Sona Xəyal
68
yətlə münasibətinə görə ədalətsiz hökmdarların belə qrup-
laşmasını qəbul edir və bunlar haqqında geniş danışır:
1.Ümumiyyətlə, rəiyyətin kasıblığına çalışan və bununla
da hakimiyyətinin əbədiliyini təmin etmək istəyənlər.
2.Cəmiyyətdə özündən ağıllı hesab edilən adamları
məhv etməklə öz taxt-tacını möhkəmlətmək istəyənlər.
3.Xalqın qəhrəmanlıq, mübarizlik ruhunu məhv etməklə
rəiyyəti kölə halına salıb özünə tabe etmək istəyənlər.
Monoqrafiyanın üçüncü fəsli “Məişət nağıllarında Şah
Abbas obrazı” adlanır və adından göründüyü kimi bütöv-
lükdə bu obrazın açılmasına həsr edilmişdir. Müəllif bir sı-
ra Azərbaycan nağıllarında Şah Abbas obrazını misal gös-
tərir və onu həm bir nağılın şah obrazı kimi səciyyələndirir,
həm də tarixi şəxsiyyət kimi rolunu qeyd edir.
Kitabın sonunda nəticə və ədəbiyyat siyahısı verilmişdir.
Kitab həm folklorşünaslıqla məşğul olmaq istəyənlər üçün,
həm də nağıllarımızın dəyərini, onların tariximizdə, milli
mentalitetimizdə oynadığı rolu öyrənmək baxımından qiy-
mətlidir. Kitabı oxuduqda və zəngin ədəbiyyat siyahısına
nəzər yetirdikdə hiss olunur ki, gənc tədqiqatçı-alimin uzun
illər çəkdiyi əzab-əziyyətinin bəhrəsidir. Müəllifə gələcək-
də daha böyük uğurlar arzulayırıq.
“Bütöv Azərbaycan”, 07-14.04.10.
YADDAN ÇIXMAYACAQ
Azərbaycan ədəbiyyatşünaslığı bir alim də itirdi. Dərin bil-
iyi, intellektual düşüncəsi, əhatəli nitqi, bütün insani dəyərləri
özündə ehtiva edən şəxsiyyəti, eyni zamanda heç kəsə bən-
zəməyən zahiri davranışı, rəftarı, ilə seçilən Bəxtiyar müəllim
haqqında keçmiş zamanda danışmaq nə qədər ağırdır.
Yaxşı müəllim olmazdan əvəl yaxşı insan olmaq lazım-
dır. Bəxtiyar müəllimin atası vaxtilə müxtəlif rayonlarda
katib vəzifəsində çalışıb. Amma Bəxtiyar müəllim bir dəfə
Yaddaşlarda yaşayacaq
69
də olsun öz keçmişi ilə fəxr etməyib. Çünki, onun buna eh-
tiyacı olmayıb. Hər məqaləsi başqa alimlərin bir kitabına
bərabər, bəzən isə hətta onu ötüb keçən bir alimin bu zama-
na kimi sadəcə elmlər namizədi olması, doktorluq disserta-
siyası otuz il bundan əvvəl hazır olsa da, müdafiəyə can at-
maması, ancaq və ancaq təmiz alim vicdanıyla, həqiqi mü-
əllim düşüncəsiylə, səmimi insan ürəyiylə baş-başa qalıb
şərəfli bir ömür yaşaması zəmanəmiz üçün bəlkə də möcü-
zədir. Bu gün Bəxtiyar müəllimin yas mərasimində tez-tez
onun bütün müəllimlərdən fərqli, bütün alimlərdən fərqli
bir ömür yaşaması faktı dilə gətirilir.
Filologiya elmləri doktoru Azadə Musayevanın görkəmli
türkoloq, filologiya elmləri doktoru, professor Samət Əliza-
də haqqında dediyi bir fikri xatırlayıram:”Samət müəllim
klassik müəllim xüsusiyyətlərini özündə qoruyub saxlayan
yeganə alimdir”. Mən bunu Bəxtiyar müəllimə də şamil
edirəm. Qoy müəllimlərim məndən inciməsin, tanıdığım
müəllimlər içərisində Bəxtiyar müəllimdən savadlı, məs-
uliyyətli, səmimi ikinci bir müəllim tanımıram. Bir dəfə Pe-
doqoji Universitetin professoru Xeyrulla Məmmədovla
söhbətimizdə söz müəllimlərdən düşdü. Dedim ki, ən çox
sevdiyim müəllimlər Samət Əlizadə və Bəxtiyar Məmməd-
zadədir. Xeyrulla müəllim gülə-gülə qayıtdı ki, Bakı Dövlət
Universitetində iki nəfər ciddi alim var, sən də onları seç-
misən”. Bu sözü yəqin ki, tələbələrin, hətta müəllimlərin
çoxu, əlbəttə, gücü çatanlar təsdiq edə bilərlər...
Bəxtiyar müəllim sadəcə “Bəxtiyar müəllim” idi. Bu
Bəxtiyar müəllimin içində elə bir aləm var idi ki, onu gö-
rənlər bəxtiyardır. Mən Bəxtiyar müəllimə ilk kitabımı ve-
rəndə belə bir avtoqraf yazmışdım:”Bəxtiyar tələbələrin
bəxtinə düşən Bəxtiyar müəllimə”. O vaxtdan on altı il ke-
çib. Hər dəfə Bəxtiyar müəllimə kitab verəndə nəsə yeni bir
söz yazmaq istəyirdim, amma hər dəfə qələmimə eyni söz-
lər gəlirdi:”Ən sevimli müəllimim Bəxtiyar Məmmədzadə-
yə”. Bəzən söz düşəndə müəllimlərim içərisində qibtə ilə,
Sona Xəyal
70
hətta paxıllıqla gileylənənlər də olurdu. Amma onları qına-
mıram, axı Bəxtiyar müəllimin içindəki aləmi görmək üçün
adi göz kifayət deyildi...
Haşiyə: Bəxtiyar Məmməd oğlu Məmmədzadə 1947-ci
il, fevralın 10-da anadan olub. 1964-cü ildə Bakıdakı 172
saylı orta məktəbi qızıl medalla, 1969-cu ildə Azərbaycan
Dövlət Universitetinin filologiya fakültəsini fərqlənmə dip-
lomu ilə bitirib. 1969-72-ci illərdə Biləsuvar rayonunun
Xırmandalı kənd orta məktəbində dil-ədəbiyyat müəllimi
işləyib. 1972-ci ildən BDU-nun Azərbaycan ədəbiyyatı ta-
rixi kafedrasının müəllimi idi, 1985-ci ildən dosent vəzifə-
sində çalışırdı. Eyni zamanda Asiya Universitetində şərqşü-
naslıq və filologiya fakültəsinin dekanı idi.
Bəxtiyar Məmmədzadə 1979-cu ildə “Nəcəf bəy Vəziro-
vun komediyalarında sənətkarlıq” mövzusunda namizədlik
dissertasiyası müdafiə edib. Hələ o zaman Abbas Zamanov
bu işin doktorluq dissertasiyası səviyyəsində olduğunu
qeyd edib.
Bəxtiyar Məmmədzadə yüzdən artıq elmi məqalənin mü-
əllifidir. Amma istəsəydi bu sayı beş dəfə artıra bilərdi.
Bəxtiyar müəllimin cəmi üç kitabı var, amma istəsəydi,
otuz kitab müəllifi ola bilərdi.
Onun “Seyid Əzim Şirvani anadilli poeziyasında bədii
dil (poetik sintaaksis)” kitabı görkəmli şairin yaradıcılığı
üzərində apardığı gözəl, dərin tədqiqat işidir. Bu yəqin ki,
Bəxtiyar müəllimin doktorluq dissertasiyasının bir hissəsi-
dir. Bədii dilin müəyyənləşməsində bədii semantika ilə bə-
dii sintaksisin vəhdətini zəruri amil hesab edən, poetik sin-
taksisin işığında məcazlar sisteminin daha dərindən aydın-
laşa bildiyini əsas götürən müəllif Seyid Əzim poeziyasın-
da istifadə olunan poetik fiqurları önə çəkir, onların özünə-
məxsus funksiyasını, xüsusiyyətlərini və potensial imkanla-
rını açıb göstərir. Burada bədii təyin, ellipsis, inversiya,
təkrir, təzad, bədii sual, nida, xitab haqqında məlumat ve-
rən müəllif bu vasitələrin Seyid Əzim poeziyasında yaratdı-
Dostları ilə paylaş: |