19
əyilmiş fiquruna və gözlərinə (ill. İİİ) heç də dünyadakı münasibətlərdən məzluma dönmüş adamın
görünüşü kimi baxmaq gərək deyil. Bizcə, bu əsərin motivini Şərqdə məşhur olan «İsa
peyğəmbər
və onun eşşəyi» motivi ilə bağlamağa əsas var. İsa peyğəmbər isə bu mədəniyyətdə heç vaxt
məzlumluğun simvolu olmamışdır. Əgər dediyimiz düzdürsə, deməli, sufi, «məzlum» görünüşdə
belə, peyğəmbər əzəməti ilə qavranıla bilərdi.
İll. İİİ
Göründüyü kimi, jest, poza tipli plastik bildiricilər və bu bildiricilərin incəsənətdə
görükdürülməsi baxımından Ortaçağ mədəniyyəti
yetərincə mürəkkəb, ziddiyyətli idi. Ədəb,
nəzakət, baxımlılıq prinsipləri ilə yaxşıya, pisə ayrılmış plastik bildiricilər sırası təsəvvüfdə hansısa
hallarda saxlanılırdı. Ancaq bir çox durumlarda dünyagörüşlərinin toqquşması sonucunda həmin
cərgə tərsinə çevrilirdi. Sufilər yaxşı sayılanı pis, pis sayılanı isə yaxşı saymağa başlayırdılar (68).
Beləliklə, Orta yüzillərdə insan başqaları ilə ünsiyyətdə yalnız öz sözü ilə deyil, öz üzü,
gözü, jesti, bədəni ilə də iştirak edirdi. Həm də axırıncılar zahiri əlamət kimi ölgün olmayıb, bir çox
hallarda dəyişgənliyin əks-sədası kimi bədəndə təzahür edirdilər. Jest və pozalar hətta içəridə olanı
gizlətmək üçün, yalandan işlədiləndə belə, onun insan ünsiyyəti üçün nə qədər güclü araç olduğu
üzə çıxırdı. Yalan hər bir toplumda pislənsə də, ictimai məkanda həmişə öz işini görürdü.
20
Davranış bildiricisindən görünən insan
Orta yüzillərdə insan davranışları ard-arda düzülmüş bildiricilər sırası kimi qavranılırdı. Biz,
əslində, yuxarıda jest və pozadan danışanda bəzən davranışın semiotikasına da toxunurduq. Bu isə
təbiidir. Çünki jest və poza ilə davranış arasında çox böyük yaxınlıq, ilişgi var və bəzən onları
ayırmaq çətin olur. Ona görə də jest və poza bildiricilərindən davranış bildiricisini ayırmaq üçün
güclü göstəricilər tapmaq semiotikanın öhdəliklərindən biridir. Bizim yazımızda bu fərqlərin göz
qabağında saxlanması önəmli olmadığından, - bizi indi düşündürən Ortaçağ Azərbaycan estetik
mədəniyyətində bildiricilərin ictimai məkanda nə qədər sıx-sıx təkrarlanmasını üzə çıxarmaqdır, -
həmin fərqlərinsə aydınlaşdırılmasına ayrıca fikir verməyəcəyik. Ancaq ilkin, çaparaq verilən bilgi
kimi onu demək olar ki, jest və pozadan fərqli olaraq davranış daha davamlı, sürəkli hərəkeətlər
olub ayrı-ayrı bildirici sırasında gerçəkləşir. Davranış bir çox hallarda zəncir kimi düzülmüş jest və
poza cərgəsində davam edir. Sözlərin belənçi düzülüşündən törəyən danışıq parçası kimi davranış
da bildiricilərdən düzülmüş tekstdir. Ona görə də biz burada davranışın bildiriciliyindən danışacağıq
(69). Semiotikanın tekst anlayışı haqqında sonrakı söhbətimizdə isə davranışa tekst kimi baxıb onu
Ortaçağ Azərbaycan estetik mədəniyyətinin konkret materiallarında öyrənəcəyik.
Orta yüzillər mədəniyyətində davranış din, əxlaq və şəxsiyyətin estetik mədəniyyəti ilə sıx
bağlı olan eyləm kimi qavranılırdı. Fəzilətli, ərdəmli, yaxşı insana yalnız hansısa davranış tipləri
icazə verilirdi və ya ondan hansısa davranış tipləri gözlənilirdi. Davranış dini mənaların, əxlaqi
xüsusiyyətlərin, lətif təbiətin bildiricisi kimi duyulurdu. Nəsirəddin Tusi ev dolandırmaq, xidmətçi
və qulları idarə etmək, yemək yemək, içki içmək, sədaqət göstərmək qaydalarından danışanda həm
də bildirici forma kimi davranışı düzgün, səliqəli biçimə salmağı, bir sözlə, nəcib bildiriciləri
seçməyi anladırdı.
Sual çıxa bilər ki, söhbət əxlaqdan gedirsə, semiotikanın bura nə dəxli var? Cavabında
nəzərə alınmalıdır ki, semiotika bildiricini, onun mənasını öyrənir, əxlaqi həyatda isə istənilən qədər
ayrı-ayrı bildiricilərdən, yəni əxlaqi anlamı başqalarına çatdıran formalardan istifadə edilir. Ona
görə semiotika etikanın məşğul olduğu obyekti də öyrənir, ancaq əxlaqi baxımdan yox, məhz
bildirici baxımından. Nəsirəddin Tusi uşaq tərbiyəsi ilə bağlı böyüklərin yanında onlara az
danışmağı, utancaqlığı, gözəl rəftar etməyi tövsiyə edəndə yalnız hansısa mənəvi keyfiyyətləri
nəzərdə tutmurdu, eyni zamanda, bu mənaları bildirən formaların mənimsənilməsini məsləhət
görürdü (70). Etika araşdırıcısı bu məsələ ilə ilgili araşdırma aparanda belə suallara cavab axtarır:
Niyə Tusi az danışmağı, utancaqlığı uşaq üçün yaxşı sayırdı. Ortaçağda bu yaxşı, bu fəzilət ictimai
gərəklərlə nə dərəcədə bağlı idi? Dinin, fəlsəfənin hansı təsəvvür, anlayış və müddəaları ilə
şərtlənirdi və niyə Tusi həmin əxlaqi sifətlərin tərsi olan diribaşlığı, hazırcavablığı, nadincliyi
uşaqlar üçün yaxşı saymırdı? (71).
Bu məsələnin semiotik analizi isə iki planı biri-birindən ayırır: məna planını və bu mənanı
bildirən forma, bildirici planını. Sözsüz, məna planını düzgün formulə etmək üçün etiklərin
tapıntılarından istifadə olunmalıdır. Ancaq semiotikanı başlıca olaraq bu maraqlandırır: nəyə görə
filan mədəniyyətdə utancaqlığı bildirmək üçün filan bildirici seçilir? Həmin bildirici hansı
bildiricilərlə və necə bağlıdır? Bundan başqa, bir çox davranış işarələri var ki, onların mənaları ilkin
vəziyyətdə heç bir əxlaqi məzmunla ilgili olmur və sonrakı dönəmlə onlar əxlaqiləşdirilirlər.
Məsələn, həyəcan əxlaqa dəxli olmaən psixoloji hal ola bilər. Sonra isə mümkündür ki, başqası ilə
etik ilişgidə birinin həyəcanlı olması onun xainliyinin əlaməti kimi «oxunsun». Əxlaqi davranışda
ən öncə tamamilə qeyri-əxlaqi olan mənaları bildirən bildiricilərin sayı çoxdur və semiotika əxlaqi
davranışların bu cür bildiricilərinə fikir verməklə etikaə öz köməyini göstərir. Ancaq ən başlıcası
odur ki, semiotika davranışı hansısa bildirici «kvantları» ilə məna «kvantlarını» verən tekst kimi
götürüb öyrənir. Baxaq adi yerişə. Yeriş bir nöqtədən çıxıb başqa nöqtəyə çatmaq eyləmi kimi,
əslində, bildirici deyil. Ancaq bu məsafəni keçmək böyük təhlükələrlə bağlıdırsa, onda yeriş həm də
igidliyi bildirəcək. Və ya başqa örnək. Nəsirəddin Tusi, artıq, bildiyimiz kimi, yüngül, tələsik yerişi
yelbeyinliyin bildiricisi hesab edirdi (72). Burjua mədəniyyətində isə belə yeriş işgüzarlığın,
gəncliyin bildiricisidir.