65
edir.
Burada ümumi kontekst deyərkən, həm ümumi sosial-tarixi
şərait, həm kommunikant ətrafında cərəyan edən konkret vəziyyət,
həm də hər bir nitq elementinin daxil olduğu sintaktik bütövlər nəzər-
də tutulur. Hər bir konkret nitq elementi ümumi dil sistemi daxilində
nəzərdən keçirilməli, konkret faktlar ümumi mətndən ayrıl-
mamalıdir
1
.
Daha çox sosiolinqvistik tədqiqatların bazisi mahiyyəti daşı-
yan bu metodun psixolinqvistik yönlərini ön plana çəkən T.Salama-
Kazaku yazır: “Psixolinqvistik tədqiqatlarda dinamik-kontekstual
metoddan istifadə edərkən nəzərə almaq lazımdır ki, dil faktları
fərdlərin (danışanın və dinləyənin) fiziki vəziyyəti ilə əlaqəli şəkildə
nəzərdən keçirilməli və şərh olunmalıdır... Emosionallıq (affektivlik),
müasir psixoloji mənası ilə “motivləşmə” (maraq, ehtiyac,
tendensiya), temperamentin növü və psixoloji vəziyyətin (yorğunluq,
kədər və s.) ümumi və spesifik çalarları ifadə vasitələrinin seçilmə-
sində böyük rol oynayır. Psixolinqvistik tədqiqatlarda nəinki bu
cəhətlər nəzərə alinmalıdır, hətta
unutmaq olmaz ki, belə tədqiqat-
ların düzgün və adekvat aparılmasının yeganə yolu məhz bu cəhət-
lərin araşdırılmasıdır”
2
.
Üçüncülər isə N.Xomskinin psixolinqvistik mövqeyini bütün-
lükdə tənqid atəşinə tutan, istər psixoloji mövqe, istərsə də linqvistik
meyar baxımından ondan fərqləndiklərini iddia edən sovet psixolin-
qvistləri idi. Sovet psixolinqvistlərinin ən tanınmış nümayəndəsi
A.Leontyev, onun irəli sürdüyü psixolinqvistik nəzəriyyə isə “Nitq
fəaliyyəti nəzəriyyəsi”dir.
§ 1.14. A.A.Leontyevin psixolinqvistik görüşləri
A.Leontyev öz psixolinqvistik tədqiqatlarını əvvəldən sona
qədər Ç.Osqud və N.Xomskinin tənqidi ilə başlayıb, onunla da bitirir.
1
Салама-Казаку Т.Методология психолингвистики и некоторые ее примечания //
Психолингвистика за рубежом. Москва, 1972, c. 27.
2
Yenə orada, s. 27-28.
66
§1.14.1. A.Leontyev Amerika dilçiliyində olduğu
kimi psixo-
linqvistikanın tədqiqat obyektini və predmetini problemlər qrupu
üzrə müəyyənləşdirərək 5 əsas istiqaməti qeyd edir
1
.
I. Nitq fəaliyyətinin təbiəti və onun öyrənilmə üsulları.
Bu istiqamət üzrə aparılan tədqiqatları A.Leontyev 3 qrupa
bölür və göstərir ki, birinci qrupa daxil edilən tədqiqatçılar müxtəlif
işarələrin fəaliyyətini bəzi ümumi özəlliklərə malik işarələr sistemi-
nin reallaşması kimi qəbul edir və işarələrin bu fəaliyyətini ilk
növbədə işarələr sisteminin analizi əsasında şərh etməyə çalışırlar.
A.Leontyev bu qrupa V.İvanovun rəhbərliyi altında çalışan tədqiqat-
çıları aid edir.
İkinci qrupa daxil edilən tədqiqatçılar semiotikadan götürül-
müş işarə anlayışını psixoloji baxımdan şərh etməyə çalışırlar. Onlar
fəaliyyətin strukturunu araşdırmır, yalnız mövcud işarələr sistemin-
dən çıxış edilər. A.Leontyev bu qrupa D.İ.Ramşvilini, N.A.Slyusare-
vanı və bəzi başqa tədqiqatçıları aid edir.
Üçüncü qrupa daxil edilən tədqiqatçılar
ilkin obyekt kimi işa-
rəni və o cümlədən nitq işarələrini, fəaliyyəti götürür, işarələr sistemi-
nin yaranmasını fəaliyyət prosesində nəzərdən keçirir. Özünün də
daxil olduğu bu qrupa A.Leontyev Q.P.Şedrovitskini, L.Vıqotski
psixoloji məktəbinin bəzi digər davamçılarını aid edir. Bu qrupa daxil
edilən tədqiqatçıların nitq fəaliyyətinin yaranması və reallaşması
problemlərinə həsr olunmuş əsərlərində (o cümlədən və bəlkə də, ilk
növbədə A.Leontyevin öz əsərlərində – M.Ə) problemin həm fəlsəfi,
həm psixoloji, həm də linqvistik aspektdən (bu aspektin qeyri-
qənaətbəxşliyi ilə bağlı bax:§1.16) işıqlandırıldığını göstərir.
II. Nitq fəaliyyətinin ierarxik quruluşu. Nitq mexanizmi və
nitqin anlaşılması. Daxili nitq.
Bu istiqamət üzrə N.İ.Jinkinin (Механизм речи. М., 1958),
S.D.Kasnelsonun, A.R.Luriya və L.S.Svetkovanın, L.Vıqotskinin,
N.A.Brenşteynin (Слово в речевой деятельности) bəzi əsərlərinin
əhəmiyyətini xüsusilə qeyd edir.
1
Леонтьев А.А. Психолингвистика, М., 1972, с. 90-97
67
III. Davamlılığın psixolinqvistikası.
Burada əsasən vahidlərə və paradiqmatikaya əsaslanan işlər
yox, sintaqmatikaya əsaslanan işlər nəzərdən keçirilir.
IV. Semantikanın psixolinqvistik problemləri.
Bu istiqamət üzrə əsasən L.Vıqotskinin fəaliyyəti qeyd olunur
və göstərilir ki, L.Vıqotski tərəfindən mənanın təkamül strukturunun
ardıcıl pillələri tədqiq olunmuş, istənilən dilin lüğət tərkibinin psixo-
linqvistik baxımdan eynicinsli olmadığı göstərilmiş, sözün seman-
tikasının nitq fəaliyyətinin psixolinqvistik cəhətdən kompleks tədqiqi
üçün əhəmiyyət kəsb edən bəzi xüsusiyyətləri müəyyən olunmuşdur.
V. Psixilinqvistik xüsusiyyətlərin qeyri-dil şərtləri.
Bu məsələ ilə bağlı sözlər və rənglərə aid az sayda tədqiqat
əsərinin olduğu qeyd edilir.
Psixolinqvistikanın tədqiqat obyekti və predmeti ilə bağlı
A.Leontyev tərəfindən müəyyənləşdirilən
problemlər qrupu həm say,
həm də ad baxımından Ç.Osqudun bölgüsü ilə eyniyyət təşkil edir.
Bəzi hallarda A.Leontyev və Ç.Osqudun problemlərə yanaşma şəkli
və onların həlli yolları da mahiyyət baxımından fərqlənmir. Bununla
belə, A.Leontyev və onun tərəfdarları öz sələflərinin mövqeyini ağız
dolusu tənqid etmək və „Nitq fəaliyyəti nəzəriyyəsini” yeni psixolin-
qvistik məktəb kimi təbliğ edə bilmək üçün ikinci və üçüncü dərəcəli
səbəblər tapa bilirlər.
İstər behaviorizmi, istərsə də neobehaviorizmi nə qədər tənqid
etsələr də, “Nitq fəaliyyəti nəzəriyyəsi” tərəfdarları bir gerçəyi etiraf
etməlidirlər ki, az qala ideallaşdırdıqları bu nəzəriyyə məhz behavio-
rizm və neobehaviorizm bazasında, ondan bəhrələnməklə,
məhz tən-
qid və bəzən təhqir də etdikləri bu nəzəriyyələrin məntiqi şəkildə da-
vam və inkişaf etdirilməsi nəticəsində formalaşmışdır.
Təəssüflə qeyd etmək lazımdır ki, əski sovet elmlərinin digər
sahələrində olduğu kimi, “sovet psixolinqvistikası”nda da başqa şə-
kildə düşünənlərə həqarətlə yanaşma, onlara üstdən aşağı baxma
meyili mövcud olmuşdur və bizcə, bu, qəbuledilməzdir. Bir cəhəti də
qeyd etməyi lazım bilirik ki, hər hansı elm sahəsində edilən kəşf,
68
ixtira və ya yenilik ilk anda bizə nə qədər böyük görünsə də, istənilən
halda həmin sahədə yüz illərlə aparılan araşdırmalardan bəhrələn-
məklə mümkün olur
1
.
§1.14.2. A.Leontyev V.Humboldta belə bir irad tutur ki, kon-
kret dildən asılı olmayan “səs materialı” yəni, insanların
səs apara-
tının imkanları daxilində olan səslərdən ibarət xammal vardır. İkinci
bir tərəfdən, dildən asılı olmayan psixoloji məzmun mövcuddur:
emosiya, təsəvvür, iradə kimi. Dil forması bu və ya digər konkret dil
üçün səs materialı ilə psixoloji mahiyyətin birləşməsidir.
Buradaca qeyd edək ki, psixoloji məzmun vahidliyi qismən,
ən azı eyni dil daşıyıcılarından ibarət mikromühit üçün məqbul hesab
oluna bilər və bizcə, buna görə Humboldta irad tutmağa böyük bir
əsas yoxdur. Hətta müxtəlif dil daşıyıcılarından ibarət olan makromü-
hitdə də qorxu, sevinc, ağrı və s. ilə bağlı bir sıra
bənzər emosional
səslər çıxarılır.
Amma dili “inkişaf etmiş ruh” adlandırmaq, əlbəttə ki, mate-
rializm mövqeyindən inandırıcı hesab oluna bilməzdi və bu səbəbdən
A.Leontyev ona metafizik damğası vurmaya bilməzdi
2
.
§1.14.3. A.Leontyev marksizm-leninizm fəlsəfi konsepsiyası-
na əsaslanmaqla insanın ilk növbədə maddi varlıq olması fikrinə,
L.Vıqotski tərəfindən təkmilləşdirilərək irəli sürülən materialist psi-
xologiyaya və başlanğıcının A.Potebnyadan, Boduen de Kurtenedən
gəldiyini iddia etdiyi (şüurun ideya mahiyyətli olduğunu rədd
etməklə) sovet linqvistikası ənənələrinə əsaslanaraq yeni dilçilik isti-
qamətinin yaradılmasını təklif edir
3
. O qeyd edir ki, nitq fəaliyyəti
anlayışına həm dilə malik olan fərdlərin birbaşa ünsiyyətə xidmət
edən fəaliyyətləri, həm də ünsiyyətə xidmət etməyən fəaliyyətləri
daxildir. Bizim bu düşüncələrimiz V.Humboldtun “insanlar arasında-
kı ünsiyyəti
nəzərə almasaq belə, danışıq tam təklikdə olan fərdin
1
Əsgərov M.B.Türk dillərində zaman formaları,adverbial fel formaları və onlar arasında
funksional-semantik əlaqələr Bakı, 2003, İkinci nəşr, s. 28.
2
Леонтьев А.А. Языкознание и психология. Москва, «Наука», 1966, с. 45.
3
Леонтьев А.А.Слово в речевой деятельности. Москва, «Наука», 1965, с. 4-5.