13
etməklə, həmin sənədi özündə saxlamalı idi. Üçüncü isə mustofi adlanırdı ki, o da bütün
hesabların düzgünlüyünə nəzarət edirdi. Nadir şahın bu yeni qaydalarında məqsədi bir
tərəfdən vergilərin yığılması sahəsində intizamı artırmaq idisə, digər tərəfdən feodal
istismarını gücləndirməkdən ibarət idi. Bu yeni qaydalar nəticəsində mərkəzdə və eləcə
də əyalət, şəhər və kəndlərdə aclıq və bahalıq daha da artırdı.
Nadir şahın siyasətinin məntiqi nəticəsi idi ki, bir çox şəhərlərdə, kəndlərdə və
ətraf yerlərdə, o cümlədən Muğanda, Təbrizdə, Gəncədə, Qazaxda, Loridə,
Gürcüstanda, Göyçə sahillərində, Qafanda, Naxçıvanda, İrəvanda aclıq və bahalıq baş
alıb gedirdi.
Nadir şah vergilərin toplanmasına böyük əhəmiyyət verirdi. Bu sahədə ən kiçik
qüsura yol vermiş adamı ciddi cəza gözləyirdi. Bəzən şahın belə hərəkətlərinə laqeyd
yanaşan məmurlar gəlir əldə etməkdən savayı heç bir şey haqqında fikirləşmirdilər. Bu
cəhətdən Naxçıvan hakimi Mirzə Rzanın hərəkətlərini misal göstərmək olar. Mənbələrin
verdiyi məlumata görə, erməni katalikosu Abram Kretasi Muğan qurultayından sonra
Nadir şahın hüzurunda Mirzə Rzanın hərəkətlərini ifşa edərək demişdi: «Sən Naxçıvan
torpağını məhv etmiş, rəiyyətlərdə mal-dövlət qoymamısan... sən hazırda Naxçıvan
vilayətində 1000 tümən rüşvət almısan əgər şah əmr etsə mən səndən hesabat tələb
edərəm çünki rəiyyətlərin pulu ya onlara qaytarılmalıdır, ya da şaha verilməlidir. Nə
üçün sən o pulları mənimsəmirsən?»
Mirzə Rza həqiqətən Naxçıvanda özbaşınalıq edirdi. O, 82 kənddən vergi yığdığı
halda, yalnız 700 tümən həcmində 32 kəndin vergisini xəzinəyə vermişdi Nadir şah ona
üç gün müddətində bütün vergilərin xəzinəyə təhvil verilməsini əmr etmişdi. Bununla
kifayətlənməyən şah ona cəza verdikdən sonra vəzifədən kənarlaşdırmışdı.
Nadir şahın daxili siyasəti təbii olaraq, geniş xalq kütlələrinin nifrətinə səbəb
oldu. Azərbaycanın başqa yerlərində olduğu kimi, Naxçıvanda da əhali ikiqat zülm
altında inləyirdi. Şəhərliləri və kəndliləri bir tərəfdən yerli feodallar, digər tərəfdən
xarici işğalçılar soyurdular. Məhz buna görə idi ki, yerli əhalinin bir hissəsi feodal
istismarından yayınmaq məqsədilə doğma yurdlarını tərk edərək əlçatmaz yerlərdə
sığınacaq tapırdılar. Naxçıvan bölgəsində Kəngərli tayfasının bəzi nümayəndələri
mərkəzə tabe olmadıqları üçün şah tərəfindən uzaq yerlərə — Əfqanıstana köçürüldülər.
Kəngərlilərin tabesizliyi Nadir şahda şübhə oyatdığı üçün bu tayfaya o qədər də etibar
etməyib, başqa yerlərdən fərqli olaraq, Naxçıvan əyalətini idarə etmək üçün buraya
həmin tayfadan iki hakim təyin etdi: birinci hakim-e ölke-yi Naxçıvan (Naxçıvan
ölkəsinin hakimi), ikincisi hakim-e tümən-e Naxçıvan və ya kəngərli tayfa başçısı və
süvari bölməsinin rəisi. Həm Naxçıvan ölkəsində kəngərli tayfasının aşağıdakı qolları
məşgərli tayfasının ən nüfuzlu nümayəndələrindən təyin edilirdi. Onlardan başqa
Naxçıvan ölkəsinin idarəsində vəkillər və tayfa ağsaqqalları da iştirak edirdilər. Arxiv
sənədlərindən məlum olur ki, bu dövrdə Naxçıvan ölkəsində kəngərli tayfasının
aşağıdakı qolları məşhur idi: Qızıllı, Sarbanlar, Ağabəyli, Qaradolaq, Əlixanlı,
Qaraxanbəyli, Qarabağlar və b.
Yeri gəlmişkən onu da qeyd edək ki, Nadir şah hələ hakimiyyət başına gəlməzdən
əvvəl sərkərdə olduğu zaman da kəngərli tayfasının nüfuzlu nümayəndələrinə şübhə ilə
baxırdı. Təsadüfi deyildir ki, Nadir 1736-cı ildə Muğanda tacqoyma mərasimini
keçirərkən orada tayfa başçısı Vəliqulu xan Kəngərli yox, Muğan qurultayında
14
Naxçıvanın nümayəndəsi kimi İrandan göndərilmiş özünün qəddarlığı ilə seçilən Mirzə
Rza iştirak etmişdi. Mirzə Rza Nadir şah tərəfindən cəzalandırıldıqdan sonra bir daha
Naxçıvana qayıtmadı. Böyük miqdarda rüşvət alan şahın qardaşı İbrahim xan onu
gizlətdi.
[17-18]
Naxçıvan ölkəsinin müvəqqəti hakimi Ağa Həsən təyin olundu. Lakin o da yerli
əhali ilə rəftarında fərqlənmədi Ağa Həsənin zülmündən cana gəlmiş yerli əhali silaha əl
atmağa məcbur olurdu. Həmin hadisəni qələmə alan salnaməçi bu barədə belə
yazmışdır: «... ölkə dilənçi vəziyyətinə düşmüşdür. Valideynlər öz uşaqlarını satmağa
məcbur olurdular. Lakin alıcı tapılmırdı. Bəziləri hətta arvadını, oğul və qızlarını qoyub
başqa ölkələrə qaçırdılar... Nadir şah uşaqları qul edib satırdı».
Nadir şah baş vermiş üsyanları çox qəddarlıqla yatırırdı. Tarixi ədəbiyyatda
Cənubi Qafqazda Nadir şahın siyasətinə qarşı baş vermiş kütləvi çıxışlar haqqında geniş
məlumat vardır. Naxçıvanda baş vermiş bu çıxışlar haqqında son zamanlar Moskvada
nəşr olunmuş bir əsərdə belə bir yazı verilmişdir: «Nadir çox qəddarlıqla üsyanı yatırdı.
O, İrəvan xanına tapşırdı ki, Naxçıvanda əhalinin əhval-ruhiyyəsini öyrənsin. Bu
məqsədlə o, yerlilərdən 33 nəfərlə söhbət apararkən çox hiyləgərliklə öyrənib ki, onlar
azadlıq barədə düşünürlər və bu haqda o, Nadir şaha xəbər vermiş. Nadir şah əmr etmiş
ki, onun siyasətindən narazı olanların gözləri çıxarılsın və əmlakları müsadirə edilsin.
Bəzi imkanlı şəxslər iranlı sərbazlara pul verməklə bir gözlərini saxlamışlar». Göz
çıxarmaq Nadir şahın ən «sevimli» cəzası idi. O, hətta şübhələndiyi doğma oğlunun da
gözlərini çıxartdırmışdı.
Lakin güclü təqiblərə baxmayaraq xalqın narazılığı artmaqda davam edirdi. Ağır
istismar ölkədə silahlı üsyanlara gətirib çıxarırdı. 1743-cü ildə Şirvanda baş vermiş
üsyan yatırıldıqdan sonra 1746—1747-ci illərdə Azərbaycanı, Gürcüstanı yeni üsyanlar
bürüdü.
1747-ci il mart ayının 15-də Rusiyanın İrandakı səfiri M. M. Qolitsin yazırdı:
«İndiki zamanda İran əyalətlərinin hamısında qorxulu vəziyyət yaranmışdır. Gəncədə,
İrəvanda, Naxçıvanda, Tiflisdə əhali pul cərimələrindən cana gəlmiş, kiçikdən
böyüyədək, hətta yerli hakimlər qiyam qaldırır, var-dövlətləri və mal-qarası ilə dağlara
çəkilirlər»
5
. Kim bilir əfşar zadəganları tərəfindən sarayda törədilmiş sui-qəsd
nəticəsində Nadir şah öldürülməsəydi xalqın taleyi necə olacaqdı.
[20-21]
1747-ci ildə Nadir şahın dövləti süquta uğradıqdan sonra kəngərli tayfa başçısı
Heydərqulu xan yerli feodallara arxalanıb, Ağa Həsəni hakimiyyətdən uzaqlaşdıraraq
özünü Naxçıvan xanlığının müstəqil hakimi elan etdi.
XVIII əsrin ortalarında Azərbaycan ərazisində yaranan 18 xanlıqdan biridə
Naxçıvan xanlığı oldu.
5
Ф.М. Алиев. Ширванское восстание 1743г., Изв. АН Азерб. ССР. 1967