43
insandır və insan mənəvi başlanğıc kimi götürülür.
Ekzistensializm elmə inamı obyektivcəsinə sarsıdır).
Qlobalistikanın əsas istiqamətləri
Müasir dövrdə ictimai fikirdə qlobal problemləri
müxtəlif mövqelərdən nəzərdən keçirən istiqamətlər
meydana gəlmişdir. Buna səbəb nədir? Nəzərə almaq
lazımdır ki, sosial təbii proseslərlə əlaqədar yaranmış
narahatlığın əsas səbəbi
texniki inkişafın getdikcə artmaqda
olan mənfi nəticələridir.
Müasir dövrdə qlobalistikanın aşağıdakı beş
istiqamətini göstərmək olar:
1.
Texnokratik qlobalistika. Bu istiqamətin tərəfdar-
ları belə bir mövqedən çıxış edirlər ki, qlobal problemlərin
kəskinləşməsinin başlıca səbəbi elmi-texniki tərəqqi oldu-
ğundan, bu problemin həlli yalnız texnikanın
daha da tək-
milləşdirilməsi yolu ilə mümkün ola bilər.
2.
Postindustrial qlobalistika. Bu istiqamətin nüma-
yəndələri qlobal problemlərin səbəbini industrial
cəmiyyətdən postindustrial cəmiyyətə keçidlə əlaqədar
olaraq cəmiyyətin siyasi, sosial və iqtisadi strukturlarında
baş verən dəyişikliklərdə görür və belə hesab edirlər ki,
qlobal postindustrial cəmiyyətin yaranması ilə qlobal
problemlər həll olunacaqdır.
3.
Ekoloji-populist qlobalistika. Bu
istiqamətin
tərəfdarları qlobal problemlərin kəskinləşməsinin mənbəyini
cəmiyyətlə təbiət arasındakı qarşılıqlı əlaqələrdə görürlər.
Onların fikrinə görə, qlobal problemlərin
həlli üçün təbiət
elmlərinin ən son nailiyyətlərinin birləşdirilməsi və onların
siyasi qərarların qəbul olunmasında nəzərə alınması olduqca
vacibdir. Bu da son nəticədə texniki inkişafın antropogen
(insani) nəticələrinin aradan qaldırılmasına kömək
44
edəcəkdir. Onlar belə hesab edirlər ki, əsas çıxış yolu
“alternativ dünyagörüşündə” və yaxud da “üçüncü
yoldadır”.
Beləliklə, bu istiqamətdən aydın şəkildə görünür ki,
yuxarıda sadalanan hər üç istiqamət qlobal problemlərin
həllinə “utilitarpraqmatik” yanaşmanı gerçəkləndirir.
İkinci istiqamət, yəni insana onun ilkin orijinallığının
qaytarılması çərçivəsində isə “ekzistensial-mədəni qlobalis-
tika” (Ekzistensializm hesab edir ki, fəlsəfənin predmeti in-
sandır və onu sadəcə mənəvi başlanğıc kimi nəzərdən
keçirir) və “evolyusion-determinist qlobalistika”
istiqamətləri inkişaf etdirilir.
4.
Ekzistensial-mədəni qlobalistika. Bu istiqamətin
nümayəndələrinin genezisə baxışları daha genişdir. Onlar
qlobal problemlərin kəskinləşməsinin əsas səbəbini
mədəniyyətin dehumanizasiyasında görürlər. Müasir
böhranların həlli ilkin humanizmə qayıdışda axtarılır. İnsan
özünün mövcudluğu üçün bütün məsuliyyəti özü
daşımalıdır.
5.
Evolyusion-determinist qlobalistika (determina-
siya – bütün hadisələrin qanunauyğunluğu və səbəbiyyət
əlaqəsindən asılılılğı). Bu istiqamətin nümayəndələri hesab
edirlər ki, texnika fenomeni ontoloji (mövcudluq) statusa
malikdir, yəni elmi-texniki tərəqqi təbiətin inkişafının bir
hissəsidir. Bəşəriyyət
isə bü inkişaf prosesinə
uyğunlaşmalıdır, yaranmış böhranı isə təbiətin “müdrikliyi”
özü həll edəcəkdir.
Qlobalistikanın təşəkkül tapmasının
əsas mərhələləri
Bütün elm sahələri kimi qlobalistikanın da öz tarixi
və var. Lakin bu tarix yalnız bir neçə onillikdən ibarət
45
olduğu üçün onun tarixindən deyil, təşəkkül mər-
hələlərindən danışmaq daha doğru olardı.
Bu gün mütəxəssislər qlobalistikanın təşəkkülünün üç
mərhələsini qeyd edirlər. Həm də bu zaman qlobalistikanın
xüsusiyyətlərinin nəzərə alınmasının vacibliyini göstərirlər.
Ona görə ki, qlobalistika yalnız bir elmi sahə deyil, yəni
nəzəri
elmi sistem deyil, planetdə baş verən sosial təbii
prosesləri əks etdirən müəyyən bilik sistemidir. Buna görə
də qlobalistikanın təşəkkülünün mərhələləri, eyni zamanda
bəşəriyyətin inkişafının qlobal mərhələləridir:
Birinci mərhələ. Keçən əsrin 60-cı illərinə təsadüf
edir. Bu dövrdə istehsalın miqyası görünməmiş həcmdə
artır və təbiətin imkanlarına vurulmuş zərbələr üçün
təzminat tələb etməyə başlayır. Bu mərhələdə Roma klubu
(1968-ci il) yaranır və bu klub qlobal problematikanın
başlanğıcını qoyur.
İkinci mərhələ. Bu mərhələ ötən əsrin 70-ci illərinin
ortalarından 80-ci illərin ortalarına qədər davam edir. Bu
dövr Roma klubu üçün hazırlanmış pessimist məruzələrlə,
həmin dövrdəki neft böhranları,
inkişaf etmiş və inkişaf
etməkdə olan ölkələr arasında iqtisadi ziddiyətlərin
kəskinləşməsi ilə xarkterizə olunur.
Üçüncü mərhələ. Bu mərhələ ötən əsrin 80-ci
illərinin ortalarından başlayır və dünyanın siyasi xəritəsinin
dəyişməsi, yəni sosializm düşərgəsinin süqutu ilə bağlıdır.
Bu mərhələ onunla xarakterizə olunur ki, qlobal
problemlərin özləri ikinci plana keçir, birinci yerə isə qlobal
xarakter daşıyan sosial təbii proseslər çıxır.
Roma klubunun yaranması
Qlobal problemlərin ciddiliyi,
bəşəriyyətin gələcəyi
üçün təhlükə yaratması bu problemlərin araşdırılmasından
ötrü elmi mərkəzlərin, beynəlxalq qeyri-hökumət
təşkilatlarının yaranmasını vacib edirdi. İlk yaradılmış
46
təşkilatlardan biri
Roma klubudur. Roma klubu 1968-ci il
aprelin 6-7-də Romada yaranmışdır. Klubun yaranmasının
təsəbbüşkarı italiyalı menecer Aurelio Peççei olmuşdur. O,
İƏTT-nin (İqtisadi Əməkdaşlıq və İnkişaf Təşkilatının,
Paris) elmi məsələlər üzrə baş direktoru, fiziki kimya elmi
üzrə professor
Aleksandr Kinqlə birlikdə Avropanın təbiət,
sosiologiya, iqtisadiyyat və s. elm sahələrini təmsil edən 30
ən güclü nümayəndəsininin Romada görüşünü təşkil edir.
Görüşə toplaşan alimlər Hollandiyalı astronom Erix Yantsın
hazırladığı “Dünyanın planlaşdırılması prinsiplərinin ümu-
mi nəzəriyyə sistemi mövqeyindən hazırlanması cəhdləri”
adlı sənədi müzakirə edirlər. Sənədin əsas mahiyyəti,
A.Peççeinin sözləri ilə deyilərsə, aşağıdakından ibarət idi:
“Biz hazırda insan cəmiyyəti ilə onu əhatə edən ətraf
mühiti vahid sistem kimi dərk etməyə başlayırıq və bu
sistemin nəzarətsiz inkişafı cəmiyyətdə qeyri-sabitliyə
səbəb olur. Bu qeyri-sabitliyin
müasir mütləq səviyyəsi
dinamik sistemin yüksək inersiyalılığını (lat.
inertia –
hərəkətsizlik, fəaliyyətsizlik) müəyyən edir və bununla da
onun çevikliyini, dəyişmək və uyğunlaşmaq qabiliyyətinin
səviyyəsini aşağı salır.
Beləliklə, aydın olur ki, bu sistemdə heç bir daxili ki-
bernetik mexanizm yoxdur (yun.
kibernetik – idarə etmək
sənəti; maşın, canlı orqanizm və cəmiyyətdə informasiyanın
idarə olunması və ötürülməsi proseslərinin ümumi qanuna-
uyğunluqları haqqında elm) və makroproseslərin “avto-
matik” şəkildə özünütənzmləməsi həyata keçirilmir.
Planetin inkişafının bu cür kibernetik elementi yalnız və
yalnız insan ola bilər və o,
özünün gələcəyinin
formalaşmasına fəal surətdə təsir göstərə bilər. İnsan bu
vəzifəni əməli surətdə yalnız insan cəmiyyətinin bütün
mürəkkəb sistemi üzərində onu əhatə edən ətraf mühitlə
birgə kontkestdə nəzarət sayəsində yerinə yetirə bilər. Bu da