- 36 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
NİGAR ZEYNALOVA
Azərbaycan Dillər Universiteti
nigarzeynalova777@gmail.com
UOT:37
TƏLƏBƏLƏRDƏ KREATİVLİYİN İNKİŞAFININ ƏSAS ŞƏRTLƏRİ
Açar sözlər: kreativlik, təxəyyül, layihə, inkişaf, tələbəyönümlülük, eksperiment
Key words: creativity, imagination, project, development, student-centered, eksperiment
Ключевые слова: креативность, воображение, проект, развитие, студенто-
ориентированность, эксперимент
Kreativlik bütün insanlarda mövcuddur. Bu, anadangəlmə xüsusiyyət hesab olunur. Uşaqlar
lap kiçik yaşlarından oyuna böyük maraq göstərirlər, çünki həmin fəaliyyət növü təxəyyül
imkanlarını işə salaraq, müxtəlif situasiyaları canlandırmağa, arzuolunan vəziyyətləri
reallaşdırmağa şərait yaradır: kibrit qutusu - yük avtomobili, gəlincik - qızcığaz, taxta parçası -
avtomat və s. Uşaqlar böyüdükcə, onların kreativliyi ya inkişaf edir, ya da qeyri-ixtiyari təzyiq
nəticəsində boğulur. Yaradıcılıq potensialı üzə çıxmayan tələbələr, adətən, öz fikirlərini
söyləməkdən çəkinir, müəllimin gözlədiyi cavabları səsləndirməyə üstünlük verir, yeni, fərqli
təşəbbüslər və orijinal ideyalar irəli sürməyə ehtiyat edir, qorxurlar. Tədqiqatlar sübut etmişdir ki,
müəllimlər əksər hallarda şagirdlərin “çərçivə”dən kənara çıxmalarını, “riskli” cavablar vermələrini
dəstəkləmirlər. Ənənəvi təhsil prosesində formalaşmış stereotiplər tələbələrin nəinki səhvə yol
vermək, hətta fikir söyləmək, mühakimə yürütmək kimi fəaliyyətlərinin qarşısını almışdır. Ənənəvi
təhsil sistemində təhsil alan müəllimlər daha çox müəllimyönümlü yanaşmaya üstünlük verirlər. Bu
yanaşma hazır “reseptlər” əsasında təlim prosesinin təşkilini nəzərdə tutur. Müəllim dərslikdəki
məlumatı tələbəyə ötürür və həmin məlumatı da geri tələb edirdi. Belə olan halda müəllimin
fəaliyyəti təhsil alanların kreativliyinə imkan yaratmırdı və onlar verilmiş şablon çərçivəsində
hərəkət etmək, fəaliyyət göstərmək məcburiyyətində qalırdılar. Təlimin bu şəkildə təşkili müəllimi
artıq problemlərdən azad edirdi.
Təlim prosesinin problem üzərində təşkili, təhsil alanın həmin məsələnin həllinə cəlb
olunması bir tərəfdən öyrənənlərin məsuliyyətini artırır, tələbələrdə problem həlli, qərar qəbulu
kimi bacarıqların formalaşdırılmasına zəmin yaradır, digər tərəfdən də müəllimin yaradıcılığı üçün
geniş üfüqlər açır. Beləliklə, kreativliyin bu və ya digər səviyyədə inkişafı labüdləşir.
Məqalənin giriş hissəsində qeyd edidiyi kimi, kreativliyi həm keyfiyyətcə yüksəltmək, həm
də məhdudlaşdırmaq mümkündür. Potensialın kəşfi üçün müəllim tələbəsini kreativliyə
həvəsləndirən təlim mühiti yaratmalıdır. Kreativ təlim mühiti aşağıdakı amillərə əsaslanır:
Tələbələrin kreativ və innovativ töhfələrini dəyərləndirilmək;
Təlim proqramını, sillabusu həddindən artıq yükləməkdən yayınmaq;
Vaxtdan
səmərəli istifadə etmək;
Araşdırmaq, tədqiqat aparmaq üçün öyrənənlərə şərait yaratmaq;
Diskussiya, ətraflı
refleksiya, təhlil üçün ayrıca vaxt müəyyənləşdirmək;
Tələbələrə materialı dərindən analiz etmək, fənlərarası və fəndaxili əlaqələri müəyyənləşdirmək
imkanı vermək;
Tədris planında müxtəlif bacarıqların formalaşmasını və fəaliyyətlərin reallaşmasını təmin etmək;
Fənlərarası tarazlığı, balansı
tənzimləmək;
Kreativliyin inkişafını tədris fənlərinin hər birinin məzmununda nəzərə almaq, onun inkişafı
üçün zəmin yaratmaq;
Tələbələrdə
kreativliyi inkişaf etdirmək məqsədilə qrupdaxili davranış qaydaları
müəyyənləşdirmək;
- 37 -
Yeniliklərin tətbiqində baş verə biləcək maneələri və riskləri əvvəlcədən
nəzərə almaq;
Öyrənənlərə risklərə hazır olmağı təlqin etmək.
Təlim prosesində kreativliyin formalaşdırılmasını təmin edən tapşırıqların yerinə yetirilməsi
öyrənənləri əməkdaşlığa səsləyir. Müəllim təhsil alanlara qabaqcadan hazırladığı tapşırıqları verir,
onları məzmun üzərində fəaliyyətə cəlb edir və yüksək səviyyəli kreativ təfəkkürün inkişafını təmin
edən növbəti mərhələyə keçidi planlaşdırır. Mövzunu və fənni daha dərin mənimsətmək üçün
müəllim fəndaxili və fənlərarası inteqrasiyadan da yararlana bilər. Belə ki, fənn üzrə mövzular ayrı-
ayrı deyil, proqramda yer alan digər mövzularla əlaqəli şəkildə tədris edilməli, onlar arasında
inteqrativlik nəzərə alınmalı, yeni biliklər keçmiş biliklər üzərində qurulmalı və növbəti mərhələyə
keçid təmin olunmalıdır. Universitet və auditoriyada innovasiya və yaradıcılığı dəstəkləyən mühitin
yaradılması özü də kreativliyin inkişafına təkan verən vacib amillərdəndir. Nümunə kimi verilən
keysi nəzərdən keçirək. Təhsil alanlarda kreativliyin inkişaf etdirilməsi məqsədilə Argentinanın
Buenos-Ayres şəhərinin St.Endrüs Skots Skulu tərəfindən maraqlı bir yanaşma irəli sürülmüşdür.
Onlar kreativ, tənqidi təfəkkürün inkişafında məkanın, mühitin dizayn və tərtibatının böyük təsirə
malik olması qənaətinə gəlmişlər. İlk növbədə mühit ənənəvi müəllimyönümlü yanaşmadan
tələbəyönümlüyə transformasiya olunmalıdır, təhsil müəssisəsinin hər bir məkanı təhsilin yeni
paradiqmini təcəssüm etdirməlidir. Onların fikrincə, ənənəvi sinif, partaların düzülüşü mühiti təhsil
alanların müstəqilliyini məhdudlaşdırır, yaradıcı prosesi boğur və kreativliyin inkişafının qarşısını
alır. Hətta ənənəvi kitabxana mühiti də öyrənənlərə təlim materialından tam şəkildə bəhrələnməyə
imkan vermir. Təlimin davamlı, çərçivəyə sığmayan proses olduğunu nəzərə alaraq, onlar kitabların
yalnız kitabxanada mərkəzləşməsinin əleyhinə çıxmış və təhsil ocağının dəhliz və departamentlərə
köçürülməsini təklif etmişlər. İdeyanın tərəfdarları təhsil alanlara istənilən məkanda nəzarətsiz və
sərbəstliklə kitab seçmək, dəyişdirmək imkanı verməyi məsləhət görmüşlər. Bununla cəmiyyətə
təlimin məhdudiyyət və məcburiyyət sevməyən ən üstün dəyər olması haqqında mesaj ötürülür.
Kitabxana mühiti maraqlı təlimə münbit şərait yaratmalıdır. Bu məqsədlə üç məkan
yaradılmışdır:
1.
Transformer tipli yüngül masalarla təchiz olunmuş böyük zal;
2.
Mağara tipli, meşə, təbiət mühitini xatırladan
sakit otaq;
3.
İki proyektorla təchiz olunmuş, qrup və əməkdaşlıq şəraitində işləmək imkanı yaradan,
təhsil alanlara divarlarda fikirlərini təbaşirlə yazaraq ifadə etmək imkanı verən otaq. Divarların tünd
rəngdə boyanması prosesin daha keyfiyyətlə reallaşdırılması üçün əvəzolunmaz şərait yaradır.
KREATİVLİK
Sualı
aydınlaş
dırmaq və
yenidən
nəzərdən
keçirmək
Metaidrak
Kreativ
olmağa inam
Əlaqələr
yaratmaq
Təcrübələr
aparmaq
Status-kvonu
qəbul
etməmək
Risklərə hazır
olmaq
Müxtəlif
imkanlar
yaratmaq