Tofiq Köçərli
- 36 -
Qarabağ: Yalan və Həqiqət
Peterburqda necә işlәmәlәri barәsindә aşağıdakı sәnәd müәyyәn tәsәvvür yaradır.
Hәmin sәnәd belә adlanır: “1712, iyunun 8-i. İzrael Ori adından vardapet, Minasın çara
verdiyi hәdiyyәlәr haqqında”. Hәmin sәnәdә görә I Pyotra 31 adda qiymәtli hәdiyyәlәr
verilmişdi (qızıl vә gümüş bilәrziklәr, Şamaxı ipәk parçası, bir neçә növ İran vә Hind
parçaları, beş xalça, yeddi bәbir dәrisi, iyirmi altı at..., bir pud kofe, fındıq-qoz).
104
Bununla kifayәtlәnmәyәn ermәni xadimlәri, mәsәlәn, katolikos İsay I Pyotra yeni
hәdiyyәlәr hazırlamışdılar. 1716-cı il avqustun 13-dә İsay I Pyotra tam açıqlıqla
yazmışdı:
“İzrael Ori mәni Hәştәrxana gәtirmişdi ki, aparıb Siz imperator әlahәzrәtinә tәqdim
etsin, mәn isә özümlә Siz çar әlahәzrәti üçün hәdiyyәlәr götürmüşdüm”, lakin Ori
Hәştәrxanda vәfat etdi, mәn Qarabağa geri qayıtdım.
105
Ermәni emissarları I Pyotru İran ilә müharibәyә sövq etmәyә vә belәliklә rus qoşun-
larının Azәrbaycanı tutmasına cәhd göstәrirdilәr. Lakin emissarlar birinci dәfә vaxtı düz
seçә bilmәmişdilәr. İsveçlә müharibәnin qızğın çağı idi. Veliçkonun yazdığına görә, I
Pyotr “avantürist İzrael Orinin ... tәlәsinә düşmәdi” vә ermәni nümayәndәlәrinә bildirildi
ki, I Pyotr “hazırda İsveç müharibәsi ilә mәşğuldur”. Belәliklә I Pyotr “özünü avantüraya
cәlb etmәyә qoymadı”.
106
Bununla belә ermәni emissarları I Pyotrun qәlbini әlә almağa nail olmuşdular.
Bunun nәticәsi idi ki, I Pyotr, İzrael Orinin sәrәncamına qırx minlik Rusiya qoşunu
vermәyi tapşırmışdı. Lakin “İzrael, hәr bir adama xas olan tәvazökarlıq göstәrib padşaha
dәrin minnәtdarlıq bildirәrәk, hәmin yüksәk lütfdәn imtina etmişdi”.
107
Mәsәlә әsla “tәvazökarlıqda” deyildi. Oriyә tәvazökarlıq yad idi. Veliçkonun yazdığı
kimi, Ori fırıldaqçı (“proxodimeü”) vә avanturist idi. Onun mәqsәdi Rusiyanı İranla
bilavasitә geniş miqyaslı müharibәyә, Azәrbaycana bilavasitә qoşun yeritmәyә tәhrik
etmәk idi. Qarabağ ermәnilәri fәallaşaraq I Pyotra dalbadal mәktublar göndәrirdilәr.
Katolikos İsay 1716-cı ilin avqustun 13-dә I Pyotra yazırdı ki, qoşunu Azәrbaycana
yeridәrkәn “bizә qabaqcadan әmr edin, qoşununuzu müşayiәt etmәk üçün öz
adamlarımızı göndәrәk, Sizin qoşunlarınıza münasib keçid yolu göstәrsinlәr”.
108
Tofiq Köçərli
- 37 -
Qarabağ: Yalan və Həqiqət
Başqa bir mәktubda Qarabağ ermәni mәliklәrinin Rusiyaya birlәşmәk istәyi, habelә
“öz güclәri ilә tatarları qırmaq” әzmi ifadә olunurdu. Eyni zamanda mәliklәr “öz güclәri
ilә tatarları qırmaq” üçün I Pyotrdan qoşunla kömәk göstәrmәyi xahiş edirdilәr!
Azәrbaycanı zәbt etmәkdә, Rusiyanın tәsir dairәsini genişlәndirmәkdә xüsusi marağı
olan I Pyotr mәliklәrә hәrtәrәfli kömәk vәd edir, onların separatizminә rәvac verirdi.
I Pyotrun Xәzәryanı vilayәtlәrә yürüşü başladı. 1722-ci ilin iyulunda rus hәrbi
flotiliyası Hacıtәrxandan (Hәştәrxan) Xәzәr dәnizinin Azәrbaycan sahilinә istiqamәt
götürdü. Bu sәfәrdә qarabağlı vardapet Minas da iştirak edirdi.
109
Lakin flotiliya müxtәlif
sәbәblәrә görә Bakıya gölә bilmәdi. I Pyotrun başçılığı altında Hәştәrxandan quru yolla
hәrәkәt edәn Rusiya qoşunları avqustun 23-dә Dәrbәndi tutdular. I Pyotrun fikri şәxsәn
Şamaxıya gәlmәk idi vә bu haqda gürcü çarı VI Vaxtanqı xәbәrdar etmişdi.
Ermәni mәliklәrinin tәlәm-tәlәsik tәşkil etdiklәri silahlı dәstәlәr VI Vaxtanqın silahlı
qüvvәlәri ilә birlikdә Şamaxıya getmәli vә orada I Pyotrun qoşunları ilә birlәşmәli idilәr.
Vaxtanqın vә mәliklәrin qüvvәlәri Gәncә yaxınlığında toplaşaraq, 25 gün orada
qaldılar.
110
I Pyotrun Şamaxıya gәlmәsini gözlәdilәr.
Lakin I Pyotr tezliklә Dәrbәnd qalasını tәrk edib geri qayıtmalı oldu.
Bununla belә I Pyotr Azәrbaycanı tutmaq planından әl çәkmәdi. Onun göstәrişi ilә
1723-cü ilin iyununda Rusiya hәrbi donanması Hәştәrxandan Bakı istiqamәtindә hәrәkәt
etdi. Donanma general Matyuşkinin komandanlığı altında iyulun 6-da Bakıya çatdı.
Bakı sultanı Mәhәmmәd Hüseyn bәy rus qoşunlarını Bakıya buraxmaq haqqında
Matyuşkinin tәlәbini qәti rәdd etdi vә şәhәr darvazalarını bağlamaq әmri verdi. Lakin
şәhәri müdafiә etmәk mәsәlәsindә birlik yox idi. 700 nәfәr әsgәrdәn ibarәt Bakı
qarnizonunun komandiri yüzbaşı Dәrgahqulu bәy şәhәri tәslim etmәk tәrәfdarı idi. Artıq
rus hәrbi donanmasının Bakıya yan almasından 20 gün keçmişdi. Ancaq Bakı hәlә
tutulmamışdı. Nәhayәt, iyulun 27-dә Matyuşkin Bakı sultanı Mәhәmmәd Hüseyn bәyә
mәktub göndәrәrәk, şәhәri danışıqsız tәslim etmәyi tәlәb etdi. F.M.Әliyevә görә, hәmin
mәktub Bakının hakim qrupları arasında mübarizәdә hәlledici rol oynadı. Matyuşkinin
mәktubuna sultan Mәhәmmәd Hüseyn bәy yox, yüzbaşı Dәrgahqulu bәy vә onun
qardaşı Hacı Әmin cavab verdilәr, Müsbәt cavab. İyulun 28-dә şәhәr heç bir
müqavimәtsiz tәslim edildi.
111
Rus komandanlığı Mәhәmmәd Hüseyn bәyi vә onun
Tofiq Köçərli
- 38 -
Qarabağ: Yalan və Həqiqət
qardaşlarını hәbs edәrәk Hәştәrxana göndәrdi. Oradan isә onlar I Pyotrun şәxsi göstәrişi
ilә Roqaçevskә köçürüldülәr. Lakin bununla iş bitmәdi. Akademik Butkov yazır: 1724-cü
ildә “Bakıda qәsd aşkar edildi. Xәbәr çatdı ki, yüzbaşı Mahmud Dәrgahqulu öz
qızılbaşları ilә Rusiya qarnizonuna hücum etmәk vә rus әsgәrlәrinin hamısını qırmaq
niyyәtindәdir. Bu haqda o, artıq Davud bәylә (Hacı Davud Şamaxı xanı idi - T.K)
yazışmışdır. Davud bәy seçmә qoşunla, tәyin olunmuş gündә Şamaxıdan Bakıya gәlmәli,
yüzbaşı onunla birlәşmәli vә Bakıda bütün xristianlar qılıncdan keçirilmәli idi. Şәhәrdә
kiçik bir qarnizon var idi, düşmәnlәr öz niyyәtlәrini rahatca hәyata keçirә bilәrdilәr, lakin
onların qәsdi vaxtında aşkar olundu: yüzbaşı adlı-sanlı cinayәt yoldaşları ilә Portunun
himayәsinә keçdi, başqaları hәbs olundular, bәzilәri ölümә mәhkum edildi, qalanları ...
Rusiyaya göndәrildi; şәhәr olduqca boşaldı”
112
O ki, qaldı Dәrgahqulu bәyә, o, 1727-ci
ildә bağışlandı vә tәzәdәn Bakının sultanı oldu. 1730-cu ildә o, Tәhmasib şah tәrәfinә
keçdi. Sәlim xan Bakının sultanı oldu. İki il-dәn sonra Dәrgahqulu bәy tәzәdәn
bağışlandı vә Bakıya qayıdaraq Maştağada yaşadı.
113
Rusiyanın Bakıda hökmranlığı uzun çәkmәdi. 1732-ci ildә Rәştdә Rusiya ilә İran
arasında bağlanan müqavilә әsasında Bakı vә Azәrbaycanın digәr Xәzәryanı vilayәtlәri
tәzәdәn İrana verildi.
Lakin mәtlәbdәn uzaqlaşmayaq.
I Pyotrun Dәrbәnddәn Petroqrada qayıtması vә onun Şamaxıya gәlmәk niyyәtinin
baş tutmaması nәticәsindә VI Vaxtanqın vә ermәni mәliklәrinin I Pyotrla Şamaxıda
birlәşmәk planı puç oldu. Vaxtanq Tiflisә, mәliklәr isә öz yerlәrinә qayıtmağa mәcbur
oldular. İsay yazmışdı: “Ümidlәrimizdә aldanmış bizlәr, hәr birimiz öz yerlәrimizә
qayıtdıq vә çәtinliklә gedilә bilәn dağlarda möhkәmlәndik”.
114
1723-cü ildә osmanlılar Tiflisi tutdular. “Ümidlәrindә aldanmış” Qarabağ ermәni
mәliklәri tamamilә tәklәndilәr vә dәrhal yeni sәmt götürdülәr. Bu haqda ermәni müәllifi
P.Arutunyan belә bir sәnәd gәtirir: “Çilәbirddәn Sarkis qızılbaşların, Gülüstandan İsay
osmanlıların tәrәfdarıdır; İsay (Tiflisә) osmanlıların yanına getdi ki, onları (Qarabağa)
gәtirsin. Mәlik Nağının nәvәsi Mәlik Bağır da qızılbaşların tәrәf-darıdır”.
115
I Pyotrun Xәzәryanı vilayәtlәrә basqını zamanı Gәncә bәylәrbәyiliyinә tamamilә
etinasızlıq göstәrәn mәliklәr Gәncә ilә әlaqәlәrini bәrpa etmәyә çalışdılar. Onlar
Dostları ilə paylaş: |