149
3.4. Azərbaycanın xarici neft şirkətləri ilə bağladığı
müqavilələrdə vergiqoyma məsələləri
Azərbaycan bu vaxtdadək 13 ölkəni təmsil edən 33
şirkətlə 20 beynəlxalq kontrakt imzalamışdır. Bunların 15-i
dənizdə, 5-i isə quruda tətbiqi nəzərdə tutulan layihələrdir. İn-
vestisiyaların proqnozlaşdırılan həcmi 57 milyard ABŞ dolları
təşkil edir. Respublikaya birbaşa xarici investisiyaların ümumi
həcmində neft kontraktlarından daxilolmalar əsas hissəni təşkil
edir. 1994-cü ildən başlayaraq təkcə neft sənayesinə 3,2
milyard həcmində investisiya qoyulmuşdur.
Azərbaycanın xarici neft şirkətləri ilə müvafiq dəniz blo-
kunun ( yatağın) kəşfiyyatı, işlənməsi və hasilatın pay
bölgüsünə dair bağladığı kontraktlarda vergiqoyma şərtlərinə
dair müddəalar ən əhəmiyyətli məsələlərdən sayılır. Kontrakta
görə podratçılar, onların ortaq şirkətləri, əməliyyat şirkəti və
subpoddratçılardan ancaq mənfəət vergisi tutulur. Bu sazişlə
həm də ikiqat vergi haqqında müqavilələrə uyğun olaraq,
vergilərə güzəştlər qoyulması təmin edilir.
Mənfəət vergisi qoyulması haqqında qaydalar. İndiyə
qədər bağlanmış kontraktlarda podratçı tərəfin saziş imzalanan
vaxt Azərbaycan Respublikasında 1 yanvar 1997-ci ildən
qüvvədə olan «Hüquqi şəxslərin mənfəətinə və müəyyən tip
gəlirinə vergi qoyulması haqqında» Azərbaycan Respublikası-
nın Qanununa müvafiq surətdə, bu sazişin müddəalarından irəli
gələn dəyişiklər nəzərə alınmaqla, öz karbohidrogen
fəaliyyətindən mənfəət vergisi üçün bu sazişdə ayrıca maddə
ilə ( «Mənfəət vergisi») ifadə olunan hüquqi bəndlərlə tənzim
olunur. Azərbaycan Respublikasının daxili qanunvericiliyi ilə
bu saziş arasında hər hansı ziddiyyət yaranarsa, sazişin
maddələri üstün tutulur. Təbii ki, 2001-ci ilin yanvarın 1-dən
«Vergi Məcəlləsi»nin qüvvəyə minməsindən sonra «Hüquqi
şəxslərin mənfəətinə və müəyyən tip gəlirinə vergi qoyulması
150
haqqında» Qanununu Məcəllənin müvafiq maddələri əvəz
edəcəkdir.
Hər podratçı tərəf özünün Azərbaycan Respublikasında
karbohidrogen fəaliyyətinə görə Azərbaycan Respublikasında
tətbiq edilən qanunlara və reqlamentlərə uyğun şəkildə mənfəət
vergisi ödəmək üçün məsuliyyət daşıyır. Bu o deməkdir ki,
həmin müəddalar fərdi qaydada hər podratçı tərəfə aid edilir və
hər bir podratçı tərəfin mənfəət vergisi üzrə fərdi məsuliyyətini
tənzimləyir.
ARDNŞ hər təqvim ili üçün hər podratçı tərəf adından
dövlət büdcəsinə dollar ifadəsində mənfəət vergisini, o
cümlədən qabaqcadan hesablanmış mənfəət vergisini və onları
vaxtında ödənilməsi nəticəsində qoyulan faizləri, cərimələri,
tutmaları ( podratçı tərəfin lazımi bəyannaməni vaxtında hazır-
lamaq iqtidarında olmaması nəticəsində qoyulan faizlər istisna
olmaqla) ödəyir. Bununla ARDNŞ podratçı tərəflərə zəmanət
verir ki, hər podratçı tərəfin mənfəət vergisini, o cümlədən
onlara aid faizləri, cərimələri, tutmaları həmin saziş üzrə
ARDNŞ-ə çatacaq karbohidrogen payının satışından əldə etdiyi
gəlirlərdən ilk növbədə dövlət büdcəsinə ödəyəcəkdir. ARDNŞ
belə ödəniş üçün vergi müfəttişliyinin müvafiq podratçı tərəfə
rəsmi qəbzlər verməsini təmin edir. Podratçı tərəflərdən hər
hansı birinin sorğusu alındıqdan sonra 10 gün ərzində həmin
podratçı tərəfə ARDNŞ-ın adı çəkilən öhdəliklərinə uyğun
olaraq dövlət büdcəsinə həqiqətən keçirildiyini təsdiqləyən
sənəd təqdim edir. ARDNŞ-in gəlirlərinə və ya mənfəətinə aid
vergilər olduğu hallarda ARDNŞ ödəniləsi vergilərin
məbləğini hesablamaq məqsədilə öz vergi öhdəliklərini
müəyyən edərək bilavasitə və ya dolayısı ilə heç bir mənfəət
götürmür və yuxarıda nəzərdə tutulduğu kimi podratçı
tərəflərdən hər birinin əvəzinə və onların adından ödəmiş
olduğu mənfəət vergisini hesaba almır. ARDNŞ mənfəət
vergisindən qaytarılan məbləğləri ( podratçı tərəfin ödədiyi
faizlərdən və cərimələrdən qaytarılan məbləğlər istisna ol-
151
maqla) hər podratçı tərəfin adından və onun əvəzinə almaq və
özündə saxlamaq hüququna malikdir, ARDNŞ qaytarılan bu
məbləğləri almağı haqqında müvafiq podratçı tərəflərə
təsdiqedici sənəd verir.
Azı 30 cün qabaqcadan yazılı bildiriş göndərməklə, hər
podratçı tərəfin istənilən vaxt, hər hansı təqvim ilində ARDNŞ-
in mənfəət karbohidrogenlərində payından alınan vəsaitindən
həmin podratçı tərəfin mənfəət vergisinə dair ARDNŞ-in
öhdəliklərinin podratçı tərəfin seçdiyi beynəlxalq nüfuza malik
müstəqil müsahibat firmasına təftiş etdirmək ixtiyarı vardır.
Podratçı tərəf bu təftişin xərclərini çəkir və belə məsrəflər
əvəzi ödənilən məsrəflər sayılmır. Lakin belə bir təftiş son və
qəti şəkildə müəyyən olunan təqvim ilinə şamil oluna bilməz.
Bu son təftiş elə keçirilməlidir ki, ARDNŞ-in işinə əsassız
əngəl törətməsin. ARDNŞ özünün mənfəət karbohidrogenlərdə
payından alınan vəsitdən hər hansı təqvim ili üçün podratçı
tərəfin mənfəət vergisinin tamamilə ödənildiyini təsdiq
etməkdən ötrü auditora mümkün ola bilən hər cür şərait yarat-
malı və lazımi təminatlar verməlidir. Mənfəət vergisinin
ARDNŞ tərəfindən vaxtında ödənilməməsi nəticəsində hesa-
blanmış faiz və cərimələri podratçı ARDNŞ-in mənfəət
karbohidrogenləri payından çıxır.
Sazişdə xüsusi olaraq vurğulanır ki, ARDNŞ-in mənfəət
karbohidrogenləri payı onun podratçı tərəflər adından dövlət
büdcəsinə mənfəət vergisi ödəmək üçün kifayət edən məbləğdə
olmalıdır. Buna görə, yuxarıda qeyd edilən şərtə uyğun olaraq
ARDNŞ-in podratçı tərəflər adından mənfəət vergisinin
ödəməsini ARDNŞ və vergi müfəttişliyi bu verginin podratçı
tərəflərin ödədiyi kimi qəbul edir və podratçı tərəfləri karbo-
hidrogen fəaliyyətindən mənfəət vergisi ödəmək öhdəliliyindən
tamamilə azad edirlər. Sazişdə başqa hallar nəzərdə tutulmay-
ıbsa, vergi müfəttişliyi podratçının mənfəət vergisini ödəməsi
məsələsini ancaq ARDNŞ-lə həll edir.
Əgər ARDNŞ podratçı tərəfin mənfəət vergisi
Dostları ilə paylaş: |