210
Cəlilabad neftli-qazlı rayonunda Kür çökəkliyi və Abşeron yarımadasında
olduğu kimi, deşifrələnmiş çoxsaylı halqavarı strukturlar
uzununa və lokal
antiklinal strukturların üzərinə yığılır ki, bu da geofiziki məlumatlarla təsdiq
olunur.
Yuxarıdakı məlumatlardan aydın olur ki, Azərbaycanın tektonogen
halqavarı strukturları şaquli tektonik hərəkətlərin təsiri altında formalaşmışdır.
10.5. Halqavarı morfostrukturlar
Diametri 2 km-dən 4 km-ə qədər olan halqavarı morfostrukturlar Avro-
asiyanın şərq kənarı boyunca B.V.Yejov, M.Q.Zolotov, V.V.Soloyev, B.İ.Xud-
yakov və digər tədqiqatçılar tərəfindən ayrılmışdır (şəkil 90). Kosmik şəkillərdə
qlobal səviyyədə ümumiləşmədə ilk dəfə olaraq,
sərhədləri relyef və hidro-
şəbəkə şəkilləri üzrə kifayət qədər aydın təyin olunan nəhəng halqavarı əmələ-
gəlmələri görmək mümkün olmuşdur.
Şəkil 90. Şərqi Asiyanın nəhəng morfostrukturlarının sxemi. Mərkəzi tip
morfostrukturlar (A.P.Kulakov, 1986):
1-qitələr (I-Yan Kolım, II-Aldan, III-Amur, IV-Şərqi Çin) və qitələr kənarı (V-Berinq, VI-Oxot,
VII-Yapon dənizi, VIII-Koreya, XI-Malay, X-Siyam); 2-transregional Sakit okean qırılma
zonaları; 3-mərkəzi tip meqastrukturlar (diametri 300-1000 km).
Bu strukturların ayrılması və konturlaşdırılması zamanı özünəməxsus
halqavarı meqastrukturlar əmələ gətirən qırılmaların və konsentrik lineament
sistemlərinin yaxşı deşifrə olunması böyük rol oynayır. Qeyd etmək lazımdır ki,
halqavarı lineamentlər və qırılmalar yüksək nizamlı çay şəbəkəsinin şəkillərini,
iri dağ silsiələrinin
və çökəkliklərin əlamətlərini, həmçinin qitələrin müasir
sahil xətlərinin sərhədlərini əks etdirir. Bir sıra tədqiqatçılar, xüsusən də
A.P.Kulakov qeyd edir ki, materiklərin meqastrukturlarının sərhədləri boyunca
211
planda qövsvarı formaya malik dağ qurğuları yerləşir, onların
mərkəzi
rayonlarında isə aşağı dağlıq və düzənlik oval relyef üstünlük təşkil edir.
Ehtimal olunur ki, onların konsentrik quruluşunu qeyd edən halqavarı
morfostrukturların geomorfoloji görünüşü sonuncuların uzunmüddətli geoloji-
tektonik təkamülünün nəticəsi hesab olunur (şəkil 91). Baxılan strukturlar,
bütövlükdə radial konsentrik quruluşunu saxlayaraq,
xüsusiyyətlərinə görə ideal
halqalardan fərqlənir. Bu onunla izah olunur ki, onlar özlərində təbii geoloji
əmələgəlmələri əks etdirir və mərkəzi tip ideal simmetriya belə miqyasda
təcrübi olaraq mümkün deyildir. Lakin simmetriyanı pozan başlıca səbəb,
A.P.Kulakova görə, halqavarı morfostrukturların geomorfoloji görünüşünü və
geoloji-tektonik quruluşunu mürəkkəbləşdirən sonrakı tektonik deformasiyalar
olmuşdur. Baxılan strukturların
səciyyəvi xüsusiyyətləri, onların 30-40% və
daha artıq hissəsinin örtülü olmasıdır. Bu zaman relyef, interferensiya zona-
sında, V.V.Solovyevin məlumatlarına görə, əhəmiyyətli dərəcədə mürəkkəb
olması və şaxələnməsilə fərqlənir.
Şəkil 91. Mərkəzi tip kənar-materik morfostrukturların inkişaf sxemi
(Kulakov, 1986):
a-tağ qalxımının formalaşması (Pr); b-sakit irsi inkişaf (Pz); c-daha yüksək nizamlılıqlı
halqavarı strukturların basdırılması, destruksiyası və inkişafı (Mz).
212
Halqavarı morfostruktur-nəhənglərlə yanaşı çox kiçik miqyaslı kosmik
şəkillərdə uzunluğu 2-3 min km, eni 80-150
km və daha böyük olan trans-
regional lineametrlər kifayət qədər etibarlı deşifrə olunur. Transregional linea-
ment zonalarının əhəmiyyətli uzunluğu və eni onların mantiya ilə genetik
əlaqəsinin olmasını söyləməyə əsas verir.
Halqavarı morfostruklarla münasibətdə transregional lineamentlər kəsən
hesab olunurlar. Transregional lineamentlərin əksəriyyəti və onların zonaları
Sakit okean halqası çökəkliyini konturlaşdıran qlobal Sakit okean qırılma
sistemilə əlaqədardır. Nəhəng halqavarı morfostrukturlar Şərqi Avroasiyanın
regional morfostrukturunun əsasını əmələ gətirərək, A.P.Kulakovun qeyd
etdiyi kimi, kembriyəqədərki dövrdə əmələ gəlmişdir və regionun müasir
geoloji strukturunda və relyefində aydın müşahidə olunur. Bu strukturların
aşkar olunması Avroasiyanın şərq kənarının
geoloji tektonik quruluşu və
təkamülü haqqındakı təsəvvürlərə daha ciddi yanaşmağa sövq edir. Çünki
halqavarı morfostruktur və nuklearların məkanca müqayisəsi onların oxşarlığını
göstərir: məsələn, Sinkoreya nuklearı Yapon dənizi və Koreya halqavarı mor-
fostrukturunun interferensiya zonasında yerləşmişdir, Cənubi Çin və Hind-Çin
nuklearları isə tamamilə Şərqi Çin və Siam halqavarı strukturlarına uyğun gəlir.
Yer kürəsinin 1:50 000 000 miqyaslı xəritəsinin morfometrik anlizi
nəticəsində, onun səthində planetar və daha kiçik miqyaslı halqavarı morfo-
strukturlar aşkar olunmuşdur (şəkil 92). İki planetar halqavarı morfostrukturlar
(mənfi Sakit Okean və müsbət-Atlantik okean) yerin planetar asimmetriyasını
müəyyən edir. Yerin asimmetriyası mənfi Arktika və müsbət Antarktida
halqavarı morfostrukturları hesabına əmələ gəlmiş qütb
və meridional asim-
metriyalarla mürəkkəbləşmişdir. İkinci tərtibli ekvatorial strukturlar–Şərqi Sakit
Okean və Hind okeanı planetar halqavarı morfostrukturlarının (Sakit okean və
Atlantik okeanı) təmasında yerləşmişdir. Saxara, Konqolez, Ərəbistan, Kalahar,
Madaqaskar və dugərləri (Afrikada), Böyük hövzə, Bermud, Meksika (Şimali
Amerikada), Peru, Amazon, Brazilya (Cənubi Amerika), Şərqi Hindistan, Avs-
traliya və digər üçüncü tərtibli halqavarı morfostrukturlar
məlum nuklearlarla
üst-üstə düşür.
Halqavarı morfostruktuların ölçüləri eninə 150000 km-dən (birinci
tərtibli) 3000 km-ə qədər (üçüncü tərtibli) dəyişir. Onların mənbəyi mantiya,
bəzən isə nüvə təbiətli hesab olunur.