Milli Kitabxana
58
QABAĞA QAÇAN KİRŞƏ
ğlan ayaqlarına kirşə geyinib sürüşürdü. Kirşələr
qarın üstündə bir cüt ağ cızıq qoyub gedirdilər.
Kirşələrdən biri dedi:
—Əlbəttə, mən səndən yaxşı sürüşürəm.
Mən bilən ikimiz də yaxşı sürüşürük, o birisi cavab
verdi.
—Yox, yox, mən səndən xeyli yaxşı gedirəm. İstəsəm
ümumiyyətlə səni arxada qoyub çıxıb gedirəm. Doğrusunu
deyim ki, mənim belə bir planım var. Səninlə bir yerdə nə
qədər sürüşmək olar. Sən sürüşmürsən, tısbağa kimi
sürünürsən.
—Nahaq belə danışırsan, ikimiz də bir sürüşürük, —sol
ayağa geyilən kirşə cavab verdi. — Bir az insafla danışsan nə
olar?
—Sən mənə insafsız deyirsən? — sağ ayağa geyilən
kirşə hirsləndi. — Salamat qal, mən daha səni gözləmək
istəmirəm. Bu sözləri deyib sağ ayağa geyilən kirşə irəli atıldı.
Sol ayağa geyilən kirşə isə ondan incidiyi üçün dayanırdı ki, o
çıxıb getsin. Bu zaman qəribə bir iş oldu. Ayağına kirşə
geyinmiş oğlan arxası üstə qarın üstünə yıxıldı. Sağ ayaqdakı
kirşə havaya qalxdı və elə göydə iken dedi:
—Sənin acığına mən uçmaq istəyirəm. Bəli, bəli, özüm
beləcə uçuram ki, bəzi-bəzi kirşələr mənə həsəd aparsın. Oğlan
hirsləndi, onların hər ikisini ayağından çıxanb atdı.
Amma o kirşə başa düşmədi ki, həyatda heç də həmişə
irəli atılmaq adama xeyir gətirmir. Əgər onlar qoşa getsəydilər,
yəqin ki, hələ də xoşbəxt-xoşbəxt sürüşürdülər.
Milli Kitabxana
59
DÜNYANIN ƏN ƏDALƏTLİ GÖZƏTÇİSİ
ax gözətçi buna deyərəm: qollarını yana açıb düz
bostanın ortasında dayanıb. Bir quşun hünəri varsa
yaxınlaşsın. Qoruqçu elə bir səs çıxarar ki, quşun
bağrı yarılar: cırınq, zaranq, dratax!
Hərdən gözaltı yetişmiş çiyələklərə baxır, öz-özünə
fıkirləşirdi: Yəqin bal kimidi. Amma mən ondan birini də
qoparmaram. Haram şey nəyimə gərəkdi. Hə, qardaş, heç kəsin
malına əyri gözlə baxmaram. Hələ siz bostanın üstündə uçan
boz sərçələrə baxın, oğurluq etmək istəyirlər, haramzadalar.
Eybi yox, mən sizə göstərərəm. Cırınq, zaranq, drrax!".
Gözətçi pərən-pərən olmuş quşların arxasınca baxıb elə
bir şaqqanaq çəkdi ki, bostanın boz köpəyi hirslə hürüb
quyruğunu qapmağabaşladı.
Çiyələklər balaca, qaramtıl dişlərini göstərib deyirdi-
lər:
—Bizi yemək olar! Niyə gözlərini bərəldirsən, yesənə?!
Qarovulçu ağzının suyunu güclə saxlayıb deyirdi:
—Lənət şeytana. Yox, mən sizi yeyə bilmərəm. Səhər
bağ sahibinə nə cavab verərəm.
Orasını da deyim ki, bu ədalətli qarovulçunun ürəyi çox
təmiz idi və görünür elə buna görə də özündən deməyi yaman
xoşlayırdı. Ən çox sevdiyi məşğələ bir pələngi öldürməsi
haqqında rəvayəti danışması idi. Bir dəfə hardansa
çobanaldadan quşu uçub gəldi. Çobanaldadan çiyələk yemək
istəyirdi. O düz qarovulçunun qarşısına qonub dedi:
Milli Kitabxana
60
—Qardaş, o pələngi necə öldürdüyünü yaxşı-yaxşı
danış.
Qarovulçu şövqlə dedi:
—Hə, bir də gördüm ki, zolaqlı, xallı pələng gəlir.
Bığları da ki, qaydasında. Dişlərini yada salanda adamın ürəyi
yanlır. Düzdü, pələng çox böyük idi. Amma nə qədər böyük
olsa da mənim dizimdən ancaq olardı. Pələng bostanın ortasına
çatanda mən bir nərə çəkdim: drraxt! Onu gördüm ki, gumb bir
şey partladı: sən demə bu pələngin ürəyi imiş.
Səhəri onu sürüyüb apardılar. Bağ sahibi bax bunu
mənə onda bağışladı.
Çobanaldadan qarovulçunun söhbətinə qulaq asa-asa
çiyələk kollarını dənləyirdi. O, yetişmiş meyvələrdən yeyıb
cəh-cəhlə oxumağa başladı. Gözətçı qəzəblə qışqırdı: Cırınq,
zaranq, drraxt! Tez ol bostandan çıx.
Başımı söhbətə qatıb gör nə yeyir, qarınqulu.
Eh, çobanaldadan onun sözünə heç əhəmiyyət də
vermədi. Qırmızı çiyələklə qarnını doldurandan sonra uçub düz
qarovulçunun sarı, uzun burnuna qondu. Başqa quşlar bu
əhvalatı görüb ürəkləndilər. Bir anda bostana daraşdılar.
Qoruqçu necə hirsləndisə qırılıb yerə düşdü, Üstünün
zınqırovları hərəsi bir yana dağıldı.
Deyirlər ki, bostan pozulandan sonra uşaqlar onun
qollarını at kimi minib çapırmışlar. Qoruqçu isə hələ də işə
yaradığı üçün elə əvvəlki kimi sevinirmiş.
Orasını da deyim ki, bu əhvalat doğrudan da olub. Özü
də bilirsiniz harada? Kür çayı boyunca uzanıb gedən
bostanların birində.
Milli Kitabxana
61
AYTƏNLƏ ANARIN NAĞILI
ytənin gözləri qaradı. Böyürtkən kimi. Anarın
gözləri yumrudu. Yupyumru. İki damla mürəbbə
kimi. Onların ikisi də balacadı. Bapbalaca. Bir gün
bu dostların hərəsi bir tısbağa tapdı. Gölün sahilini
gəzəndə gördülər ki, tısbağalar yavaş-yavaş gölə girmək
istəyir. Əslində tısbağalar uşaqlardan qaçırdı. Amma neyləmək
olar, yerişləri çox asta olduğundan qarışqadan da yavaş
yeriyirdilər.
Əvvəlcə Anar tısbağanın birini qucağına götürdü, sonra
Aytən də ürəkləndi, tez o biri tısbağanı qucağına götürdü.
Sonra Aytən dedi:
—Kimin tısbağası qəşəngdir?
Anarın yumru gözləri elə parıldadı ki, elə bil indicə
bişmiş mürəbbə damlasıdı. Çopur tısbağanı qabağa uzadıb
dedi:
—Əlbəttə mənimki qəşəngdir!
Aytən ağ toppuş əlleri ilə bərk-bərk tutduğu yastı daşa
oxşayan tısbağasını sinəsinə sıxdı. Tısbağanın qarmaq kimi
əyri dırnaqları havada açıla qalmışdı. O, qara böyürtkən
gözlərini tısbağasına zilləyib dedi:
—Mənimki lap gözəldi, heç ona tay tapılmaz! Anarın
səsi titrədi:
—Mənimki ev boyda gözəldi!
—Mənimki bu küçə boyda gözəldi!
—Mənimki Bakı boyda gözəldi!
—Mənimki dünya boyda gözəldi!
Dostları ilə paylaş: |