Yaddaşlarda yaşayacaq
65
ilahiyyatçı, ədib Xiyabaninin həyat və yaradıcılığını, eyni
zamanda Cənubi Azərbaycanda gedən milli-azadlıq hərəka-
tını öyrənmək baxımından dəyərli vəsaitdir.
“Kredo” qəzeti, 17.04.10.
ŞAH VƏ ŞAH OBRAZI
Azərbaycan folkloru öz zənginliyi ilə həmişə diqqət mər-
kəzində olub. Eləcə də folklorşünaslıq elmi il-ildən zəngin
tədqiqatları və dəyərli tədqiqatçıları ilə özünü təsdiqləyir ki,
bunun da bariz faktı Milli Elmlər Akademiyasında ayrıca
Folklor İnstitutunun fəaliyyətə başlamasıdır. Bir neçə il bun-
dan əvvəl yaradılmış bu elm ocağında hər il onlarla kitab işıq
üzü görür. Burada çalışan gənc alimlərin işləri də diqqəti
çəkir. Bu alımlərdən biri də Şakir Albalıyevdir.
Şakiri on ildir ki, tanıyıram. Hələ o zamanlar “Kredo” qə-
zetində onunla bağlı çap olunan “Tarix dərsləri” adlı silsilə
yazılardan, sonra onun “Şakir Əlifoğlu”, “Şakir Albalı” im-
zası ilə çap etdirdiyi publisistik yazılarından və daha sonra
namizədlik işi olan, folklorla bağlı elmi məqalələrindən....
1969-cu ildə Cəbrayıl rayonunda dünyaya göz açan,
1989-95-ci illərdə BDU-nun filologiya fakültəsində təhsil
alan, Cəbrayıl və Saatlı rayonlarında dil-ədəbiyyat müəlli-
mi işləyən, “Kredo” qəzetində məsul katib və şöbə müdiri
kimi çalışan, “Xudafərin” qəzetinin baş redaktoru olan Şa-
kir Əlifoğlu, nəhayət, uzun zəhmət və səydən sonra müda-
fiə edib filologiya elmləri namizədi alimlik dərəcəsi alaraq
bu sahədə də özünü təsdiqlədi.
Onun “Təknur” nəşriyyatında çap olunmuş “Azərbaycan
nağıllarında şah obrazı” adlı ilk kitabı elmı tədqiqat işidir.
Kitab AMEA Folklor İnstitutunun elmi şurasının qərarı ilə
nəşr olunmuşdur. Kitabın redaktoru AMEA-nın müxbir üz-
vü, professor Azad Nəbiyev, rəyçiləri f.e.d. Məhərrəm Cə-
fərli, f.e.n. Oruc Əliyevdir. Azad Nəbiyev kitaba ön söz
Sona Xəyal
66
yazmışdır. Gənc alimin işini müsbət qiymətləndirən profes-
sor monoqrafiyanın əhəmiyyətini qeyd edərək yazır:”Gənc
tədqiqatçı monoqrafiyada şah obrazının yaranma və inkişa-
fının tarixi əsaslarından başlayaraq, bugünəqədərki inkişaf
dövrünə ümumi bir nəzər yetirmişdir. Məsələ ilə bağlı ma-
raqlı cəhətləri müşahidə etmiş, idarəetmə üçün əhəmiyyətli
detallara diqqət yetirə bilmişdir. Tədqiqat göstərir ki, Şakir
Albalıyev nağılçılıq probleminə ümumiyyətlə yaxından bə-
ləddir, onunla bağlı həm praktiki, həm də nəzəri materialla-
rı kifayət qədər öyrənmişdir”.
Monoqrafiya giriş və üç fəsildən ibarətdir. Müəllif giriş-
də Azərbaycan folklorşünaslığının genişhəcmli janrı olan
məişət nağıllarının toplanması işindən və bu sahədə əldə
edilmiş müvəffəqiyyətlərdən söz açır və ömrünü folklorşü-
naslıq elminin inkişafına həsr edən dəyərli alimlərin nəşrlə-
rini diqqətə çatdırır. O, məişət nağıllarının bu vaxta kimi
əhatəli araşdırmaya cəlb edilmədiyini və ümumi tədqiqat-
larda isə nağıllardakı şah obrazına çox vaxt mənfi tərəfdən
yanaşıldığını qeyd edir, bu səbəbdən araşdırmaların dərin-
ləşdirilməsinə, daha əhatəli tədqiqatların aparılmasına bö-
yük ehtiyac olduğunu və bu səbəbdən də bu mövzuya mü-
raciət etdiyini bildirir.
“Nağılların təsnifi məsələlərinə dair” adlı birinci fəsildə
tədqiqatçı-alim nağıllarımızın yazıya alınması və nəşr olun-
ması ilə bağlı görülən işləri diqqətə çatdırır və bu sahədə zəh-
mət çəkən tədqiqatçıları, naşirləri minnətdarlıqla yad edir. Bu-
rada həm çap, həm də arxiv materiallarına istinad edərək, fol-
klor tariximizə bir növ ekskursiya edir, həm toplama
materiallarını, həm də tədqiqat işlərini diqqətə çatdırır.
Nağılların təsnifinin və tədqiqinin bəzi məsələlərinə öz
münasibətini bildirən müəllif Hənəfi Zeynallı, Məhəmməd-
hüseyn Təhmasib, Paşa Əfəndiyev, Vaqif Vəliyev, Azad
Nəbiyev kimi böyük alimlərin və bir sıra gənc tədqiqatçı-
alimlərin işlərini dəyərləndirir. Burada Yusif Vəzir Çəmən-
zəminlinin, A.Arne və N.P.Andreyevin, Azad Nəbiyevin
Yaddaşlarda yaşayacaq
67
tədqiqat işlərini və təsnifat üsullarını daha qabarıq göstərən
tədqiqatçı müqayisələr apararaq, hər bir xalqın nağılının
milli zəmində öyrənilməsinin vacibliyini qəbul edir və ya-
zır:”...dünya nağıl yaradıcılığının tərkib hissəsi olan Azər-
baycan nağıllarını dünya nağıl modeli ilə birləşdirən nə qə-
dər müxtəlif ümumiliklər olsa da, nağılların nə qədər müx-
təlif təsnifat qrupları və sistemləri mövcud olsa da, onu öz
milli zəminində, mövcud toplanma materialı əsasında araş-
dırmaya cəlb etmək gərəkdir. Bu mənada professor A.Nəbi-
yevin son təsnifatını əsas götürməklə Azərbaycan nağılları-
nı ənənəvi təsnifat bölgüsündə götürməyi daha düzgün he-
sab edirik: heyvanlar aləmindən bəhs edən nağıllar, sehrli
nağıllar, məişət nağilları, uşaq nağılları...”
Monoqrafiyanın ikinci fəsli “Məişət nağıllarında şah obra-
zının meydana gəlməsinin tarixi əsasları” adlanır. Tarixə üz
tutan müəllif Şərqin böyük nağıl kitabı hesab olunan və ilkin
şah obrazlarının göründüyü “Kəlilə və dimnə”dən başlayır,
onun ilk naşirlərindən biri olan Behnud ibn-Səhvanın kitaba
yazdığı müqəddiməyə istinad edərək, kitabın yazılma səbəbi-
ni açıqlayır, kitabın filosof Beydəba tərəfindən məhz şahların
tərbiyənləndirilməsi üçün yazıldığını diqqətə çatdırır. Daha
sonra “Min bir gecə nağılları”ndan bəhs açan tədqiqatçı-alim
hər iki silsilənin tarixi dəyərini göstərməyə çalışır.
Bu fəsildə məişət nağıllarındakı hökmdar obrazının sə-
ləfləri olan sehrli nağılların padşah, şah, xan obrazlarından
ayrıca danışan müəllif həm ədalətli, həm də ədalətsiz
hökmdarların səciyyəvi xüsusiyyətlərini göstərir. O, ədalət-
li şah obrazının tarixən formalaşması məsələsinə ciddi ya-
naşır və geniş, əhatəli tədqiqatları ilə fikirlərini əsaslandırır.
Bəzi nağıllarda zalım, ədalətsiz şahların sonda ədalətli
hökmdara çevrildiyini, bəzən isə əksinə, ədalətli şahların
cəmiyyətdə zalımlaşdığını göstərir və misallarla fikirlərini
əsaslandırır.
Tədqiqatçı məişət nağıllarında padşah və rəiyyət münasi-
bətlərini də araşdırır və tarixi tədqiqatlara əsaslanaraq, rəiy-
Dostları ilə paylaş: |