Microsoft Word musfiq ramazanov docx
Yüklə 0,98 Mb. Pdf görüntüsü
|
İnformasiya sistemləri menecmenti 37 satışın, təchizatın, maliyyənin, istehsal və biznes proseslərinin maksimum avtomatlaşdırılması yolu ilə nail olunur. İnformasiya texnologiyaları istehsal prosesini tamamilə ləğv etməyə, rəqibləri yox etməyə və insanı son qərar qəbul etmək hüququndan məhrum etməyə qadir deyil. İnformasiya texnologiyalarına sahib olma müəssisədə hər bir uğura təminat verir, ona görə də təkmil informasiya sistemlərinin başlıca fərqi informasiya texnologiyalarına sərf edilən vəsaitlərin miqdarı ilə deyil, ancaq əlavə dəyərlə ölçülür. Qoyulan investisiyanın mənfəət gətirməsi üçün sadəcə olaraq İT-yə sahib olmaq kifayət deyil, eyni zamanda informasiya texnologiyalarından səmərəli istifadə etməyi bacarmaq lazımdır. İqtisadiyyatda informasiya texnologiyalarının əsas məqsədi əsaslandırılmış qərarların hazırlanmasına, maliyyə vəsaitinə qənaət edilməsinə, məhsuldarlığın yüksəldilməsinə nail olmaqdır. Buraya taktiki, qısamüddətli üstünlüklərə nail olmanın üsulları aiddir. İnformasiya texnologiyalarının strateji hədəfi menecmentə kömək etmək, bazarın dinamikasına reaksiya vermək, rəqabət üstünlüyünü yaratmaq və onu əldə saxlamaqdır. Son illərdə İKT sektoru iqtisadiyyatın aparıcı və dinamik inkişaf edən sahəsinə çevrilmişdir. 2003-2013-cü illər ərzində sektorun həcmi təqribən 20-25% illik artaraq, 2,0 milyard ABŞ dollarına çatmış, ÜDM-də payı 1,7%-ə, qeyri- neft ÜDM-də isə payı 3,3%-ə yüksəlmişdir. Sektora investisiya qoyuluşu təqribən 3,0 milyard ABŞ dolları təşkil etmişdir ki, bunun da 72%-i yerli biznes strukturları və xarici investorlar tərəfindən yatırılmışdır. Özəl sektorun payı 2003- cü illə müqayisədə 67,3%-dən 80%-ə yüksəlmişdir. MDB ölkələri arasında ilk dəfə Azərbaycan Respublikasında sabit telefon şəbəkəsi tam elektronlaşdırılmış və ölkənin bütün yaşayış məntəqələri telefonlaşdırılmışdır. Respublikanın bütün rayon mərkəzləri magistral fiber-optik telekommunika- İnformasiya sistemləri menecmenti 38 siya şəbəkəsinə qoşulmuşdur. Mobil şəbəkə genişləndiril- mişdir. Respublikada mövcud olan mobil operatorlar tərəfindən müasir 3G xidmətləri göstərilir. 2012-ci ildən ölkəmizdə 4G texnologiyasının da tətbiqinə başlanılmışdır. Ölkədə hər 100 nəfərə 110 mobil abunəçi düşür. Son beş ildə beynəlxalq internet kanalının tutumu 12,9 dəfə artaraq 200 Gbit/s-yə çatmış, internet xidmətləri bazarının həcmi təxminən 4 dəfə artmışdır. 2013-cü il fevralın 8-də Azərbaycan Respublikasının ilk telekommunikasiya peyki “Azerspace-1” orbitə çıxarılmışdır ki, bu da ölkəmizin müstəqillik dövründə əldə etdiyi ən yüksək texniki nailiyyətlərindəndir. Avropa, Yaxın Şərq, Orta Asiya və Afrika ölkələrinə telekommunikasiya, internet, televiziya- radio yayımı xidmətləri göstərməyə imkan verən peykin artıq kommersiya istismarına başlanılmışdır və o, yaradılmış infrastruktur vasitəsilə azərbaycanlı mütəxəssislər tərəfindən idarə olunur. BTİ-nin tövsiyələrinə uyğun olaraq, ölkəmizdə aparılan işlər yekunlaşmış və 2017-ci ildən rəqəmli yayıma keçid təmin edilmişdir. 2003-2013-cü illər ərzində poçt sahəsində xidmətlərin çeşidinin və keyfiyyətinin yüksəl- dilməsi, infrastrukturun müasirləşdirilməsi, kadr potensialının gücləndirilməsi, sahə üzrə fəaliyyətin liberallaşdırılması istiqamətində ardıcıl işlər görülmüşdür. Azərbaycan Respublikasında kompüter və elektron avadanlıqlarının, proqram məhsullarının istehsalı ildən-ilə artır. Son 5 il ərzində ölkənin informasiya texnologiyaları – İT sektoru təqribən 2 dəfə genişlənmiş və orta illik artım tempi 17% təşkil etmişdir. Ölkədə “elektron hökumət”in formalaşdırılmasına ciddi diqqət yetirilir və məmur-vətəndaş münasibətlərinin İT vasitələrindən istifadə etməklə sadələşdirilməsi, şəffaflaşdırıl- ması bürokratik əngəllərin qarşısının alınmasına xidmət edir. Ölkədə ”elektron hökumət”in zəruri infrastrukturları yaradıl- İnformasiya sistemləri menecmenti 39 mışdır. “Elektron hökumət” portalı artıq fəaliyyət göstərir, dövlət orqanlarının informasiya sistemləri arasında xüsusi infrastruktur vasitəsilə informasiya mübadiləsi aparılır, elektron imzanın istifadəsi üçün infrastruktur və sertifikat xidmətləri mərkəzləri yaradılmışdır. Nəticədə e-imzanın tətbiqi genişlənir, dövlət orqanları tərəfindən müxtəlif elektron xidmətlər göstərilir. Hazırda “Elektron hökumət” portalına qoşulmuş dövlət qurumlarının elektron xidmətləri “bir pəncərə” prinsipi əsasında əhaliyə təqdim edilir. “Elektron hökumət” portalı haqqında Əsasnamə”nin təsdiq edilməsi və elektron xidmətlərin genişləndirilməsi ilə bağlı tədbirlər barədə Azərbaycan Respublikası Prezidentinin 5 fevral 2013-cü il tarixli 813 saylı Fərmanı bu sahədə aparılan işlərə xüsusi təkan vermişdir. Qeyd edilənlərlə yanaşı, vətəndaşlara xidmətlərin daha keyfiyyətli, rahat, vahid məkandan və müasir innovasiyaları tətbiq etməklə həyata keçirilməsi, dövlət orqanlarının informasiya bazalarının qarşılıqlı inteqrasiyası, elektron xidmətlərin təşkili prosesinin sürətləndirilməsi, bu sahədə idarəetmə sisteminin təkmilləşdirilməsi məqsədi ilə Azərbay- can Respublikası Prezidentinin 2012-ci il 13 iyul tarixli 685 nömrəli Fərmanı ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və onun tabeliyində “ASAN xidmət” mərkəzləri yaradılmışdır ki, bu da qısa müddətdə özünü müsbət təcrübə kimi doğrultmuşdur. Görülən işlərin davamlılığının təmin edilməsi və milli potensialın gücləndirilməsi üçün İKT sahəsi üzrə yüksək ixtisaslı kadr hazırlığı genişlənir. Azərbaycan Respublikası Prezidentinin 2007-ci il 16 aprel tarixli 2090 nömrəli Sərəncamı ilə təsdiq edilmiş “2007-2015-ci illərdə Azərbay- can gənclərinin xarici ölkələrdə təhsili üzrə Dövlət Proqramı”nda İKT sahəsində yüksək nixtisaslı kadrların Yüklə 0,98 Mb. Dostları ilə paylaş:
|