219
Avroasiyanın nuklearları üç qədim platformada yerləşmişdir: Şərqi
Avropa, Hind və Sibir. Bunlar platformanın bünövrəsinin
daxili quruluşunda
mühüm rol oynayır və müəyyən dərəcədə bu qurğuların fanerozoy tarixini
müəyyən edirlər. Məsələn, üç yaxın əlaqəli nuklearlar-Svekonorvec, Svekofen-
nokarel və Kola-Zapland Baltik qalxanının formalaşmasını müəyyən etmişlər.
Qeyd etmək lazımdır ki, nuklearlar haqqında ilk məlumatlar 1983-cü ildə
M.Z.Qluxovski, Y.Q.Kats və V.M.Moralyev tərəfindən verilmiş və “Qitələrin
halqavarı strukturları xəritəsi” tərtib olunmuşdur (M.Z.Qluxovski və b., 1983).
M.Z.Qluxovski nuklearların formalaşma prosesini və inkişafını təhlil edərək,
onların əmələ gəlməsində 5 mərhələ ayırmışdır: 1)
yerin inkişafının erkən
mərhələsində ilkin ultrabazit –bazit qabığının aşkar olunması yerində xaotik
yerləşmiş iri halqavarı strukturlar-sinform kalderalar və antiform qalxanlı
vulkanlar əmələ gəlmişdir. “Qaynar nöqtələrdə” bu ərimələr lateral qeyri-
bircinsli mantiyanın radiogen isinməsi prosesləri ilə əlaqədar olmuşdur. Bu
prosesin ardınca ultrabazit-bazit protoqabığının alt horizontunun və melanokrat
substratın yüksək tempraturlu sərhədinin hissə-hissə əriməsi baş vermişdir.
Nəticədə heterogen enderbit bazit qatı formalaşmışdır.
Qədim enderbit bazit
birliyinin süxurları əksər hallarda sinform tip nuklearların xarici və bəzi
hallarda isə antiform tip nuklearların daxili hissəsini əhatə edir; 2)
protokon-
tinental və ya nukleara keçid mərhələsində sinform strukrurun daxilində və
antiform strukturun yamacında dezinteqrasiya məhsullarının toplanması, əsasi
və subqələvi tərkibli lavanın axması və fumoral fəaliyyət məhsullarının,
hemogen və qırıntı süxurlarının çökməsi baş vermişdir. Bu keçid mərhələsinin
struktur maddi kompleksləri başlıca olaraq sinform tip nuklearların daxili,
qismən isə xarici hissəsində yayılmışdır. Sedimentasiya,
vulkanizm və qranit
əmələgəlmə prosesləri bu mərhələdə, həmçinin antiform tip meqastrukturların
yamacında və bünövrənin pozulma məhsullarının toplandığı digər çökəkliklərdə
baş vermişdir; 3)
növbəti protokontinental mərhələdə nuklearların, protokon-
tinental qabığın nüvəsinin formalaşması baş vermişdir. Bu mərhələdə protokon-
tinental qabığın kompleksləri indikatorları hesab olunan anortozit və alyaskitli
kalium qranitlərinin
təzahürü baş vermişdir; 4)
riftogen mərhələ özündə
əvvəlki mərhələnin qeyri-tektonikasının, protokontinental qabıq və onun qövs
boyunca qalıqları və nuklearların radial lineamentlərilə sərtlənmiş subxətli
tektonikaya keçidini əks etdirir. Bu mərhələdə üst arxezoy alt proterezoy yaşıl-
daş zolağının və ya vulkanogen, vulkanogen-terrigen və dəmirli silisiumlu
formasiya ilə tamamlanmış nuklearların satelitlərinin və özlərinin xarici hissəsi-
nə uyğunlaşmış rift troq sistemləri formalaşmışdır. Bu mərhələdə uzanmış
tektonik zolağın fəal formalaşması baş vermişdir; 5)
riftogenez mərhələsi
kontinental keçid mərhələsilə sıx əlaqədardır. Bu zaman nuklearların kənar
hissəsində, həmçinin erkən proterozoyda vulkanogen
və vulkanogen-çökmə
süxurlarla tamamlanmış yeni riftogen tikiş strukturları formalaşmışdır. Eyni
zamanda bu riftogen strukturların inkişafı ilə yanaşı bir neçə internuklear
220
sahələrdə protokontinentlətin yamac və daxili hissələrində karbonat-terrigen,
terrigen, qismən isə vulkanogen-terrigen çöküntülərin toplanması baş vermişdir.
10.8. Halqavarı strukturlarla lineamentlərin qarşılıqlı əlaqəsinin bəzi
problemləri
Halqavarı strukturların lineamentlərlə genetik və sahəvi əlaqələri çoxtə-
rəfli və mürəkkəbdir. Bu sahənin öyrənilməsində ilk addımları O.M.Borisov,
V.İ.Makarov, L.İ.Solovyova,V.V.Solovyov atmışlar. Buna baxmayaraq, həmin
problem axıra qədər öyrənilməmişdir. Halqavarı strukturlarla lineamentlər
arasında bağlılıq vardır, lakin onlar formalaşma zamanlarına
görə bir-birindən
fərqlənirlər. Halqavarı strukturlarla lineamentlər arasındakı əlaqənin üç növə
ayrılması mümkün hesab edilir:
1) lineamentlər ilkin strukturlardır, halqavarı strukturlar isə törəmələrdir;
2) halqavarı strukturlar və lineamentlər eyni zamanda əmələ gəlmişdir və
sıx genetik əlaqəlidir;
3) halqavarı strukturlar – ilkindir, lineamentlər isə ikincidir.
1.Ayrı-ayrı lineamentlər və ya onların zonaları ilkin
olduğu üçün, sonrakı
geoloji proseslərə təkan verir, məsələn, vulkanik aparatların əmələ gəlməsini
şərtləndirir ki, bu hal da təbitdə daha çox yayılmışdır.
Vulkanik mənşəli halqavarı strukturların təhlili göstərir ki, onlar nəinki
Yerdə, hətta başqa planetlərdə də lineament tektonikası ilə sıx əlaqədardır.
Müasir vulkan fəaliyyətnin inkişaf etdiyi Kamçatka və başqa əyalətlərdə,
müasir vulkanik qurumların lineamentlərlə əlaqəsi dəqiq izlənilir. Belə əlaqələr
yer kürəsinin bütün qitələrində inkişaf tapmış qədim vulkanik əyalətlərdə də
nəzərə çarpır. Mars planetində deşifrə olunmuş qlobal
dərəcəli bir neçə linea-
ment həmin planetin Olimp, Arsiya, Pavlina, Askriysk və s. qalxan vulkanla-
rının düzülüşünə nəzarət edir.
Vulkanik fəaliyyət adətən Yerin müxtəlif inkişaf mərhələlərində fə-
allaşmış dərinlik xətti strukturlarla əlaqədar olur.
Azərbaycanda, Orta Asiyada və yer kürəsinin digər regionlarında inkişaf
tapmış palçıq vulkanlarından ibarət xırda halqavarı strukturlar da birbaşa
lineamentlərlə əlaqədardır.
Bəzən üç və daha çox lineamentlərin kəsişdiyi düyünlərdə də halqavarı
strukturlar əmələ gəlir. Belə hallarda lineamentlərə ilkin, halqavarı strukturlara
isə törəmələr kimi baxmaq lazımdır. Lineamentlər
düyünündə yerləşən halqa-
varı strukturların ölçüsü ayrı-ayrı lineamentlər arasındakı məsafə ilə düz
mütənasibdir, onların forması isə düyünü əmələ gətirən lineamentlərin sayından
asılıdır.
95-ci şəkildə
halqavarı strukturların formalarının kəsişən lineamentlərin
səciyyəsindən asılılıq sxemi göstərilmişdir.