QəRİBƏ adam
Yüklə 1,35 Mb. Pdf görüntüsü
|
- Bu səhifədəki naviqasiya:
- ____________________________________ 90 BU KƏDƏRDƏN
- ____________________________________ 92 TISBAĞA İLİ
- ____________________________________ 94
_________________________________________Eşqə doğru 89 YEKƏ DƏRDİM Məndən əvvəl kimlər çəkib, Salıb bu kökə dərdimi? Day qoymaram bundan sonra, Hər yetən çəkə dərdimi. Həə... deyirəm, nəfləndirim, İçizdirib kefləndirim, Sevincimlə evləndirim, Çoxaldım bəlkə, dərdimi?! Sevindirim işıq kimi, Xoşbəxt edim aşiq kimi, Bütün günü uşaq kimi, Ağlayan yekə dərdimi. Dərd olmasın day heç kimə, Sevinc gətirsin içimə. Ha beləcə, sevincimə, Eləyim nökər dərdimi... Elşad Ərşadoğlu ____________________________________ 90 BU KƏDƏRDƏN HƏR ÜRƏKDƏ ÇOX OLMUR Ürəyimin sahibi qəm-qubardı, Qəlbim qəmə həm beşik, həm məzardı. Dərd içimi tamam yedi qurtardı, Ha yesə də yenə acdı, tox olmur. Qəm bəsləyir, dərd böyüdür ürəyim, Belə bəxti de, kim sevməz axı, kim? Bu kədərin qədrin bilək, əzizim, Bu kədərdən hər ürəkdə çox olmur. Adam oğlu, alma qəmi vecinə, Siqaretin xeyri nədir, gücü nə? O tüstünü nə çəkirsən içinə? O tüstüylə dərd ürəkdə boğulmur. Canım-gözüm, bax, yenə də yağdı qar, Göylər bizi hərifləyib nəyi var. Başımıza kül ələyir buludlar, Nə olsun ki, külün rəngi ağ olmur... _________________________________________Eşqə doğru 91 ÜRƏYİMƏ DƏRD GƏLƏCƏK Əgər payızda ağacların yarpaqları başından tökülməyə başlayıbsa, qış sərt gələcək. Ovucun içi gicişirsə əlinə pul gələcək... Xalq inancları Sanki bir ağacam, ürəksiz, cansız, Bir çəmən yelində qalmışam yalqız. Başımdan başlayıb sollam bu payız, İçimdə qış sərt gələcək, deyəsən. Ölür ürəyimdə arzular bir-bir, Ruhumu göynədir, ruhumu didir. Ürəyimin içi yaman gicişir, Ürəyimə dərd gələcək, deyəsən... Elşad Ərşadoğlu ____________________________________ 92 TISBAĞA İLİ Yenə fikirlərim dolaşıq düşmüş, Dünyaya gəlməyin səbəbi nəymiş? Səadət necə də qəribə şeymiş, Qiymətin biləndə əlimdən gedir. O nədir, insanla gəzər hər yanı. Nə yaxşısı bəlli, nə də yamanı? Ölümdü, izləyir daim insanı, İnsanlar toya da ölümnən gedir. Sürünə-sürünə qalıb ömür-gün, Elə bil günlərim düşübdü düyün. Tısbağa ilidi bu il mənimçün, Onçun hər dəqiqəm zülümnən gedir. Elə istəyirəm ürəkdən, candan, İllər bir-birini qova durmadan. Heç nə aparmır ki, içimdən zaman, Hər nə gedirsə də, çölümdən gedir. _________________________________________Eşqə doğru 93 HANSI YAXŞIDI? Yenə xəyallarım açıb qol-qanad, Məni düşüncələr buraxmır rahat. Həyatda ölüm var, ölümdə həyat, Nə bilək, bunların hansı yaxşıdır? Pis günümdə arzu, güman da olmur, Mən ondan bir kömək uman da olmur. Arzular indiki zamanda olmur, Bəs niyə deyirik, arzu yaxşıdır? Başıma iş gəlir, ürəyim çəkir, Deyin, mən çəkəni axı kim çəkir? Sevinc vəfasızdı, üç-beş gün çəkir, Ondansa dərd yaxşı, qayğı yaxşıdır. Ruhuna, qəlbinə çökür qocaldır, Əyir qamətini, bükür qocaldır. İnsanı kədər yox, fikir qocaldır, Kim deyir düşüncə, duyğu yaxşıdır. Elşad Ərşadoğlu ____________________________________ 94 Hər şeyi dərindən ölçüb biç deyir, Şüurun var, düz yola buyur keç, deyir. Allah ağıl verib, özün seç deyir, Demir ki, bu pisdir, bax bu yaxşıdır. _________________________________________Eşqə doğru 95 ƏLİMİZDƏN TUTUR ÖLÜM Öldürür, özü ölmür heç, Öldürməkdən üzülmür heç. Yorulmaq nədir bilmir heç, Bu urvatsız, qotur ölüm. İnsanları bir-bir udur, Elə kirli-kirli udur. Nə hakim cəzası alır, Nə günaha batır ölüm. Nə dostu var, nə də yarı, Bir Allahdır havadarı. Tək, bu qədər insanları, Gör necə qorxudur ölüm. Üstümüzə dərd gələndə, Köksümüzü qəm dələndə, Əl hər yerdən üzüləndə, Əlimizdən tutur ölüm. Yüklə 1,35 Mb. Dostları ilə paylaş:
|