl səfirlik kompleksi - həm bina, həm də yaşayış evi yaratdınız, özü da Bakı şəhərinin ən yaxşı hissəsində. Bu, məni sevindirir, çünki istəyirəm ki, burada hər bir xarici səfirliyin səmərəli fəaliyyəti üçün müvafiq şəraiti olsun, eyni zamanda, hər bir səfirlik binası şəhərimizə, respublikamızı gözəllik versin. Sizin yaratdıqlarınız şəhərimizi bəzəyir, işiniz üçün çox yaxşı şərait yaradır. Digər MDB ölkələrindəki səfirlərin sizin burada gördüyünüz işləri görüb- görə bilmədiyini deyə bilmərəm, əgər kimsə belə işlər görübsə də, fərqi yoxdur, sizin nümunəniz ən yaxşı nümunədir. Şadam ki, siz bu vəzifədən Rusiya hökumətində daha yüksək vəzifəyə gedirsiniz. Kiminsə səfir vəzifəsindən hökumətdə daha yüksək vəzifəyə irəli çəkilməsi nadir hadisədir. Mən buna çox şadam. Sizi bu münasibətlə təbrik edirəm. Ümidvaram ki, siz öz yeni vəzifənizə başladıqdan sonra da Azərbaycanla əvvəlkitək əlaqə saxlayacaqsınız və ölkəmizdə həqiqi vəziyyətə başqalarına nisbətən daha yaxşı bələd olduğunuza görə, yeni vəzifənizdə də çalışacaqsınız ki, Rusiya ilə Azərbaycan arasında münasibətlər inkişaf etsin, Rusiya-Azərbaycan münasibətlərinə düşmənçilik əhval-ruhiyyəsində olan ayrı-ayrı qüvvələrin süni surətdə yaratdıqları mənfi hallar tədricən aradan qaldırılsın. Çünki Azərbaycanda həqiqi vəziyyəti siz hamıdan yaxşı bilirsiniz. Ona görə də mən buna şadam. Digər tərəfdən isə, biz deyə bilərik ki, görünür, Azərbaycanda işləmək elədir ki, səfir buradan yüksək vəzifəyə irəli çəkilir. Mən buna şadam. Sizə gələcək işinizdə uğurlar, can-sağlığı arzulayıram. Ümidvaram ki, siz bizimlə dostluq əlaqələrini kəsməyəcəksiniz - mən hökumətlə, dövlətlə, burada
__________________________________________ 39 tapdığınız dostlarla əlaqələri nəzərdə tuturam. Sizi istənilən vaxt Azərbaycana qonaq kimi dəvət edirəm. Sizinlə bizim aramızda rəsmi münasibətlərlə yanaşı, yaxşı şəxsi münasibətlər da yaranmışdır. Mən bunu da qiymətləndirirəm. İstədiyiniz vaxt Azərbaycana qonaq gəlin. Biz sizinlə əlaqə saxlayacağıq, ümidvaram, siz də belə edəcəksiniz.
kimi yayılır. Çünki öz dövlətini təmsil etdiyin ölkənin prezidentindən öz işinə yüksək qiymət verildiyini eşitmək səfir üçün bəlkə də ən xoş haldır. Siz Rusiyanın Azərbaycana münasibətindən danışdıqda, bu sahədəki problemlərdən, mənfi və yaxşı məqamlardan danışdıqda diqqət yetirdim ki, yaxşı cəhətlər qat-qat çoxdur. Mənə elə gəlir ki, əgər Rusiya ilə Azərbaycan öz münasibətlərini qurarkən ötən 200 ildə aramızda olmuş bütün yaxşı cəhətləri həmişə qoruyub inkişaf etdirsələr, bu, gələcək yaxşı qarşılıqlı münasibətlərin rəhni olacaqdır. Əlbəttə, bütün problemləri həll etmək mümkün olmadı, lakin belə duşunürəm ki, indi Rusiya ilə Azərbaycan arasında münasibətlərin səviyyəsi kifayət qədər yüksəkdir.Sizin Vladimir Vladimiroviçlə; Putinlə görüşünüz məni xüsusilə ruhlandırır, mən onun bu görüşə müsbət münasibət bəslədiyini bilirəm. Deməliyəm ki, bu, ölkələrimiz arasında münasibətləri daha yüksək səviyyəyə qaldırmaq üçün çox yaxşı əlavə zəmin ola bilər. Əgər indi varisim məni dinləsəydi, mən ona bütün müsbət cəhətləri, hətta kiçik cəhətləri də qoruyub saxlamağı arzu edərdim, çünki böyük münasibətlər, boyük dostluq bunlardan yaranır.
təşəkkürümü bildirirəm. Söz verirəm ki, mənim üçün sevimli şəhərə çevrilmiş Bakıya elə ilk imkan düşən kimi yenidən gələcəyəm.
Yüklə 2,17 Mb. Dostları ilə paylaş:
|