216
səbəb
olan proseslərdən, həmçinin süxurların möhkəmliyindən asılı olaraq
dəyişə bilir. Bu anomaliyaların formaları oval və halqavarı olur.
Müsbət maqnit anomalyaları adətən dəmir meteoritlərin düşdüyü
sahələrdə baş verir. Belə anomaliyalar həmçinin halqavarı və radial qırılmalar
və çatlar boyunca təzahür edən əsasi və ultraəsasi kütlələr də qeyd olunur.
Mənfi qravitasiya, həmçinin seysmik anomaliyalar intensiv çatlılıq
zonaları üçün zarakterikdir. Meteorit kraterləri qravimetrik profilli vulkanik
kalderalardan tamamilə fərqlənir. Kraterlərin profilləri zəif əyilmiş formaya
malikdir. Kalderanın profili isə əhəmiyyətli dərəcədə dərinlik quruluşuna
malikdir.
Meteorit partlayışlarının maqmatik kütlələrin və onlarla əlaqədar olan
faydalı qazıntıların yerləşməsində rolu əhəmiyyətli hesab olunur. Kola
yarımadasında, Sadberidə, Qazaxıstanda və digər regionlarda
konsentrik çat və
halqavarı strukturların mərkəz hissəsində əsasi və ultraəsasi süxurların dəfələrlə
qeyd olunması bu hadisəni təsdiq edən amillərdən biri hesab olunur. Maqmatik
kütlələrin meteorit kraterlərilə ehtimal olunan əlaqəsi maqmatik mənşəli faydalı
qazıntıların yerləşməsi məsələsini ortaya çıxarır. Hazırda bunu mis-nikel
filizlərinin ultraəsasi süxurlarla əlaqəsi sübut edir. Bu əlaqə Kanadada Sadberi
yatağı üçün və oxşar olaraq Kola yarımadasında Moncetundra, Pecenqa və
digər yataqları üçün səciyyəvidir.
Meteoritlərin partlayış posesi digər filiz daşıyan komplekslərə, məsələn,
peqmatitlərə də təsir göstərə bilər.
10.7. Yerin qədim halqavarı strukturları – nuklearlar
Məlum olduğu kimi halqavarı strukturlar ən müxtəlif tektonik vilayətlətdə
inkişaf tapmışdır, müxtəlif genesiz
və geoloji yaşa malikdir, morfologiya və
ölçülərinə görə fərqlənir. Bir çox tədqiqatçılar qeyd edirlər ki, daha iri halqavarı
strukturlar yer qabığının daha dərin horizontlarının və üst mantiyanın defor-
masiyasını əks etdirir. Bununla əlaqədar olaraq, kosmik şəkillərin materialları
üzrə və morfoloji məlumatlara görə ayrılmış iri halqavarı strukturları səciyyə-
ləndirmək, onların mənşəyi haqqında mülahizələrə baxmaq, yer qabığının
təkamülündə, faydalı qazıntıların qlobal yerləşmə qanunauyğunluğunda, müasir
geoloji proseslərin inkişafında (məsələn, seysmik, vulkanik və s.) onların
rolunu
qiymətləndirmək xüsusi əhəmiyyət kəsb edir.
Nuklearlar adlanan nəhəng halqavarı strukturlar yalnız qədim platfor-
malar daxilində, daha doğrusu litosferin daha stabil sahələrində ayrılır. Halqa-
varı strukturlar-nəhənglər ilk dəfə Y.V.Pavlovsk, M.Z.Qluxovsk, V.M.Moralyev
və b. tərəfindən Sibir platformasında və Baltik qalxanında öyrənilmişdir.
Distansion zondlama materiallarının (DZM) deşifrələnməsi, geoloji-geofiziki
materialların təhlili və onların morfoloji üsullarla tədqiqatı nəticəsində qədim
platformalarda çoxlu iri dairəvi sistemlər aşkar edilmişdir. Bu sistemlər böyük-
217
(500-3800 km) və kiçik- (100-900 km) ölçülü mürəkkəb quruluşlu konsentrik
halqavarı strukturlar və qövsvari lineamentlərdən təşkil olunmuşdur. Kiçik
ölçülü strukturlar böyük ölçülü strukturların kənar hissələrində yerləşərək,
özlərini onların satelitləri kimi büruzə verir (şəkil 94).
Nuklearlar Sibir platformasında, Baltik qalxanında
və Şimali- Amerika
platformasında daha dəqiq öyrənilmişdir.
Kompleks geoloji-geofiziki interpretasiyanın və kosmik planalmanın
əsasında M.Z.Qluxovski Sibir platformasının bünövrəsində 8 nuklear ayırmışdır
ki, onların da bir hissəsi morfostruktur üsulla müəyyən edilmiş və
geokon
adlandırılmışdır.
Kosmik şəkillər üzrə materiallar əldə olunana qədər nuklearlar tədqiqat-
çılara məlum deyildi. Onların aşkar olunması ilə bütün geoloji-geofiziki mate-
rialların analizində, təbiətlərinin və litosferdə geoloji mövqelərinin aydınlaş-
dırılması məsələsi ortaya çıxdı. Aşkar olundu ki, bu strukturların mövcud
olması geoloji morfostruktur və geofiziki materiallarla daha etibarlı təsdiq
olunur. Onlar bütövlükdə və ayrı-ayrı elementlər
ilə anomal maqnit və qravi-
metrik sahələrdə kifayət qədər aydın əks olunmuşdur. Onlardan bəziləri əvvəl-
lər O.B.Qintov və V.V.Solovyev tərəfindən morfometrik analizlərlə müəyyən
edilmiş, sonralar isə kosmik şəkillərin deşifrə olunması ilə dəqiqləşdirilimişdir.
Şəkil 94. Yerin nuklearlarının yerləşmə sxemi (a), Hondvananın
nuklearlarının palinspastik sxemi (b).
218
Ayrılmış nuklearlardan hər biri öz fərdi xüsusiyyətlərinə malik olmaları
ilə yanaşı, bir sıra ümumi xüsusiyyətlərə də malikdirlər. Bütün kembriyəqədərki
poligen-metasomatik və maqmatik komplekslər mərkəzi simmetriyaya malikdir
və yer qabığının iri “yumurtavarı”
strukturlarına cavab verirlər. Ümumilik
ondan ibarətdir ki, nuklearlar yer qabığının ilkin bazit qabığının əriməsi
mərhələsində formalaşmışdır.
Yer qabığının formalaşmasının ilkin mərhələsində əmələ gəlmiş və onun
inkişafının bütün kontinental mərhələsində (1600-1900 mln. il)
inkişaf etmiş
nuklearlar özlərində heterogen siallik nüvəni əks etdirir. Nuklearlar internuk-
learlarla müqayisədə konsolidasiya olunmuş qabığın və litosferin böyük qalın-
lığı ilə xarakterizə olunurlar. Nuklearlar və internuklear sahələr litosfer plitələri-
nin daha konservativ elementləri hesab olunurlar. Onlar kembriyəqədərki
süxurlarda platforma örtüyünün altında və örtük süxurlarında əks olunmuşlar.
Nuklearlar iri anteklizlərə, qalxanlara və fundament çıxışlarına, internuklearlar
isə məkanca sineklizlərə, iri çökəkliklərə və trapp sahələrinə uyğun gəlirlər.
Nuklearlar sinform və antiform tiplərə ayrılırlar.
Birinci halda bu struk-
turların tağı nisbətən daha cavan süxurlarda, ikinci halda isə nisbətən qədim
süxurlarda yatmış olur. Bütün məlum nuklearlar kembriyəqədərki yaşıldaş
zolağın kənarlarına doğru daha meyllidir. Onlar transkontinental əhəmiyyətli
halqavarı strukturlar hesab olunur və Yer kürəsinin bütün qitələrində aşkar
olunmuşdur. Ən iri nuklear Şimali Amerika nuklearı hesab olunur. O, Kanada
qalxanını, Böyük düzənliyi və Qayalar dağının bir hissəsini əhatə edir. Bu
nəhəng halqavarı struktur ilk dəfə D.Soul
tərəfindən aşkar olunmuşdur və
meteorit zərbəsi nəticəsində əmələ gəlmiş qədim pərgər “yarığı”
kimi təsvir
olunmuşdur.
Şimali Amerika nuklearları təxminən iki bərabər hissəyə ayrılır: özündə
Kanada qalxanını əks etdirən şərq və Böyük düzənliyi əhatə edən qərb. Bu
hissələr bir-birindən bünövrənin yaşına və geoloji tarixinə görə fərqlənir.
Şimali Amerikada daha bir nəhəng halqavarı struktur N.V.Makrovoy
tərəfindən səciyyələndirilimiş Koloroda nuklearıdır. Bu struktur Kordilyerin
mərkəzi hissəsində yerləşir. Şərq kənarı Qayalar dağı qövsünü, qərb kənarı isə
Sahil silsiləsi qövsünü əhatə edir. Onun halqavarı forması konsentrik yerləşmiş
qədim süxurları və cavan intruziv massivlərlə qeyd olunur. Koloroda
təbəqəsinin mürəkkəb strukturu maqnit sahəsinin konsentrik halqavarı quruluşu
ilə əks olunmuşdur.
Cənubi Amerikada Brazilya qalxanının əksər hissəsini və Qviananın
bütün ərazisini əhatə edən Amazon nuklearı – halqavarı strukturu ayırılmış və
təsvir olunmuşdur. Amazon nuklearı kiçik miqyaslı kosmik şəkillərdə kifayət
qədər yaxşı deşifrə olunur. Eyni zamanda onu morfoloji və geoloji-geofiziki
parametrlərinə görə də izləmək mümkündür. Bu strukturun şimal-qərb və qərb
sərhədləri relyefdə And zolağına doğru dərinləşən qədim qalxanın kraton
düşməsinə keçid zonasında qeyd olunur.