Məşhur xeyriyyəçi Mahmud Ağa və naməlum muğam universiteti
209
Mahmud Ağa və məclisdəkilərdən bir çoxu son beyti
təkrarladı və əllərini süfrələr üzərindəki piyalələrə uzatdılar.
Seyid Əzim şərbət piyaləsini yerə qoydu; qəlbi nə isə pı-
çıldayır, deyəsən, yeni bir qəzəl düzürdü. O, əlini cibinə atıb
qələm və kağız çıxardı, elə süfrənin qırağındaca yazmağa baş-
ladı. İndi o nə məclisdəki söhbəti, nə hay-küyü, heç nə eşit-
mirdi. Elə bil bir anlığa təbiətdə susub böyük şairin qəlbindən
qələmə, oradan da kağız üzərinə süzülən sözlərin yazılıb qurtar-
masına, sonra da bu yeni incini dinləmək üçün gözləyirdi... Qə-
zəl bitdi, Seyid qələmi cibinə qoyanda Mahmud Ağa şuxluqla
bayazı çəkib onun əlindən aldı:
- Özüm, özüm oxuyacağam, şair, sənin ilk oxucun özüm
olacam. Bəri ver, ay uşaq, qulaq asın.
- Bu çağırışa ehtiyac yox idi, hamı onsuz da sükut içində
qəzəlin oxunmasını gözləyirdi. Mahmud Ağa xüsusi bir bəla-
ğətlə qəzəli oxudu və onun möhrə olan məqtə bəndini bir daha
ucadan təkrar etdi:
Çağırın Qeys ilə Fərhadı yığılsın başıma,
Seyyidəm, ərseyi-eşq içrə sipah istəyirəm.
Məclisdən afərin səsi ucaldı, quşların səsinə qarışdı.
Mahmud Ağa üzünü şairə tutub dedi:
- Seyyida, cəddinin təsəddüqü olum, gözəl sərkərdəsən.
Yaxşı da məşhur qoşunun var: Qeys, Fərhad... Yaxşı, bəs
möhtərəm eşq sərkərdəsi, məni qoşununda kimə şəbahət
edirsən?
Seyid Əzim dostunun zarafatına eyni şuxluqla cavab
verdi:
- Sən elə Mahmud Ağasan, bundan özgə şöhrət nəyinə
gərəkdi?
Mahmud Ağa ucadan, ürəkdən bir qəhqəhə sovurdu:
- Əhməd Ağanın ərvahına and olsun ki, doğru deyirsən,
əhsənullah» (44-136).
Seyfəddin Qəniyev, Səadət Veysova
210
Xanəndə Ağakərim Nafizin
«Ustadı əzəm» əsərindən...
«O dövrün Şamaxı varlıla-
rından Mahmud Ağa Əhməd
Ağa oğlu Məmmədzadə gözəl
səsi olan, musiqi alətlərində çal-
mağı bacaranları axtarıb tapır və
onların yetişməsinə yardım edir-
di. Bir gün Mahmud Ağa Hacı
Nəcəf bəy və xanəndə Kərbəlayi
Əli Əkbər Şamaxı mədrəsəsinə
gedirlər. Mahmud Ağa həm də
mədrəsədə oxuyanlara maddi
yardım göstərirdi. Onlar mədrə-
səyə daxil olanda bir uşağın gö-
zəl avazla Quran oxuduğunu gö-
rürlər. Səs bu üç böyük şəxsiyyə-
ti valeh eləmişdi. Soruşub öyrə-
nirlər ki, uşaq Dabbağ İsmayılın
oğlu Məhəmməd Həsəndir. O gündən sonra Mahmud Ağa Mə-
həmməd Həsəni nəzarət altında saxlayır, onun Quran qiraəti
dərslərini mükəmməlləşdirməsi üçün maddi yardım göstərir və
mədrəsə mollasına əlavə haqq ayırır ki, onunla daha yaxşı məş-
ğul olsun.
«Quran» dərsləri tamamlanandan sonra Mirzə Quran qa-
resi kimi məşhurlaşır. Çoxları onun ruhanilik etməsini istəyirdi.
Çünki heç bir Quran oxuyanda belə avaz yox idi. Hamı onun
Quran oxumağını eşidəndə valeh olardı.
Lakin Mahmud Ağa ondakı qeyri-adi səs imkanlarını gö-
rüb, Məhəmməd Həsəni xanəndəlik sənətinə çəkməyə çalışır.
Bunun üçün əvvəlcə Məhəmməd Həsənin özündə xanəndəlik
sənətinə həvəs oyatmaq lazım idi. Bir gün Mahmud Ağa bir
Ağakərim Nafiz
Məşhur xeyriyyəçi Mahmud Ağa və naməlum muğam universiteti
211
məclis qurub bütün Şirvan xanəndələrini bir yerə toplayır. O
məclisə Dabbağ İsmayılın oğlu Məhəmməd Həsən də dəvət
olunur. Məclis başlamamış Məhəmməd Həsənə təklif olunur ki,
o, bir neçə Quran ayəsi oxusun. Məhəmməd Həsən Quranı elə
gözəl avazla oxuyur ki, məclisdə oturan xanəndə və sazəndələr
hamısı heyran qalır. Bu məclisdə vaxtilə Şirvan xanı Mustafa
xanın sarayında xanəndəlik etmiş Əbülhəsən də (Həsən Çəp)
iştirak edirdi. Sənət sirlərini dərindən bilən, səsilə aləmə
meydan oxuyan, ilk dəsgah ifaçısı, qocaman xanəndə Həsən
Çəp Mahmud Ağanın:
- Ustad, necədir, bəyəndinmi? - sualına belə cavab verir:
- Quranı çox gözəl oxuyur. Lakin bu səs bir xanəndədə
olsa, daha gözəl olar. Bil bu səs insan boğazından deyil, ilan
boğazından çıxır!!! (6-17).
***
«Mən bu gecədə deyilənləri təkrar etmədən qısaca onu
deyərəm ki, Mahmud Ağa təkcə musiqidən zövq alan, ona
yüksək qiymət verən tarixi şəxsiyyət yox, həm də muğam
sənətimizin və xanəndələrimizin kamilləşməsi uğrunda
fədakarcasına çalışan vətəndaş idi. Mahmud Ağa musiqi
təhsilini kimdən, haradan almışdı? Necə olmuşdur ki, o, musiqi,
xüsusilə ən mürəkkəb janr olan muğamlarımızı incəliyinə qədər
bilmişdir? Bu qədər zəngin musiqi biliyinə, təcrübəyə malik
Mahmud Ağa hansı musiqi əsərinin, kitabının, əlyazmasının
belə müəllifidir? Hələlik bütün bunlara cavab verəcək tarixi
sənədimiz yoxdur. Bəlkə də bütün bu sənədlər 1902-ci il
zəlzələsində, yəni Mahmud Ağanın ölümündən 6-12 ay sonra
baş verən dağıdıcı zəlzələdə məhv olub. Lakin bütün bunlar
bizi o qədər də göynətmir. O, bunlarsız da musiqi tariximizdə
yaşayır. Onun əsərləri canlı insanlar, yəni bayaq Firidun bəyin
adlarını çəkdiyi muğam sənətimizin unudulmaz sənətkarları, o
cümlədən Mirzə Məhəmmədhəsən və başqalarıdır».
Yaşar Nuriyev, xalq artisti
Seyfəddin Qəniyev, Səadət Veysova
212
VIII FƏSİL
MAHMUD AĞANIN DOĞMALARI, QOHUMLARI
Mahmud Ağanı dərk etmək, böyüklüyünü, nəcibliyini
anlamaq üçün onun nəslindən olan insanlar haqqında qısa-
ca da olsa, ensiklopedik məlumatları oxucuların diqqətinə
təqdim etmək yerinə düşərdi. “Ot kökü üstündə bitər” deyib
atalar. Mahmud Ağa Azərbaycan tarixinə xan çinar əzəməti ilə
daxil olan görkəmli və nüfuzlu simalardan biridir. Onun
övladları, nəvələri, nəticə və kötükcələri bu möhtəşəm ağacın
gövdəsi, qol-budaqlarıdır. Bu nəslin nümayəndələrinin qəribə
və maraqlı taleləri olub. Yaşadığı zamandan və kimliyindən
asılı olmayaraq onlar Azərbaycan adlı bir vətənə, Azərbay-
can adlı dövlətə sadiq insanlar olublar. Qarşılarına çıxan faciə-
lərdən və fəlakətlərdən sarsılmadan, çəkinmədən ulu babaların-
dan qalan müqəddəs bir əxlaqı ömürlərinin sonuna kimi da-
şıyıblar. Əksəriyyəti elmlə məşğul olub, ölkələrində elmin,
maarifin və sənayenin müxtəlif sahələrinin inkişafı üçün
əlindən gələni əsirgəməyiblər. Məhz bu nəsildən olan insanların
taleyini vərəqləyəndə, geri dönərək keçmişə Mahmud Ağanın
həyatına yenidən nəzər salanda, onu adi musiqi məclisinin
təşkilatçısı, muğam bilicisi kimi yox, daha böyük miqyasda –
bir incəsənət məbədinin, muğam universitetinin yaradıcısı və
hamisi kimi başa düşmək mümkündür. Bu nəcib xeyriyyəçinin
dövrünü, onun gördüyü işləri göz önünə kim gətirsə etiraf
edəcək ki, Mahmud Ağanın öz sarayında qurduğu muğam məc-
lisi, bu məclislərin keçirilmə qaydaları, bura öyrətməyə və
öyrənməyə cəlb edilən müğənnilər, aşıqlar, xanəndələr və söz
xiridarları bir məclis üzvlərindən daha çox zəmanəsinin ən
müasir təhsil ocağına - muğam, seir və sənət akademiyasına da-
ha çox bənzəyir. Bu incəsənət məbədi Ağanın öz sarayında yer-
ləşirdi, “müəllimlər” bu sarayda yaşayırdı, bu sarayda
Dostları ilə paylaş: |